سەرکردەی هاوپەیمانیی نەسڕ دکتۆر حەیدەر عەبادی، ئەمڕۆ سێشەممە، لە نووسینگەکەی خۆیدا، پێشوازیکرد لە یاریدەدەری وەزیری دەرەوەی ئەمریکا بۆ کاروبارەکانی ڕۆژهەڵاتی ناوەڕاست خاتوو باڕبڕا لیڤ و شاندی یاوەری.
لە دیدارەکەدا تاوتوێی پتەوکردنی پەیوەندییەکانی نێوان هەردوو وڵات کرا، هەروها باس لەو ڕووداوە سیاسییانە کرا کە ڕووبەڕووی عیڕاق بووەتەوە و گرنگیپێدانی کۆمەڵگەی نێودەوڵەتی بە سەقامگیریی وڵاتەکە بەهۆی ئەو گرنگییەی کە لەناوچەکەدا هەیەتی، و هاوکات باس لە گرنگی دیالۆگ کرا بۆ چارەسەرکردنی کۆی گرفتەکان و نزیککردنەوەی بۆچوونەکان.
هەروەها جەختیشکرایەوە لەسەر پێویستی بەشداریکردنی کۆی لایەنە سیاسییەکان لە دۆزینەوەی چارەسەر بۆ لێکەوتەکانی ئەو داخرانەی کە پرۆسە سیاسییەکە بەخۆیەوە دەیبینێت کە لە ئێستادا کاریگەرییەکانی دەرکەوتوون بەسەر سێکتەرەکان و هاوڵاتیاندا، هاوکات پەنانەبردن بۆ توندوتیژیی کە دەبێتە هۆی قڕکردنی ڕۆڵەکانی وڵاتەکەمان، ئەمانە و بێجگە لە جەختکردنەوە لە کارکردنی جیددی بۆ ڕاستکردنەوەی دۆخەکان و ئەو شکستانەی کە ڕوویانداوە بەشێوەیەک کە گێڕانەوەی عیڕاق بۆ ڕێچکەی درووستی خۆی دەستەبەر بکات.
