دکتۆر حەیدەر عەبادی لە نووسینگەکەی خۆیدا پێشوازی کرد لە سەرۆکی بەرەی فریاکەوتن و گەشەپێدان بەڕێز ئوسامە نوجەیفی.
لەدیدارەکەدا تاوتوێی کۆی دۆخی سیاسی و ئەمنی و ئابووری و پرسی هەڵبژاردنە پێشەوەختەکە کرا و ئەو ئاستەنگانەش کە وڵاتەکە رووبەڕووی بووەتەوە.
وجەختیشکرایەوە لەسەر گرنگی بەجێهێنانی داواکارییە رەواکانی خۆپیشاندەران سەبارەت بە باشترکردنی خزمەتگوزارییەکان و بنبڕکردنی گەندەڵی و پاراستنی ئازادی رادەربڕین و دابینکردنی هەلی کار.
هەروەها تاوتوێی دۆخی دارایی وڵات کرا و کاریگەریی لەسەر کۆی سیکتەرەکانی تر، وگرنگی دانانی سیاسەتێکی روون کە پشتبەستوو بێت بە داهاتە نانەوتییەکان بۆ پتەوکردنی بودجە داراییەکە، هاوکات تاوتوێی نۆژەنکردنەوە لە وڵاتەکەدا کرا و بەتایبەتیش لەو شوێنانەدا کە زیانیان پێگەیشتووە بەهۆی تیرۆرەوە، ودۆسێیەی ئاوارەکانیش خرایە بەرباس.