سەرکردەی ئیئتلافی نەسڕ دکتۆر حەیدەر عەبادی دوێنێ چوارشەممە، لە نووسینگەکەی خۆیدا، پێشوازیکرد لە سەرۆکی ئەنجوومەنی نوێنەران بەڕێز مەحەمەد ئەلحەلبووسی.
لە دیدارەکەدا تاوتوێی کۆی ئەو دۆخ و ئاستەنگانە کرا کە رووبەڕووی وڵاتەکە بوونەتەوە لەوانەش دۆخە ئەمنی و سیاسیی و داراییەکە، وئەو رێگەچارانەی خراونەتەڕوو بۆ دەرچوون لەم قەیرانانە.
هەروەها تاوتوێی بودجەی داراییەکە کرا بۆ ساڵی ۲۰۲۱ و ئەو دەستکاریی و چاکردنەوانەی کە پێشنیارکراون لەلایەن ئەنجوومەنی نوێنەرانەوە، وگرنگی ئەوەی کە بودجەکە چاکسازانە بێت، وخەڵکانی خاوەن داهاتی سنووردار کاریگەر نەبن بە رێوشوێنەکانی، وکارکردن لەپێناو کردنی ئەم ئاستەنگ و تەنگوچەڵەمانەی کە عیڕاق پێیدا تێدەپەڕێت بەهەلێکی راستەقینە بۆ دۆزینەوەی چارەسەر و چاکسازیی و گەشەسەندن.
هاوکات دکتۆر عەبادی لەگەڵ بەڕێز حەلبووسیدا، تاوتوێی دۆسێیەی هەڵبژاردنە پێشوەختەکەیان کرد، وگرنگی تەواوکردنی هەموو پێویستییەکانی لەڕووی یاسادانان و جێبەجێکارییەوە، وخوڵقاندنی کەشی گونجاو لەپێناو ئەوەی دەنگدەر دەنگی خۆی بدات بەبێ هیچ جۆرە فشارێک، وساختەنەکردنی ئیرادەی دەنگدەران، ئەمانە و بێجگە لەبوونی چاودێریی نێودەوڵەتی.
