سەرکردەی هاوپەیمانی نەسڕ دکتۆر حەیدەر عەبادی ئەمڕۆ لەنووسینگەکەی خۆیدا پێشوازی لە سەرۆکی هەرێمی کوردستان بەڕێز نێچیرڤان بارزانی و شاندی یاوەری کرد بەئامادەبوونی ژمارەیەک لە پەرلەمانتارانی هاوپەیمانی نەسڕ
ولەدیدارەکەدا تاوتوێی کۆی دۆخەکە و ئەو ئاستەنگانە کرا کە رووبەڕووی وڵاتەکە بووەتەوە و گرنگی یەکخستنی هەوڵ و هەڵوێستەکان بەمەبەستی تێپەڕاندنیان و هەنگاونان بە ئاڕاستەی خزمەتکردنی رۆڵەکانی گەل.
هەروەها تاوتوێی پەیوەندیی نێوان ناوەند و هەرێم کرا و گرنگی مامەڵکردن لەگەڵ ئەم بابەتەدا بەپێی سیاقی روون و ئاشکرا لە چوارچێوەی دەستووردا.
ودکتۆر عەبادی خۆشحاڵی خۆی دەربڕی لەبەرامبەر سەردانییەکەی بەڕێز نێچیرڤان بارزانی بۆ بەغدای پایتەخت، وجەختیشیكردەوە لەوەی: "بەهەماهەنگی و دیالۆگ و یەکخستنی هەوڵەکان توانیمان سەربکەوین بەسەر چەتە تیرۆریستییەکانی داعشدا، وبەهەماهەنگی نێوان سوپای عیڕاق و پێشمەرگە و رشتەکانی تری هێزە قارەمانەکانمان کە لەیەک ریزدا جەنگان هەر بۆیە توانرا سەربکەوین بەسەر تیرۆردا و چیرۆکی سەرکەوتنێکمان نەخشاند کە هەموو جیهان ستایشی کرد، بۆیە دەبێت لەسەر ئەم بنەمایە بناغەی هەماهەنگییەکان دابڕێژین لەپێناو رووبەڕووبوونەوەی ئاستەنگ و قەرانەکانی وڵاتەکە".
