چارەکی سێیەمی ساڵی ۲۰۲۲
هەڵوێستەکانمان

چارەکی سێیەمی ساڵی ۲۰۲۲

لە بەرواری ۱۰ی تەمووزەوە تاوەکو بەرواری ۳۰ی ئەیلوول

 

۱۰ی تەمووزی ۲۰۲۲

عەبادی: یادی ڕزگاکردنی موسڵ داستانێکی نیشتیمانیی عیڕاقی بوو

پیرۆزبایی لە گەلی عیڕاق دەکەم بەبۆنەی پێنجەم ساڵیادی ڕزگارکردنی موسڵەوە، و ڕەحمەت دەنێرم بۆ شەهیدە سەرفرازەکانمان ئەوانەی کە شکۆیان بۆ میللەتی عیڕاقی تۆمار کرد.

ڕۆژی ڕزگارکردنی موسڵ داستانێکی نیشتیمانیی عیڕاقییە تێیدا عیڕاق بەهێزی و سەرکەوتنی خۆی سەلماند بەسەر تیرۆری ڕەش و پاشماوەکانی بەعس و کلکەکانی ئەژینداکاندا ئەوانەێی تەماعیان لە خاکی عیڕاقدا کردبوو. نیشتیمانپەروەریی عیڕاق هەرگیز نامرێت، هەروەکو چۆن بەسەر تیرۆردا سەرکەوت هەرواش لە داهاتوودا لە هەموو جەنگەکانی یەکپارچەیی و شوناسدا سەردەکەوێت.

وزەی سەرکەوتن و شکۆ لەم ڕۆژەوەوە وەردەگرین، و ڕوونی دیدگا و پیرۆزی ئامانج و خۆڕاگریی و بەڕێوەبردنێکی ژیرانە، ئەو بنەمایانە بوون کە لە ڕێگەیانەوە توانیمان جەنگەکانی مانەوە بەرینەوە هەرکاتێک شەڕانگێزیی دەست درێژیی بکات و ئاڵنگارییەکان توندتر ببنەوە.

لە پانتایی ئەم ڕۆژەی عیڕاقدا، داواکارم لە کۆی هێزە سیاسییەکان ناکۆکییەکان تێپەڕێنن لەپێناوی عیڕاقدا، و داواکارم لێیان هیوا بخوڵقێنن بۆ عیڕاق، و ڕابەراییەتی ڕاستەقینه بریتیە لەو ڕابەرایەتییەی کە شکۆ و بەرژەوەندییەکانی بریتین لە هەمان شکۆ و بەرژەوەندییەکانی گەلەکەی خۆی.

سڵاو بۆ هێزە چەکدارەکانمان بە هەموو ڕشتەکانییەوە، نەمری بۆ شەهیدان خوڵقێنەرانی سەرکەوتن، شکۆ بۆ عیڕاق و گەلەکەی.

 

---

۱۰ی تەمووزی ۲۰۲۲

هاوەپەیمانیی هێزەکانی دەوڵەت: دەسپێشخەرییەکەمان ڕزگارکەرانەیە و لە ناڕوونی دەترسین

ئایات ئەلموزەفەر وتەبێژی "هاوپەیمانیی نەسڕ" جەختیکردەوە لەوەی کە دەسپێشخەرییەکەی "هاوپەیمانیی هێزە نیشتیمانییەکانی دەوڵەت" ڕزگارکەرانەیە بۆ قەیرانە سیاسییە هەنووکەییەکە، و ئامانج لێی گێڕانەوەی متمانەیە بە پرۆسە سیاسییەکە، لەڕێگەی پێکهێنانی هاوکێشەیەکی حوکمڕانی چالاک و هاوسەنگەوە و هاوکات دڵنەوایی پێدەر بێت بۆ هەموو لایەنەکان بەمەبەستی ڕابەراییەتی کردنی قۆناغێکی ڕاگوزەر/ئینتیقالی لەسەر ڕێککەوتوو.

و ٔموزەفەر" ئاماژەشی دا بەوەی کە هاوکێشەیەکی سیاسی بەرژەوەندخواز و تاکڕەو سەرکەوتوو نابێت، و کۆی سیستەمە سیاسییەکە بەرەو نادیاریی و هەڵدێر دەبات، و "هاوپەیمانیی هێزە نیشتیمانییەکانی دەوڵەت" لەگەڵیدا نابێت.

 

---

 

11ی تەمووزی ۲۰۲۲

هاوپەیمانیی هێزەکانی دەوڵەت: قۆناغێکی ڕاگوزەر و حکومەتێکی نێوەندگیر پێویستن بۆ ئەوانەی دەیانەوێت سیستەمە سیاسییەکە بپارێزن

وتەبێژی "هاوپەیمانیی نەسڕ" سەعەد لامی جەختیکردەوە لەسەر گرنگترین ئەو دوو پایەیەی کە دەستپێشخەرییەکەی "هاوپەیمانیی هێزە نیشتیمانییەکانی دەوڵەت" خستینییە ڕوو، کە بریتی بوون لە (قۆناغێکی ڕاگوزەر و حکومەتێکی ڕاگوزەر)، و ئەمانەش پێویستن بۆ ئەوانەی کە مەبەستیانە سیستەمە سیاسییەکە بپارێزن، لە نێو بایکۆت و ناڕەزاییەتی هێزی سیاسی گرنگدا.

و "لامی" ئاماژەشی دا بۆ ئەوەی کە "هاوپەیمانیی هێزە نیشتیمانییەکانی دەوڵەت" لەگەڵ سۆلیدارێتی نیشتیمانیدایە، و بە توندیش دژ بە هەر جۆرە وەلانان و پەراوێز خستنێکی هێزە سیاسییە کاریگەرەکانەدایە لە نێو پانتاییە سیاسییەکەدا، و پێی وایە کە ئەمە ڕەچەتەیەکی تری نشوستە و سیستەمە سیاسییەکە ناتوانێت بەرگەی لێکەوتەکانی بگرێت.

 

---

 

12ی تەمووزی ۲۰۲۲

هاوپەیمانیی هێزەکانی دەوڵەت: هەر هاوکێشەیەکی حوکمڕانیی هەڵە بەرەو ئاشووب دەمانبات

وتەبێژی "هاوپەیمانیی نەسڕ" ئەحمەد ئەڵوەندی ئاماژەی کرد بۆ ئەوەی کە: دەسپێشخەرییەکەی "هاوپەیمانیی هێزە نیشتیمانییەکانی دەوڵەت" گوزارشت لە دیدگا و ئیرادەی سیاسی هێزەکانی هاوپەیمانێتییەکه دەکات، و ئامانج لێی بەڕێوەبردنی قۆناغێکی ڕاگوزەرە بە ڕابەراییەتی حکومەتێکی پێشوازیی لێکراو، کە ئەرکەکانی بە شێوەیەکی پیشەیی و بێلایەنانە بەڕێوەبەرێت.

و "ئەڵوەندی" جەختیکردەوە لەوەی: هەر جۆرە حوکمڕانییەکی هەڵە کە نەگونجاو بێت لەگەڵ ئاڵۆزییەکانی واقیعی ئێستا و قەبارەی ئاڵنگارییەکان دەرەنجام بەرەو و ئاشووب و فەوزا دەمانبات.

 

---

 

15ی تەمووزی ۲۰۲۲

هاوپەیمانیی نەسڕ: پێشوازیی دەکەین لە هاوئاهەنگبوونی عیڕاق لەگەڵ دەوروبەرە هەرێمی و نیودەوڵەتییەکەیدا و هۆشداری دەدەین لە لایەنگیریی

وتەبێژی بەناو "هاوپەمانیی نەسڕ "ئەحمەد ئەڵوەندی جەختیکردەوە لەوەی کە ئێمە پێشوازیی دەکەین لە هاوئاهەنگبوونی عیڕاق لەگەڵ دەوروبەرە هەرێمی و نێودەوڵەتییەکەیدا، بەڵام هۆشداریی دەدەین لە لایەنگیریی و ڕاکێشانی عیڕاق بەرەو بەرە جێوسیاسییەکان لەسەر حیسابی سەروەریی و بێلایەنییەکەی.

و ئەڵوەندی ئاماژەیکرد کە عیڕاق چەقی هاوسەنگییە لە ناوچەکەدا، و هاوسەنگییش بە بەڕێوەبەرییەکی بەهێز و ئاگەدار لە ئەژیندا و لە بەرژەوەندییە ناکۆکەکانەوە و هاوکات بە بەدەستهێنانی بەرژەوەندییە باڵاکانی عیڕاق دێتە ئاراوە، بۆیە لە ڕێگەی گێڕانی ڕۆڵی مەیگێڕەوە یان بە هەژمارکردنی عیڕاق بە مێزێک بۆ کۆبوونەوە بەدەست نایەت، و ئەوەی کە ئەمڕۆ بڕیار بەدەستە دەبێت ئەم جیاوازییە بزانێت.

 

---

 

۲۰ـی تەمووزی ۲۰۲۲

هاوپەیمانیی نەسڕ:  تۆپبارانکردنی دهۆک تاوانێکی  سەرکۆنەکراوە

"هاوپەیمانیی نەسڕ" سەرکۆنەی تۆپبارانەکەی تورکیا دەکات بۆ سەر هاوینەهەواری دهۆک، کە بوو بەهۆی شەهید و برینداربوونی خەڵکی سڤیل، و هاوپەیمانییەکە پێیوایە کە ئەمە تاوان و هەڕەشەیە بۆ سەر گەلەکەمان، و تەواوی بەرپرسیارێتی یاساییەکەی دەخاتە ئەستۆی حکومەتی تورکی بەپێی یاسا و عورفە نێودەوڵەتییەکان.

"هاوپەیمانیی نەسڕ" داواکارە لە حکومەتی عیڕاقی شکاتنامەیەکی فەرمیی پێشکەش بکات و داوای بەستنی کۆبوونەوەی بەپەلەی ئەنجوومەنی ئاسایش بکات، بۆ ئەوەی کۆمەڵگای نێودەوڵەتی بخرێتە بەرامبەر بە بەرپرسیارێتییەکانی خۆی سەبارەت بە پێشێلکارییە بەردەوامەکانی تورکیا دژ بە سەروەریی و گەلی عیڕاق.

و"هاوپەیمانیی نەسڕ" داواکارە لە حکومەت و هێزە سیاسی و کۆمەڵایەتییەکان هەڵوێستێکی نیشتیمانی یەکگرتوو و توند بگرنەبەر بۆ وەڵامدانەوەی پێشێلکارییەکانی تورکیا.

 

---  

 

30 ی تەموزی 2022 ز

خودا دەفەرموێت: [تَعَالَوۡا۟ إِلَىٰ كَلِمَةࣲ سَوَاۤءِۭ]

لە سۆنگەی بەرپرسیارێتی شەرعی و نیشتمانییەوە، بانگەوازی سەرکردەکان دەکەین بۆ دیالۆگ و ڕێککەوتن، بە شێوەیەک کە عیڕاق و ئاسایشەکەی و بەرژەوەندی ڕۆڵەکانی خاڵی یەکلاکەرەوە بێت کە دەبێت خۆمان لە پێناوی فیدا بکەین، ئەمەش لە پێناوی خۆپارێزیی لە فیتنە و خزان.

هیواخوازم کە برایان و کۆی فراکسیۆنەکان، زمانی دیالۆگ بگرنەبەر و بەرژەوەندی نیشتیمانی پێشخەن بەسەر کۆی ناکۆکییەکان کە لە ئێستادا ئاسایشی وڵات و سەقامگیرییەکەی خستۆتە مەترسییەوە.

لەم سۆنگەیەوە ئامادەیی خۆمان دەردەبڕین بۆ نزیکردنەوەی دیدگاکان لە یەکتری لە نێوان برایاندا، ئەمەش لەپێناو دەربازبوون لە گیرەی قەیرانەکە، و دوورخستنەوەی نیشتیمان و هاوڵاتیان لە فیتنە نەخوازەڵا.

و خودا و نیشتیمان ئامانج و مەبەستمانە.

 

---

 

۳۱ی تەمووزی ۲۰۲۲

هاوپەیمانیی نەسڕ: لە ۲۲ی حوزەیراندا دەسپێشخەرییەکی یاساییمان خستەڕوو، و گرنگی پێ نەدرا

ڕای گشتی ئاگەدار دەکەینەوە، لەوەی لە ۲۲ی حوزەیرانی ڕابردوودا لەڕێگەی "هاوپەیمانیی هێزە نیشتیمانییەکانی دەوڵەتەوە" دەسپێشخەرییەکی سەرتاپاگیر و فریاگوزارییانەمان خستەڕوو بۆ قەیرانە هەنووکەییەکە، و لە کرۆکدا لەسەر بەهەژمارکردنی قۆناغە داهاتووەکە بە قۆناغێکی ڕاگوزەر، بەند بوو، و ئەو قۆناغە بە هەڵبژاردنێکی نوێ؟کۆتایی پێ بێت، و هەروەها پێکهێنانی هاوکێشەیەکی حوکمڕانی درووست و نێوەندگیر کە ڕەزامەندی هەموو هێزە بەشدار و نابەشدارەکانی حوکمی لەسەر بێت، ئەمەش لەپێناو تێپەڕاندنی قەیرانە هەنووکەییەکەدا، بەڵام بەداخەوە گرنگی پێ نەدرا.

ئەمڕۆ بانگەوازی خۆمان بۆ کۆی فراکسیۆنە سیاسییەکان نوێ دەکەینەوە بەمەبەستی پێکهێنانی لیژنەیەکی ڕێگەپێدراو لەلایەن هەموو لایەنەکانەوە بۆ ڕێککەوتن لەسەر"نەخشەڕێگایەک" بۆ کۆتایی پێهێنانی قەیرانەکەی ئێستا، لەپێناو خزمەتکردنی هاوڵاتیان و خزمەتکردنی بەرژەوەندییە باڵاکانی نیشتیماندا.

 

---

 

٦ی ئابی ۲۰۲۲

هاوپەیمانیی نەسڕ: ئێمە بانگەوازمان کرد بۆ هەڵبژاردنی نوێ، و دواکاری نەخشەڕێگایەکی ڕوونین

ئەحمەد ئەڵوەندی، وتەبێژی "هاوپەیمانیی نەسڕ" جەختیکردەوە لەوەی: هاوپەیمانییەکەمان لە سەرەتاوە پەی بە مەترسی قەیرانەکە بردووە بۆیە چەندین دەسپێشخەریی ڕاگەیاند کە دواهەمینیان دەسپێشخەرییەکی سەرتاپاگیر بوو لە بەرواری ۲۲ی حوزەیرانی ۲۰۲۲دا و تیایدا داواکاری قۆناغێکی ڕاگوزەر/ئینتیقالی بوو کە بە هەڵبژاردنێکی نوێ کۆتایی پێ بێت، و ئەمەیش لەگەڵ پەیامەکەی سەید موقتەدا ئەلسەدردا یەکدەگرێتەوە کە دواکاری هەڵبژاردنێکی نوێ بوو.

و "ئەڵوەندی" وتیشی: "نەسڕ" داواکاری بەستنی دیالۆگێکی نیشتیمانییە تیایدا ڕێککەوتن بکرێت لەسەر چارەسەری دەستووری بۆ بەڕێوەبردنی قۆناغە داهاتووەکە، و بەپێ نەخشەڕێگایەکی ڕوون، و دەرەنجامەکەی هەڵبژاردنێکی دادپەروەرانە و پاک بێت، بۆ قۆناغێکی دیموکراسی درووست و پتەو کە متمانەی جەماوەر بەهێز بکات بە سیستەمە سیاسییەکەی.

و وتەبێژی "هاوپەیمانیی نەسڕ": جەختیکردەوە کە دکتۆر حەیدەر عەبادی لە سەرەتاوە لەگەڵ چارەسەرکردنی قەیرانەکەدایە، و کۆی دەسپێشخەرییەکانی جەختیان دەکردەوە لەسەر چارەسەر نەک درووستکردنی لەمپەر.

و ئەو لایەنانەی که کە چارەسەریان ناوێت، یاخود ئەوانەی دەستگرتوون بە چارەسەرەکانی خۆیانەوە، وڵاتەکە بەرەو هەڵدێر دەبەن، و ئێمەیش لەگەڵ ئەم پەیڕەوەدا نین. پەیڕەوی "نەسڕ" دیالۆگ و میانڕەوی و چارەسەری میانڕەو/نێوەندگیرانەیە، و هەمیشە پێشەنگیی دەدات بە بەرژەوەندییەکانی گەل و سەقامگیرییەکەی و گەشەکردنی دەوڵەت

 

---

 

٦ی ئابی ۲۰۲۲

هاوپەیمانیی نەسڕ: ئازادییەکان و مافەکان بەشبەش ناکرێن لە کۆی عیڕاقدا

"هاوپەیمانیی نەسڕ" جەختدەکاتەوە لەوەی کە ئازادییەکان بۆ هەموو عیڕاقییەک وەکو یەکە و بەشبەش ناکرێت لە کۆی عیڕاقدا، و پێشەنگی ئەم مافانەش مافە مەدەنییەکان و مافی خۆپیشاندان و دەربڕینی هێمنانەیە لە داواکارییەکان. بەم پێیەش "نەسڕ" هەموو جۆرە سەرکوتکردنێکی خۆپیشاندەران و دەسبەسەردا گرتنی مافە مەدەنییەکان ڕەت دەکاتەوە. و مافی هەموو عیڕاقییەکانە لە هەر بەشێکی وڵاتەکەدا و لەو چوارچێوەیەشدا کوردستان کە داوای مافەکانی بکات، و هێمنانە گوزارشت لە داواکانی خۆی بکات.

 

---

 

۲٤ی ئابی ۲۰۲۲

عەبادی: هیواکەم گەورەیە بەوەی حەکیمەکانی وڵات چارەسەرێکی نیشتیمانی بدۆزنەوە کە دەوڵەت و سیستەم و گەلەکەی بپارێزێت

ئەمڕۆ، کە کەیانە نیشتیمانییەکی ئێستامان میراتگری عیڕاقە مێژووییەکەیە، جەختدەکەینەوە لەوەی، عیڕاق هەمیشە نەمرە، و ئەو زەوییەی کە مێژووی درووست کرد، هەمیشە لە نوێببوونەوە و خوڵقاندندایە، و هەرچەن نوشوست بکات بە هیمەتی ڕۆڵەکانی دووبارە چەکەرە دەکاتەوە.

نیشتیمانەکەمان ئەمڕۆ لە قەیرانێکی جیددی و نوێدا دەژێت کە هەڵبژاردنەکانی مانگی ۱۰ی ۲۰۲۱ بەرهەمی هێنا بەهۆی ئەو داخرانە سیاسییەی کە درووستی کرد لەڕێگەی ناکۆکییەکی سیاسییەوە کە دواتر بوو بە دژایەتیکردن لەنێوان لایەنە سیاسییە جیاوازەکاندا، و بوو بە مایەی هەڕەشە بۆ سیستەمە سیاسییەکەی دەوڵەت و بەڕێوەچوونی کاروبارەکانی، و پەکخستنی دامودەزگاکان لە خزمەتکردنی هاوڵاتیاندا، ئەمەش وا پێویست دەکات کۆی هەوڵەکان چڕبکرێنەوە بۆ دەرچوون لە قەیرانەکە بەمەبەستی پاراستنی گەل و دەوڵەت.

ئەوەی ئەمڕۆ داواکراوە، هێورکردنەوە و دیالۆگ و ڕێکەوتنە لەسەر نەخشەڕێگایەکی پەسەند و شەرعیی کە قەیرانەکە کۆتایی پێ بێنێت، لەسەر بنەمای ئەوەی کە قۆناغە هەنوکەییەکە دەبێت بە بونیادنەری قۆناغێکی دەستووری نوێ، و چاکسازیی و گۆڕانکاریی لە جەستەی سیستەمەکە و دامەزراوەکانیدا بەرپا دەکات، لەپێناو مسۆگەرکردنی شیاوی و چالاکیی سیستەمەکە لە ڕابەرایەتیکردنی دەوڵەت و خزمەتکردنی خەڵکیدا، و ئامادەباشی بکات بۆ هەڵبژاردنێکی دادپەروەرانەی نوێ بە بەشداریکردنێکی فراوانەوە بەمەبەستی ئەوەی گوزارشت بکات لە ویستی هاوڵاتیان.

هیواکەم گەورەیە بە حیکمەت و بەرپرسیارێتی دڵسۆزان بۆ دۆزینەوەی چارەسەرێکی نیشتیمانی کە دەوڵەت و سیستەمەکەی و گەلەکەی لە خزان و کارەسات بپارێزێت.

 

---

 

۳۱ی ئابی ۲۰۲۲

هاوپەیمانیی نەسڕ: داواکاریین قەیرانەکە سفر بکرێتەوە، و ڕێککەوتن بکرێت لەسەر نەخشەڕێگایەک کە لە دوو قۆناغ پێکهاتبێت

پاش ڕووداوە دڵتەزێن و کارەساتبارەکانی ۲۹-۳۰ ئاب کە شەهید و برینداری لێکەوتەوە و هەناوی نیشتیمانی بریندار کرد، "هاوپەیمانیی نەسڕ" ڕای گشتی و هێزە سیاسییە پەیوەندیدارەکان لە دیدگای خۆی بۆ مامەڵەکردن لەگەڵ قەیرانەکەدا ئاگەدار دەکاتەوە.

۱. دەبێت کۆی هێزە سیاسییەکان قەیرانەکە سفربکەنەوە، و لاپەڕەی کارەساتی ڕووداوەکانی ۲۹-۳۰ ئابی ۲۰۲۲ و پێشووتری دابخەن، و دەسبکەن بە هەوڵێکی جیددی لەپێناو دانانی نەخشەڕێگایەک بۆ قۆناغەکانی چارەسەرێکی نیشتیمانی دەستووری کە کۆی لایەنەکان لەسەری کۆک بن، و لە ماوەیەکی کورتدا بخرێتەڕوو، و دوور بێت لە عەقڵیەتی براوە و ڕۆحییەتی ڕق و شکاندنی ئیرداەی یەکتریی، چونکە هەمووان بران لە نیشتیمان و هاوبەشن لە چارەنووسدا.

۲. هەر جۆرە چارەسەرێک، دەبێت نەخشەڕێگایەکی ڕوون و جێگای پەسەندیی هەمووان بڕیاری لەسەر بدات، و پشت ئەستوور بێت بە بنەمای دەستووریی و یاسایی و دامەزراوەی شەرعیی، و بۆ گەیشتن بەم مەبەستە دەبێت دیالۆگ و ڕۆحییەتێکی پۆزەتیڤانە بەرپابکرێت و هەمووان بەرپرسیارێتییە گشتییەکە بگرنە ئەستۆ، و ئاستی داواکارییەکانیان کەم بکەنەوە، و تەنازولاتی هاوبەش بەرپا بکەن، لەپێناو بەرژەوەندیی گشتیدا.

۳. پێمان وایە کە دەبێت ڕێک بکەوین لەسەر نەخشەڕێگایەک کە لە دوو قۆناغ پێکهاتبێت، قۆناغی یەکەمی بریتی بێت لە چارەسەرکردنی قەیرانە هەنووکەییەکە بەشێوەیەک کۆتایی بهێنێت بە داخرانەکەی ئێستا، و لە قۆناغی دووەمدا ڕێککەوتن بکرێت لەسەر هێڵی پان و ڕوون بۆ چاکسازیی لەپێناو چارەسەرکردنی سیستەمە سیاسییەکە بۆ ئەوەی سیستەمەکە سەربەخۆیانە بتوانێت بە شێوەیەکی خۆیی لەمپەرەکان تێپەڕێنت،  هاوکات لێهاتوو و شیاو بێت و لە توانایدا بێت دەوڵەت بەڕێوەبەرێت.

٤. جەختدەکەینەوە لەسەر دەسپێشخەرییەکەمان کە لە ۲۲ی حوزەیرانی ۲۰۲۲دا خستمانەڕوو، و تێیدا پێمان وا بوو کە پێویستە قۆناغە داهاتووەکە وەکو قۆناغێکی ڕاگوزەر هەژمار بکرێت و ڕێککەوتن بکرێت لەسەر ماوەکەی، و بە هەڵبژاردنێکی پێشوەختەی دادپەروەر کۆتایی پێ بێت، وهاوکات ڕێککەوتن بکرێت لەسەر یاسا و میکانیزمەکانی ئەو هەڵبژاردنە، بەمەبەستی پێکهێنانی حکومەتێکی نوێ کە کۆی لایەنەکان لەسەری کۆک بن، و ئەرکی بنەڕەتی ئەو حکومەتە بەڕێوەبردنی کاروبارەکانی دەوڵەت بێت و ئامادەکاریی بکات بۆ هەڵبژاردنێکی پاک کە ڕێخۆشکەر بێت بۆ قۆناغێکی دەستووریی درووست.

٥. دەبێت ئەو قۆناغە دەستوورییەی کە دەرەنجامی هەڵبژاردنە پێشوەختەکەی داهاتووە، چاکسازیی و گۆڕانکاریی لە ژیان و سیستەمە سیاسییەکەدا بەرپا بکات لەپێناو دووبارە نەبوونەوەی قەیرانەکاندا.

چونکە بەبێ چاکسازیی بوێرانە و ڕاستەقینە بۆ کۆی هەڵە و گەندەڵییەکان بەهیچ جۆرێک هیوا هەڵناچنرێت لەسەر بەدیهێنانی سیستەمێکی سیاسی کە لە توانایدا بێت ئەرکەکان لەڕووی سیاسی و ئەمنی و ئابووریی و سەروەرییەوە ڕاپەڕێنێت.

 

---

 

13ی ئەیلوولی ۲۰۲۲

هاوپەیمانیی نەسڕ: عەبادی لەگەڵ ڕێککەوتنێکی سیاسی هاوسەنگدایە، تێیدا داواکارییەکانی چوارچێوە و ڕەوت لەخۆ بگرێت لە چوارچێوەی ڕێککەوتنێکی نیشتمانی دەستووریدا

ئەحمەد ئەڵوەندی وتەبێژی "هاوپەیمانیی نەسڕ" جەختیکردەوە لەوەی کە دیدگای دکتۆر حەیدەر عەبادی پێشووتر و ئێستاش لەگەڵ  دۆزینەوەی ڕێککەوتنێکی سیاسی هاوسەنگەدایە تێیدا داواکارییەکانی چوارچێوەی هەماهەنگی و ڕەوتی سەدڕ لەخۆ بگرێت لە چوارچێوەی ڕێککەوتنێکی نیشتمانی دەستووریدا بۆ چارەسەرکردنی قەیرانەکە، و عەبادی باوەڕی بە سیاسەتی زۆرینە و شکاندنی ئیرادەکان نییە، چونکە دەرەنجامیان شەڕ و پەشێوییە، یان ئەوەتا قەیرانەکە درێژە پێ دەدات، کە ئەمەش هەوڵ و ویستی هەندێک لایەنە.

ئەڵوەندی ئاماژەشی کرد بەوەی کە هەر لە سەرەتای قەیرانەکەوە دیدگا و هەڵوێستەکانی عەبادی ڕوون و ئاشکران، و ئامانجیان بەدەستهێنانی ئیمتیاز نییە یان تۆمارکردنی خاڵێک یان کاردانەوە بێت بەرامبەر هەڵوێست و لێدوانێک لێرە و لەوێ، ئەوەشی ئەم قسانە شۆکی دەکات وا دیارە یان ئاگەدار نییە و نازانێت هەڵوێستەکانی عەبادی چین، یان ئەوەتا خەریکی ڕاوکردنە لەئاوێکی لێڵدا، ئەمەش کێشەی خۆیەتی، عەبادی سیاسەتمەدارێکی نێوەندگیر (وەسەتییە)، و لە هەر پێگەیەکدا بێت واز ناهێنێت لە نێوەندگیریی خۆی وەکو هێڵێکی سیاسی بۆ مامەڵەکردن لەگەڵ قەیرانەکاندا بەشێوەیەک کە خزمەت بە بەرژەوەندییە باڵاکانی وڵاتەکە بکات.

 

---

 

17ی ئەیلوولی ۲۰۲۲

هاوپەیمانیی نەسڕ: ئێستا و پێشووتریش لەگەڵ ڕێککەوتنێکی سیاسیداین کە چوارچێوە و ڕەوت و هێزە نیشتیمانییەکانی تر بگرێتەوە

ئەحمەد ئەڵوەندی وتەبێژی "هاوپەیمانیی نەسڕ" جەختیکردەوە لەوەی کە "نەسڕ" ئێستا و پێشووتریش لەگەڵ دەسپێکردنی دیالۆگێکی جیددی و بەرپرسانەدایە بۆ چارەسەرکردنی قەیرانی داخرانە سیاسییەکە، کە ببێتە هۆی ڕێککەوتنێکی سیاسی لەنێوان چوارچێوەی هەماهەنگی و ڕەوتی سەدڕ و کۆی هێزە نیشتیمانییەکانی تردا، و ئەمەش وەکو چارەسەرێکی نیشتیمانی دەستووری کە قۆناغە ڕاگوزەر و ئینتیقالییەکە ڕێکبخات لەپێناو گەیشتن بە هەڵبژاردنێکی پێشوەختەی پاک و دادپەروەر.

و ئەڵوەندی ئاماژەشی کرد بەوەی ئەو دەسپێشخەرییە جیددی و هاوسەنگانەی کە دکتۆر عەبادی خستینییە ڕوو، مایەی بێزاری بوو  بۆ هەندێک لەوانەی کە لەسەر بوونی قەیرانەکاندا دەژین، بۆیە دەبینین هێرشێکی توند و نا مۆڕاڵ بەرپا دەکرێت لەلایەن سوپا ئەلکترۆنییەکانەوە بۆ بەرژەوەندی دوژمنانی چارەسەر و قەیران خوڵقێنەرەکان، و "نەسڕ" دەزانێت پاڵنەرەکانی چین و کێ لە پشتی ئەمەوەیە، و مۆڕاڵە سیاسییەکانی ڕێگەی پێ نادات وەڵامیان بداتەوە، و ئەوەی کە گرنگە لەلای عەبادی و نەسڕ چارەسەرکردنی قەیرانەکە و دەرکردنی وڵاتەکەیە لە ڕێڕەوی بێ چارەسەری، لەپێناو خزمەتکردنی گەل و دەوڵەتدا.

 

---

 

۱۹ی ئەیلوولی ۲۰۲۲

"هاوپەیمانیی نەسڕ" ڕای گشتی ئاگەدار دەکاتەوە لە:

۱. کار و پشتیوانی دەکەین لە هەر جۆرە دیالۆگ و لەیەک نزیکبوونەوەیەک لەنێوان هێزە سیاسییەکاندا لەپێناو کۆتایی هێنان بە قەیرانی داخرانە سیاسییەکە، چونکە سەرکەوتن یان هەرەس هێنانی دەوڵەت لە خزمەتکردنی هاوڵاتیاندا کارێکی سۆلیدەرانەیە.

۲. هیچ هەڵوێستێکی نوێمان نییە پەیوەست بە کەسی کاندیدکراو بۆ سەرۆکاییەتی وەزیران، و ئەو قسە و باسانەی کە بڵاو دەکرێنەوە سەبارەت بە هەڵوێستەکانمان یاخود هەڵوێستە دژەکانمان کارێکی بەکرێ گیراوانەیە و لەلایەن "سوپا ئەلیکترۆنییەکانەوە" بەڕێوەدەبرێت، ئەمەش لەپێناو بەدیهێنانی ئەژێندا و بەرژەوەندی تایبەت کە هیچ پەیوەندییەکی بە چارەسەرکردنی قەیرانەکە و تێپەڕاندنی داخران و ئاشووبەوە نییە.

۳.دەسپێشخەرییەکانی دکتۆر عەبادی هەمیشە جەخت لە پێویستی لە بەرپاکردنی ڕێچکەیەکی درووستە دەکاتەوە بۆ چارەسەرکردنی قەیرانەکە بە چاوپۆشیکردن لەناوی کەسی کاندید بۆ سەرۆکایەتی وەزیران، بەڵکو ئەوەی گرنگترە ڕێککەوتنی لایەنە سیاسییەکانە لەسەر نەخشەڕێگایەک کە کۆتایی بە داخرانە سیاسییەکە بهێنێت، و وڵاتەکە لە قوڕگی قەیرانەکه بێنتە دەرەوە. هەر ئەمەشە کە پێکەوە کاری لەسەر دەکەین چی لەناو چوارچێوەی هەماهەنگیدا چی لەدەرەوەیشی.

٤. ناکۆکییەکان لەنێوان لایەنە سیاسییەکاندا نابێت چەق بگرێت لەسەر باشترین کاندید بۆ بەرژەوەندییەکانی ئەم هێزە و ئەو هێز، بەڵکو دەبێت بڕیاری لەسەر بدرێت بەپێی هەر پێوەرێکی درووست و بەردەست لەپێناو بەڕێوەبردنی قۆناغە هەنووکەییەکە و داهاتووە نزیکەکە، هەر ئەمەشە کە جەماوەر چاوەڕێیەتی لە هێزە  سیاسییەکانی خۆی.

٥.  ئەمڕۆ ئەرکی هێزە سیاسییەکانی تایبەت بە دەوڵەت کارکردنە بۆ بەرهەمهێنانی ڕێککەوتنێکی سیاسی دەستووری کە کەشی لەبار و گونجاو ئامادە بکات بەمەبەستی ئەنجامدانی هەڵبژاردنێکی پێشوەختە کە شەرعییەت بۆ پرۆسە سیاسییەکە بگەڕێنێتەوە لەلای هاوڵاتیان، نەک ئەوەی ململانێ بکەن لەسەر پێگەکانی نێو دەوڵەت ئیتر هەر پێگەیەک بێت.

 

---

 

۳۰ی ئەیلوولی ۲۰۲۲

هاوپەیمانیی نەسڕ: سەرکۆنەی پێشێلکارییە بەردەوامەکانی ئێران و تورکیا دەکەین بۆ سەروەری عیڕاق

"هاوپەیمانیی نەسڕ" سەرکۆنەی پێشێلکارییە بەردەوامەکانی ئێران و تورکیا دەکات بۆ سەروەری عیڕاق، و بەرپرسیارێتی یاسایی ئەم پێشێلکارییانە دەخاتە ئەستۆی هەردوو دەوڵەت بەهۆی ئەو شەهیدانەی کە دەرەنجامی ئەو هێرشانە بوون و هاوکات ئەو ترساندن و تۆقاندنەی دانیشتوان و پێشێلکردنەی حورمەتی عیڕاق هەر لە ئەستۆی ئەواندایە.

و "هاوپەیمانیی نەسڕ" هۆشداریی دەدات لەوەی کە رەفتاری هاوشێوە زیان دەگەیەنێت بە پەیوەندیە دوولایەنەکان، و یارمەتیدەر نابێت بۆ بونیادنانی پەیوەندی بونیادنەر، و ڕقئەستووری و کاردانەوەی زیانبەخش دەگەیەنێت بە پەیوەندی دوولایەنەمان.

"هاوپەیمانیی نەسڕ" داواکارە لە حکومەت و لە کۆی هێزە سیاسییە عیڕاقییەکان سۆلیدار بن لەپێناو پاراستنی گەل و بەرژەوەندییەکانی عیڕاق لەبەرامبەر هەر جۆرە هەڕەشە و پێشێلکارییەک دژ بە سەروەری عیڕاق، و نەهێشتنی بیانووەکانی دەوڵەتان لەڕێگەی نەهێشتنی هەر جۆرە بوونێکی نایاسایی و چەکدارانە کە وڵاتانی دراوسێ کردویانەتە بیانوو بۆ پێشێلکردنی سەروەریمان و تۆقاندنی گەلەکەمان.