چارەکی دووەمی ساڵی ۲۰۲۱
هەڵوێستەکانمان

چارەکی دووەمی ساڵی ۲۰۲۱

لە بەرواری ۲ـی نیسانەوە تا بەرواری ۲۹ـی حوزەیران

۲ـی نیسانی ۲۰۲۱

بەخەم و پەژارەیەکی زۆرەوە، هەواڵی کۆچی دوایی دادوەریی نیشتیمانپەروەر مەحەمەد عرێبیمان پێ گەیشت، بەهۆی لێکەوتەکانی تووشبوونی بە ڤایرۆسی کۆرۆناوە.

بەم کۆچەی پیاوێکی یاسا و عەدالەتمان لەدەستدا، کۆچکردوو رۆڵی نیشتیمانپەروەرانەی شکۆداری لە دادگاییکردنی سەدامی زۆردار و دارودەستەی حکومڕانییە بەدکارییە بەعسییەکەی بەسە کە وەکو کردەیەکی نەمرانە بۆی بمێنێتەوە، ومایەی شانازییە بۆیان کە هەرگیز کۆڵیان نەدا و مساوەمەیان نەکرد لەپێناو پاراستنی مافی گەل و عەدالەتی دۆسێیەکەی و شەرەفی پیشەییدا.

ئەو گەلەی خاوەنی پیاوی وەکو عورەیبی بێت مافی خۆیەتی شانازی بەخۆیەوە بکات، وئەو دادگایەی کەسێکی وەکو عورەیبی تێیدا کار بکات مافی شانازیکردنی بەخۆیەوە هەیە، بەهۆی هەڵوێستە پایەبەرزەکانییەوە.

سڵاو لە گیانی پاکی، وسەبووری بۆ کەسوکار و دۆستەکانی، وبۆ ناوەندە تایبەتەکانی دادگا و یاسا.

وٳنّا لله وٳنا ٳليه راجعون

 

---

 

٦ـی نیسانی ۲۰۲۱

هاوپەیمانی نەسڕ: هەڵوێستمان روونە لە دەستپێکی سەپاندنی دابەزاندنی نرخی ئاڵوگۆڕی دینارەوە

"هاوپەیمانی نەسڕ" جەختدەکاتەوە بۆ ڕای گشتی لە هەڵوێستە نەگۆڕەکانی بۆ پشتیوانیکردنی گەل و ئیدارەدانێکی درووستی دەوڵەت و پشەنگیشیان ئیدارەدانی دۆسیەی دارایی و ئابووری. ولەم بارەیشەوە "نەسڕ" جەختدەکاتەوە لە دژایەتیکردنی خۆی و هەر لە سەرەتاشەوە بۆ دابەزاندنی نرخی ئاڵوگۆڕی دینار، وجەختیشیکردەوە لەم هەڵوێستەی خۆی لەکاتی کۆبوونەوەی فراکسیۆنەکانەوە لەگەڵ بەڕێز سەرۆکی وەزیران لە کانوونی یەکەمی ۲۰۲۰ـەوە کە نوێنەری دکتۆر عەبادی تێیدا ئامادەبوو.

ولەزیاد لە بەیاننامە و دیدارێکدا د.عەبادی جەختیکردۆتەوە بەڕوونی لە دژایەتیکردنی خۆی بۆ هەر جۆرە دابەزاندنێکی نرخی ئاڵوگۆڕی دینار بەهۆی کاریگەرییە نەرێنییەکانی بەسەر کەسانی خاوەن داهاتی دیاریکراو و چینی ناوڕاستەوە لە کۆمەڵگادا و دەبێتە هۆی بەرزکردنەوەی رێژەکانی هەڵاوسان، ودەبێت بەدیلی تر بخرێتەڕوو کە بتوانێت ئەم کەمبوونەوەی سیولەی داراییەوە لە چوارچێوەی دیدێکی کامڵەوە بۆ ئیدارەدان و هاندانی ئابوورییەوە بۆ درووستکردنی هەلی کار بۆ هاوڵاتیان.

 

---

 

٨ـی نیسانی ۲۰۲۱

هاوپەیمانی نەسڕ: پێشوازی لە دەرهاویشتەکانی دیالۆگی ستراتیژی دەکەین و داخوازی جەدوەلەین

"هاوپەیمانی نەسڕ" پێشوازی لە دیالۆگی ستراتیژی عیڕاقی ئەمریکی دەکات، سەبارەت بە پێناسەکردن و رێکخستنی بوونی هێزەکانی ئەمریکا، وسنووردارکردنی بوونی لە عیڕاقدا و مانەوەی تەنیا بۆ ئەرکی مەشقپێکردن و راوێژکاریی، وهاوپەیمانییەکە داخوازی بەجێهێنانی رێککەوتنە هونەرییەکەیە بەمەبەستی دیاریکردنی کاتی دەرچوونی هێزە شەڕەکەرەکان بەپێی ئەو دیدگا و پێویستییەی کە دەزگا عیڕاقییە تایبەتەکان دەیخەمڵێنن.

و"نەسڕ" جەختدەکاتەوە لەپاڵپشتیکردنی خۆی بۆ سیاسەت و هەڵوێستە حکومیی و نیشتیمانییەکان پەیوەست بە پاراستن و پتەوکردنی بەرژەوەندیی و سەروەریی عیڕاق بەرامبەر کۆی وڵاتان، چونکە دۆزەکانی یەکپارچەیی و بەرژەوەندیی و سەروەریی نیشتیمانیی بەشێکی دانەبڕاوە لە مامەڵکردنی عیڕاق لەگەڵ هەموو وڵاتەکان بەبێ جیاوازیی.

 

---

 

۱٥ـی نیسانی ۲۰۲۱

هاوپەیمانی نەسڕ: سەرکۆنەی تەقینەوە تیرۆریستییەکی حەبیبییە دەکەین و هۆشداری دەدەین لە جۆشدانی تایفەگەریی

"هاوپەیمانی نەسڕ" سەرکۆنەی تەقینەوە تیرۆریستییەکەی ناوچەی حەبیبیە دەکات، وداواکارە لە دامودەزگا ئەمنییەکان و گەل ئاگەدار و سۆڵیدار بن لەپێناو هەرەس پێهێنانی پلانەکان تیرۆر و هێزە تاریک پەرستەکان کە ئامانجیان لێدانە لە یەکپارچەیی و ئاسایشی نیشتیمانیمان.

و"نەسڕ" هۆشداری دەدات لە جۆشدانی تایفەگەریی لە گۆڕەپانی سیاسیدا، وپێیوایە گێڕانەوەی تۆنە ئیتیکی و تایفەگەرییەکان هەوڵێکی گڵاوە بۆ مەبەستی دەستکەوتی هەڵبژاردن کە لەلایەن هەندێک فراکسیۆن و کەسایەتی ئاستنزمەوە ئەنجامدەدرێت کە ئامانجیان سەرکەوتنی خۆیانە لەسەر حیسابی خوێن و یەکپارچەیی عیڕاق.

ولە چوارچێوەیەکی تردا، "نەسڕ" سەرکۆنەی هێرشکردنەسەر بارەگای نێردە نێودەوڵەتییەکان دەکات، وبە لێدان لە سەروەریی عیڕاق هەژماری دەکات، هەروەها وەکو هەڕەشە بۆ سەر سەقامگیریی و بەرژەوەندییەکانی وڵاتەکە.

 

---

 

۲٥ـی نیسانی ۲۰۲۱

هاوپەیمانی نەسڕ: دەبێت حکومەت بەرپرسیارێتی خۆی بەجێبێنێت و کەمترخەمەکان رووبەڕووی لێپێچینەوە بکات

"هاوپەیمانی نەسڕ" داواکارە لە حکومەت کە بەرپرسیارێتی خۆی بەجێبێنێت و هەموو ئەوانەی کە هۆکاری کارەساتەکەی نەخۆشخانەی "ئیبن ئەلخەتیب"ـن سزا بدرێن و لەسەر هەموو ئاستەکاندا چی بەڕێوەبەریی یاخود جێبەجێکارییەکان بێت.

و"نەسڕ" جەختدەکاتەوە لەوەی کەمتەرخەمی وگوێنەدان لەخودی خۆیدا ئەنجامدانی تاوانە، وئەکتیڤبوونی دامودەزگاکان پێویستی بە ئەکتیڤکردنی توند و سەرتاپایی سیستەمی چاودێری و سزادان هەیە.

ودەبێت حکومەت و دامودەزگا پەیوەندیدارەکانی لەریزی خانەوادەی قوربانییەکاندا بوەستن و یارمەتیان بدەن لەپێناو تێپەڕاندنی لێکەوتەکانی ئەم کارەساتە مرۆیی و نیشتیمانییە.

 

---

 

۳۰ـی نیسانی ۲۰۲۱

هاوپەیمانی نەسڕ: هۆشداریی دەدەین لە هەوڵدان بۆ پێشلکردنی سەروەریی عیڕاق

هاوپەیمانی نەسڕ راگەیاندنەکەی وەزیری ناوخۆی تورکیا رەت دەکاتەوە سەبارەت بەنیازی تورکیا بۆ درووستکردنی مۆڵگەیەکی سەربازیی نوێ لە عیڕاقدا، وبەدرێژەی سیاسەتەکانی پێشێلکردنی سەروەریی عیڕاق هەژماری دەکات، وداواکارە لەلایەنە فەرمیی و نیشتیمانییەکان رێوشوێنی پێویست بگرنەبەر بۆ پاراستنی سەروەریی عیڕاق، و"هاوپەیمانی نەسڕ" داواکارە لە حکومەتی تورکی چاوبخشێنیتەوە بەسیاسەتەکانیدا بەرامبەر بە عیڕاق، بەمەبەستی پاراستنی بەرژەوەندییە هاوبەشەکان و سەقامگیریی  و دراوسێتی باش.

 

---

 

۱ـی ئایاری ۲۰۲۱

‹‹بەیاننامە›› پێکهێنانی هاوپەیمانێتییەک لەنێوان هاوپەیمانی نەسڕ و هاوپەمانێتی هێزە دەوڵەتخوازەکاندا لەژێر ناوی (هاوپەیمانێتی هێزە نیشتیمانییە دەوڵەتخوازەکان)ـدا

بەهۆی کۆمەڵیک دیالۆگی بونیادنەر، و لەسۆنگەی دیدگایەکی سیاسی هاوبەشەوە بەرامبەر بە قەیرانەکانی دەوڵەت و رێگەچارەکانی فریاکەوتنی، بەپشتیوانی پەروەردگار توانرا ریککەوتن بکرێت بۆ پێکهێنانی هاوپەیمانێتییەکی سیاسی بۆ هەڵبژاردن لەنێوان هاوپەیمانی نەسڕ و هاوپەیمانێتی(قوی الدولە/ هێزە دەوڵەتخوازەکان)ـدا و ئەو هێزانەی تر کە لەژێر باڵیدا یەکیانگرتووە، ئەمەش لەژێر ناوی (هاوپەمانێتی هێزە نیشتیمانییە دەوڵەتخوازەکان)ـدا.

ئەم هاوپەیمانێتییە نوێیە هێزێکی سیاسی نیشتیمانیی ناوەند/نێوەندگیرە (وسطية) باوەڕی بەدەوڵەت هەیە و کار دەکات بۆ پتەوکردنی شکۆی دەوڵەت و سەروەریی دامودەزگا شەرعییەکانی بەرامبەر بە هەموو ئەو قەیرانە ناوخۆیی و دەرەکییانەی کە سوڕودەوری داوە.

هاوپەمانێتییە نوێیەکە ئومێدەوارە کە پرۆسەی داهاتووی هەڵبژاردنەکان، پرۆسەیەکی پاک و دادپەروەر بێت و راستگۆیانە گوزارشت بکات لە ئیرادەی گەل، وبونیادنەر بێت بۆ ژیانێکی سیاسی درووست کە فریادڕەسی سیستەمەکە و دەوڵەت بێت لەو قەیرانانەی کە رووبەڕووی بوونەتەوە لەپێناو خزمەتکردنی نیشتیمان و هاوڵاتیاندا.

ئێمە کار دەکەین بۆ دەوڵەت دژ بە نادەوڵەت، وتێدەکۆشین بۆ سەلامەتی دەوڵەت و بەرزڕاگرتنی گەل، خودای پەروەردگارش ئامانج و مەبەستمانە.

 

---

 

۹ـی ئایاری ۲۰۲۱

هاوپەیمانی نەسڕ: سەرکۆنەی تیرۆرکردنی چالاکوانان دەکەین و دەبێت حکومەت بەرپرسیارێتییەکانی خۆی بەجێبێنت

"هاوپەیمانی نەسڕ" بەتوندترین شێوە سەرکۆنەی تیرۆرکردنی چالاکوانانی مەدەنی دەکات، وداواکارە لە حکومەت کە مومارەسەی بەرپرسارێتییەکانی خۆی بکات لە بەجێهێنانی ئاسایش و پاراستنی خوێن و ئازادی رادەبڕیین.

و"نەسڕ" جەختدەکاتەوە لەوەی کە هێزەکانی دژبەدەوڵەت و گرووپەکانی تاوانکاریی ناتوانن دەنگی لاوانی ئازاد کپکەن ئەو دەنگانەی کە داواکاری مافە رەواکانی خۆیانن، وکوشتن و سەرکوتکارییش هیچ ئەنجامێکی نابێت بیجگە لە سووربوونی زیاتر لەسەر چاکسازیی و فریاکەوتنی دەوڵەت و دەرهێنانی لە فەوزا و ڕفاندن و نامۆبوون.

 

---

 

۱۲ـی ئایاری ۲۰۲۱

هاوپەیمانی نەسڕ: سەرکۆنەی هێرشەکان بۆ سەر فەڵەستین دەکەین و داواکارین لە جیهان کۆتایی بە چەرمەسەرییەکانیان بهێنن

"هاوپەیمانی نەسڕ" سەرکۆنەی دەستدرێژییەکانی زایۆنیزم دەکات بۆ سەر گەڵی فەڵەستین، وبەردەوامی سەرکوتکردنی و دەربەدەرکردنی و بێبەشکردنی لە مافەکانی خۆی، وپێشەنگیشیان بێبەشکردنی لە مافە رەواکانی و بەتایبەتی لە قودسی شەریفدا.

سەقامگیریی و ئاشتەوایی و گەشەکردنی ناوچەکە لەڕێگەی بەردەوامبوونی سیاسەتەکانی سڕینەوەی مافی گەلان بەدەست نایەت، وجیهانیش ناتوانێت بەردەوامبێت لە سیاسەتەکانی خۆکەڕکردن بەرامبەر بە کردەوەکانی هێزە داپڵۆسێنەرەکان دژ بەو گەلانەی کە لاوازتر و بێهێزترن.

پشتیوانی لە مافە رەواکانی گەلی فەڵەستینی دەکەین، وپشتیوانیش لە دۆزی هەموو گەلان دەکەین بۆ ئازادی و سەروەریی و ژیانێکی شایستە.

 

---

 

۲۰ـی ئایاری ۲۰۲۱

عەبادی: دەبێت دامودەزگا پەیوەندیدارەکان سنوورێک بۆ تاوانە سیاسییەکان دابنێن

سەرکردەی هاوپەیمانی نەسڕ دکتۆر حەیدەر عەبادی جەختیکردەوە لەسەر دابینکردنی ئاسایش و سەقامگیریی بۆ پرۆسەی هەڵبژاردن کە دەنگدەر و پاڵێوراوەکان بپارێزێت، وبە مەرجێکی گرنگی هەژمار کرد بۆ پرۆسەیەکی پاک و دادپەروەری هەڵبژاردن بەمەبەستی بەدەستهێنانی بەشداریکردنێکی جەماوەری فراوان لەپێناو بەهێزکردنی شەرعییەتی سیستەمە سیاسییەکە.

ولەم سیاقەیشدا دەبێت دەزگا پەیوەندیدارەکان کەسانی تێوەگلاو لە کوشتنی چالاکوانان بۆ رای گشتی ئاشکرا بکات، وسنوورێک بۆ تاوانە سیاسییەکان دەرهەق بە نەیارە سیاسییەکان دابنرێت.

و د.عەبادی جەختیکردەوە لەوەی هاوپەیمانی نەسڕ و هێزە دەوڵەتخوازەکانی تر لەسەروبەندی ئەکتیڤکردنی لێپرسینەوە و لێکۆڵینەوەی پەرلەمانیدان بۆ ئاشکراکردنی سرووشتی تاوانکارییە سیاسییەکان، وفشارکردن بۆ ئاشکراکردنی بکوژان، هەروەها رووبەڕووبوونەوەی پاشکەزبوونەوە و سیستی لەمەڕ ئاسایشی پرۆسەی هەڵبژاردن و کۆی سەقامگیری و ئاسایشی کۆمەڵایەتیش.

 

---

 

۲٤ـی ئایاری ۲۰۲۱

دەستپێشخەریی #بهێڵە_بەشداربم

عەبادی دەستپێشخەریی (بهێڵە بەشدار بم) رادەگەیەنێت بەمەبەستی پشتیوانیکردن و پاراستنی مافی خۆپاڵاوتن و دەنگدان

  • ئەمڕۆ "سەرکردەی هاوپەیمانی نەسڕ" دکتۆر حەیدەر عەبادی هەستا بەخستنەڕووی دەستپێشخەریی: هەڵمەتی نیشتیمانی (بهێڵە بەشداربم)، بەمەبەستی مسۆگەرکردنی مافی پاڵێوراوان و دەنگدەران بۆ بەشداریکردن لە هەڵبژاردنەکانی داهاتوودا بەبێ هیچ تۆقاندن و سەپاندنی ئیرادەیەکی دیاریکراو.
  • و دکتۆر عەبادی "سەرکردەی سەرۆکاییەتی هاوپەیمانی هێزە دەوڵەتخوازەکان" لەڕێگەی ئەم دەستپێشخەرییەوە داواکارە لە دامودەزگا حکومییەکان و هێزە سیاسییەکان کە مافی بەشداریکردن لە هەڵبژاردنێکی پاک و سەقامگیر و دادپەروەردا مسۆگەر بکەن.
  • دەستپێشخەریی(بهێڵە بەشداربم) کە لەلایەن دکتۆر عەبادی‌یەوە رایگەیەندراوە، بریتییە لە هەڵمەتێکی راگەیاندنی نیشتیمانی کە ئامانجی: پاراستنی پاڵێوراوان و دەنگدەرانە بەیەک ئاست و شێوە، و مسۆگەرکردنی بەشداریکردنێکی جەماوەریی فراوانە لە هەڵبژاردنەکاندا. هەروەها بۆ فشار خستنەسەر دامودەزگا پەیوەندیدارەکان و هێزە سیاسییەکانە بەمەبەستی دابینکردنی ژینگەیەکی هەڵبژاردنی درووست و سەقامگیر و شیاو بۆ بەشداریکردنی پاڵێوراوان و دەنگدەران لە پرۆسەی هەڵبژارنەکەدا.
  • دەستپێشخەریی (بهێڵە بەشداربم) هەڵمەتێکی راگەیاندنکارانەیە لەسەر ئاستی راگەیاندنە بینراو و خوێندراو و نووسراو و سۆشیالییەکاندا کار دەکات بەمەبەستی جێبەجێکردنی بەرنامەکانی (بهێڵە بەشداربم)، هەروەها لەڕێگەی چالاکی هاوبەشەوە لەگەڵ دەزگاکانی راگەیاندن و ماڵپەڕە ئەلیکترۆنییەکان و رێکخراوە مەدەنییەکانی لاوان کار دەکات لەپێناو فراوانکردنی پانتایی چالاکییەکان بەشێوەیەک کە کۆی ئاستە جۆراوجۆرەکانی تەمەن و لایەنەکان بگرێتەوە.

 

د.عەبادی پێیوایە:

۱. شەرعییەتی سیستەمی سیاسی بەندە بە مەرجی بەشداریکردنی جەماوەرەوە، و متمانەی ئەم جەماوەرە بە سیستەم و دەسەڵاتەکەی، بۆیە بەبێ بەشداریکردنێکی چالاکانە سیستەمەکە شەرعیەتی خۆی و تەبەناکردنی لەلایەن جەماوەروە لەدەستدەدات.

۲. هەڵبژاردنەکان شەرعییەتی سیستەمەکە بەرزدەنرخێنت، وبەشدارینەکردن تێیدا لە هەناوی شەرعییەت و سیستەمەکە دەدات.

۳. دابینکردنی ژینگەیەکی هەڵبژاردنی سەقامگیر بۆ پاڵێوراوان و دەنگدەران ئەرکی دەزگاکانی دەوڵەت و هێزە سیاسییەکانە، ودەبێت مەرجەکانی مافی بەشداریکردن دابینبکەن.

٤. چاکسازیی و گۆڕانکاریی پێویستە، و سەلامەتی دەوڵەت و بەرژەوەندییەکانی گەل پێویستی بە ژیریی و لێهاتوویی سیستەمە سیاسییەکە هەیە، ئەگینا دەوڵەت دەڕوخێت و ئاشووب و فەوزا جێی دەگرێتەو، بۆیە پێویستە بەشێوەیەکی چڕ جەماوەر بەشداریپێبکرێت لە دۆسێیەکانی پرسە گشتییەکاندا، یەکێک لەوانەش هەڵبژاردنە.

٥. سندووقی دەنگدان ئەو مناڵدانەیە کە دەسەڵاتە سیاسییەکانی دەوڵەت لێیەوە دێنە بوون، وبەشدارینەکردن دەرەنجامەکەی درووستبوونی دەسەڵاتێکی ناشەرعییە، یان دەسەڵاتێکی حیزبی بەرژەوەندیخواز و پشکشکێنەییە، هەروەها خوێنی دەسەڵاتەکان بەبێ هاتنی هێز و نوخبە و سیاسەتی نوێ، نوێبوونە بەخۆوە نابینێت.

٦. هیچ ئەلتەرناتیڤێک نییە بۆ هەڵبژاردن بێجگە لە کودەتا و ئاشووب، و گەلە زیندووەکان ئەمەیان قبووڵ نییە، و سەقامگیری دیموکراسیەتەکە و شیاوییەکەی بەندە بە بنەماکانی بەشداریکردن و لێپرسینەوە و توانای بەڕێوەبەری و رای گشتی لە درووستکردنی رووداو و گۆڕانکارییەکانە.

۷.ئاسایشی هەڵبژاردن مەرجە بۆ بەشداریکردنێکی جەماوەریی فراوان، و کردارەکانی تۆقاندن و تیرۆرکردنی پاڵێوراوان و چالاکوانان، بەشێوەیەکی نەرێنی بەسەر سیستەمەکە و هێزەکانی و کۆی ئاسایشی کۆمەڵایەتی و نیشتیمانیدا دەشکێتەوە، ئەمەش گوناهێکە دواتر هەمووان باجەکەی دەدەنەوە ئەگەر بێتو رووبەڕووی نەبینەوە و سنوورێکی بۆ دانەنرێت.

٨. هەڵبژاردنەکانی ۲۰۱٨ و ئەو ئاستە نزمەی بەشداریکردنە کە بەخۆیەوە بینی، هاوکێشەیەکی داهێنا بۆ حوکمڕانییەکی شکستخواردوو و فاشیل دەرەنجامەکەشی ترس و تۆقاندن و شکست بوو، و لە بەرژەوەندیی کەسیشدا نییە کۆپیکردنەوەی ئەو ئەزموونە.

۹. بایکۆتکردنی هەڵبژاردنەکان لە بەرژەوەندیی هێزەکانی ئەمری واقعیدایە، و هیچیش ناگۆڕێت بەڵکو دەبێتە هۆی درووستبوونی پشکپشکێنە و گەندەڵی و دەستبەسەرداگرتنی ئیرادە، هەروەها پەرە دەدات بە پەرتبوون و شکسخواردوویی سیستەمەکە و دەوڵەت. و باشترین کاردانەوە بۆ چاکردنەوەی واقیعەکە بریتییە لە بەشداریکردنێکی چالاکانە و فراوان لە هەڵبژاردنەکاندا لەپێناو مسۆگەرکردنی شکاندنی هاوکێشەکانی پشکپشکێنە و هەژموون و بەرژەوەندیخوازیی لەنێوان هێزە قازانجکردووەکان لە دەسەڵات.

۱۰. (بهێڵە بەشداربم)واتا: بهێڵە مومارەسەی مافی دەستووری و مرۆیی خۆم بکەم، بهێڵە ویست و ئیرادەی خۆم وەگەڕخەم بۆ هەڵبژاردنی باشترین، ویست و ئارەزووم سنووردار مەکە چونکە نیشتمان بۆ هەمووانە، ئەگەر وەکو هاوڵاتییەک بەشداریکردنی خۆم لەدەستبدەم تۆیش ناتوانیت وەکو فەرمانڕەوا و حوکمڕانیک خاوەنی شەرعیەتی دەسەڵات بیت، شەرعییەتی تۆ بۆ حوکم لە دەنگدانی منەوە سەرچاوە دەگرێت بۆیە بهێڵە دەنگی خۆم بدەم، شەرەفمەندانە رەکابەریی بکە لێهاتووانە حوکم دەکەیت، لامبەریت بە کاغەزێکی دەنگدان باشترە لەوەی بە فیشەگێک کۆتاییم پێبێنیت، بنیادنان و داڕمانی دەوڵەت بەرپرسیارێتییەکی سۆڵیدارانەیە، بۆیە با لە ئاستی بەرپرسیارێتییەکەدا بین.

 

---

 

۲۷ـی ئایاری 2021

هاوپەیمانی نەسڕ: دەوڵەت بە هاوڵاتییەکانییەوە قەڵغانە بۆ هەمووان و هیچ قەڵغانێک بوونی نییە لە دەرەوەی یاسادا

▪︎ هاوپەمانی نەسڕ جەختدەکاتەوە: بنیادنانی دەوڵت بەرپرسیارێتییەکی بەردەوام و سۆلیدارانەیە، و دەبێت هەمووان بە ئەرکی خۆیان هەستن لە بنیادنانی دەوڵەتدا بەپێی لۆژیک و پێویستییەکانی خودی دەوڵەت خۆی و بەرژەوەندی هاوڵاتییەکانی.

▪︎ نەسڕ پێیوایە: لە ئێستادا قۆناغەکە مەترسیدار و وەرچەخێنەر و یەکلاکەرەوەیە، یان ئەوەتا دەوڵەت بەرەو رێکخراو بوون و سەروەریی و جێبەجێکردنی داواکاری هاوڵاتیان رێچکەدەگرێت، یان ئەوەتا دادەڕمێت بەسەر هەموواندا خوانەخواستە.

▪︎ نەسڕ دووپاتیدەکاتەوە: دەستدرێژیکردن و کەڵەگابوون و یاخیبوون لە دەوڵەت قەدەغەیە. هاوکات، فیتنە و ئاشووب و قۆرخکاریی کارەساتە، و بەرپرسیارێتییەکە وا دەخوازێت دەوڵەت بەهێزتر بکرێت و پابەند بین بە مەرجەعیەت و سیستەمەکەی و بەرژەوەندی هاوڵاتییەکانی لەپێناو پاراستنی گەل و دەوڵەت پێکەوە، و وەکو رێزگرتن و پێزانینێکیش بۆ ئەو قوربانییە گەورانەی کە جەنگاوەرە قارەمانەکان بەختیانکرد.

▪︎ نەسڕ داواکار بە: سەرخستنی پەیڕەوی دەوڵەتە بەسەر نادەوڵەتدا، لەسەر ئاستی گوتار و پراکتیکدا، وپابەندبوون بە پەیڕەوی دیموکراسیی و ئاشتیخوازیی و سۆلیدارێتی لەلایەن گەل و هێزە سیاسییەکان و خۆبەخشە قارەمانەکان و دامودەزگاکانی دەوڵەتەوە، و بەدیلی ئەمە جەنگی ناوخۆ و هەژموونی بێگانەیە ئەمەش هەموو بەوەفایەک رەتیدەکاتەوە.

▪︎ نەسڕ جەختدەکاتەوە: هیچ کەسێک لەسەرووی یاسا و لێپرسینەوە نییە، و دەبێت پابەندی دەوڵەت و لۆژێک و هێڵەکەی بین هەروەها بەرژەوەندی گەلەکەمان، ئەگینا ئاشووب بەرقەرار دەبێت، ئەوکاتیش هیچ کەسێک سوودمەند نابێت بێجگە لە دووژمنان.

▪︎ نەسڕ دووبارەی دەکاتەوە: هەڵبژاردنی ئازاد و پاک و سەقامگییر تاکە رێگایە بۆ حوکمکردن و مومارەسەکردنی دەسەڵات، و شەرعییەتی سیستەمی سیاسی و شەرعیەتی مومارەسەکردنی دەسەڵات، بەندن بە مومارەسەکردنی شەرعییەتی هەڵبژاردن لەپێناو گەیشتن بە دەسەڵاتدا.

▪︎ نەسڕ دووپاتیدەکاتەوە: نیشتیمان قەڵغانی هەمووانە، وهیچ قەڵغانێک بوونی نییە لە دەرەوەی دەوڵەتدا، و دەوڵەت موڵکی کەس نییە، چی وەکو سیمبوڵێک یان وەکو کەیانێک، دەوڵەت موڵکی گەلەکەی خۆیەتی، و پێگە و پایەکانیش ئیمتیاز نیین بەکو بەرپرسیارێتییە لەبەرامبەر خودا و گەل و مێژوودا.

 

---

 

۳ـی حوزەیرانی ۲۰۲۱

عەبادی دەستپێشخەری ‹‹حەشدی نیشتیمانی›› دەخاتەڕوو و بانگێشتی حکومەت و هێزە سیاسییەکان دەکات بۆ مێزی دیالۆگ بەمەبەستی تاوتوێی کردنی پاشان بەرپاکردن/تەبەناکردنی

بەناوی خودای گەورە و میهرەبانەوە

بەهۆی زیادبوونی بەریەککەوتن و پێکدادانەکان، و هاوکات بەهۆی نزیکبوونەوەی هەڵبژاردنەکان، و وەکو پابەندبوونێکیش بە بەرپسیارێتی نیشتیمانییەوە، دکتۆر حەیدەر عەبادی دەستپێشخەری (حەشدی نیشتیمانی) تایبەت بە حەشدی شەعبی دەخاتەڕوو، و داواکارە لە حکومەت و هێزە سیاسییەکان تاوتوێی و پاشان تەبەنای بکەن لەپێناو چارەسەرکردنی کێشە هەنووکەییەکان، و هەروەها رێککەوتن لەسەر بنەماکانی مامەڵەکردن لەگەڵ ئەم دۆسێیەدا، بەمەبەستی رێچکەنەگرتنی دۆخەکە بەرەو هەڵکشانێک کە خزمەت بە سەقامگیریی دەوڵەت و ئاسایشەکەی و بەرژەوەندیی گەلەکەی نەگەیەنێت.

 

بنەماکانی دەستپێشخەرییەکە:

۱. حەشدی شەعبی هێزێکی جەنگاوەری نیشتیمانی شکۆدارە، بەشداربوو و ئێستاش بەشدارە لە جەنگەکانی ئازادکردنی خاک و دەربازبوون لە چنگی تیرۆری داعشیدا. و هێزێکی نیشتیمانی خاوەن شەرعییەتی یاساییە لەڕێگەی ئەو بڕیارانەی کە لە ئەنجوومەنی نوێنەران و حکومەتەوە دەرکراون بۆ ئەو مەبەستە.

۲. مانەوەی حەشدی شەعبی پێویست و زەروورەتە، چونکە هێزێکی ستراتیژیی نیشتیمان و دەوڵەتە. بەم پێیەش دەبێت هەوڵەکان بۆ هەڵوەشاندنەوەی رەتبکرێنەوە، هاوکات ڕەتکردنەوەی هەوڵەکان بۆ بەشەیتانیکردن و تاوانبارکردنی یاخود خۆسەپاندنەکای ئەوانی تری بخرێتە ئەستۆ.

۳. رەتکردنەوەی لێدان لە حەشدی شەعبی، یان بەشداریپێکردنی لە شەری ناوخۆییدا، یان بەکارهێنانی بۆ خزمەتکردنی ئەژیندای هەرێمی و نێودەوڵەتی، چونکە هێزێکی پاراستنی عیڕاقییە، و بەرگریی دەکات لە بوونی عیڕاق و بەرژەوەندییەکانی وەکو گەل خاک. و نابێت بوونی حەشد رووبەڕووی مەترسی بکرێتەوە لەڕێگەی بەکارهێنانی لە ململانێیە ستراتیژیی و نێودەوڵەتییەکاندا، و باجی ململانێی بەرژەوەندییەکان لەسەر ئاستی ناوخۆیی و هەرێمی و نێودەوڵەتییدا بداتەوە.

٤. لە کابینە حکومییەکەی دکتۆر حەیدەر عەبادیدا حەشد بەدەزگایی کرا و پەیڕەو دانرا بۆ کارکردنی، بەشێوەیەک کە ببێتە هێزێکی جەنگاوەری پابەند بە سیستەمەکانی دەوڵەت و سیاقەکانییەوە. ئامانج لەوەش: پاراستنی حەشد، و مسۆگەرکردنی بە یاسایی کردنی کارکردنی بوو، و پاراستنی مافەکانی و مافی کارمەند و شەهیدەکانی و کەسوکارەکانیان بوو، وهەروەها لەپێناو تەوزیفنەکردنی بۆ بەرژەوەندی سیاسی و حیزبی بەرتەسک. و حەشد بمێنێت وەکو هێزێکی جەنگاوەری یاسایی و نیشتیمانی، پابەند بە سیاقەکانی دەوڵەتەوە، وئەم رێچکەیە لەگەڵ مەفهوومی دەوڵەت و پەیکەر و سەروەرییەکەیدا رێک و گونجاوە، و مسۆگەرکەری بوونی حەشد و رۆڵگێڕانێتی. بۆیە ئەوەی داواکراوە ئەکتیڤکردنی هەموو بڕگەکانی یاسای حەشدە، و ملکەچکردن و ئیلزامکردنی هەمووان بە بڕگەکانییەوە.

٥. پێویستە جیاکردنەوە بکرێت لەنێوان حەشدی شەعبی لەگەڵ ئەوانەی دەیانەوێت بەناوی حەشدی شەعبییەوە بجوڵێنەوە و تەوزیفی بکەن بۆ بەرژەوەندی سیاسی یان حیزبی یان بۆ هەڵبژاردن، یان ئەوانەی دەیانەوێت کار بکەن لەڕێگەی بەکارهێنانی ناوی حەشدی شەعبییەوە بۆ دەستکەوت و ئیمتیازاتی تایبەت، ئەمەش چی لەلایەنی کەسانێکەوە بێت یان کۆمەڵێک لایەن و کەیانی سیاسییەوە.

 

میکانیزمەکە:

دکتۆر حەیدەر عەبادی داواکارە بە بەستنی مێزێکی دیالۆگ بۆ تاوتوێ کردنی ئەم دەستپێشخەرییە، و رێککەوتن لەمەڕ بنەماکانی، پاشان بەیاساییکردنی دەرهاویشتەکانی، بۆ ئەوەی ئیلزامی بێت بۆ هەموو لایەنەکان، بەشێوەیەک کە گرفتەکانی ئەم دۆسێیە کۆتایی پێ بهێنرێت بەپێی خواستی بەرژەوەندییە نیشتیمانییەکانی عیڕاق.

 

---

 

٦ـی حوزەیرانی ۲۰۲۱

هاوپەیمانی نەسڕ: سەرکۆنەی بەئامانجگرتنی پێشمەرگە دەکەین و داواکاری پتەوکردنی سەروەریی دەوڵەتیین

"هاوپەیمانی نەسڕ" سەرکۆنەی دەستدرێژی کردنە سەر هێزی پێشمەرگەی عیڕاق دەکەین، لەو رووداوەی دوێنێکە کە بووە هۆی شەهیدبوونی پێنج چەکداری کورد و برینداربوونی دووی تر پاش ئەوەی کەوتنە بۆسەی کۆمەڵێک چەکدار لە هەرێمی کوردستانی عیڕاقدا.

و"هاوپەیمانی نەسڕ" داواکارە لە هەردوو دەسەڵاتی ناوەند و هەرێم هەماهەنگی هاوبەش ئەنجام بدەن لەپێناو پاراستنی یەکپارچەیی و ئاسایش و سەقامگیری عیڕاق و گەلەکەی بەهەموو نەتەوە و چین و توێژەکانییەوە.

و "هاوپەیمانی نەسڕ" جەختدەکاتەوە لەوەی کە ژیانی هاوبەش و پەیوەندی دادپەروەرانە و سۆلیدارێتی نیشتیمانی، مسۆگەرکەری پتەوبوونی بەرژەوەندییەکانی هەموو عیڕاقییەکانە و ئاسایش و سەقامگیریی و سەروەریی وڵاتەکەیشیان دەپارێزێت.

 

---

 

۱۲ـی حوزەیرانی ۲۰۲۱

هاوپەیمانی نەسڕ: تاوانی سپایکر هەمیشە وەکو برینێکی قووڵ لە ویژدانی نیشتیمانی و مرۆڤایەتیدا دەمێنێتەوە

لە رۆژێکی وەکو ئەمڕۆدا لە بەرواری ۱۲ حوزەیرانی ۲۰۱٤ـدا یادی ئەنجامدانی گەورەترین کوشتاری رق و وەحشیگەریی و تیرۆر دەکەینەوە کە لەلایەن چەتە تیرۆریستییەکانی داعش و کۆمەڵێک تێوەگلاوەوە دەرهەق بە هەزارەها لاوی بێتاوانی عیڕاق ئەنجامدرا، تێیدا ئەو لاوانە بەرەو سەربڕیین بران لە دیمەنێکی خوێناویی کە هاوتای دەگمەنە لە مێژوودا.

لەکاتێکدا ئێمە لەم یادەوەرییەدا بە هەموو شکۆیەکەوە وەستاوین و متمانەمان بە توانای گەلەکەمان هەیە کە تۆڵەی شەهیدانی سپایکەر و هەموو قوربانیانی دەستی تیرۆر و وەحشیگەریی بکاتەوە، هاوکات چەختیش دەکەینەوە، کە کوشتاری سپایکەر وەکو برینێکی قووڵ لە ویژدانی نیشتیمانی و مرۆڤایەتیدا دەمێنێتەوە، هەرەوها وەکو وێستگەیەکی یادهێنانەوەی هەمیشەیی دەمێنێتەوە بۆ دەرەنجامەکانی لاوازبوونی دەوڵەت و ئەو کارەسات و فیتنە و کوشتارانەی کە لەم لاوازییە دەکەونەوە، هەروەها وانە و عیبرەتێکە بۆ دەرەنجامەکانی خۆبەدەستەوەدانی رق و تایفەگەریی و بیرکردنەوەی وێرانکەر کە دواجار بەروبوومەکەی هیچ نییە بێجگە لە مەرگ و ماڵوێرانییەک کە هیچ کەس لە چنگی رزگاری نابێت. هاوکات ئەم وەستانەمان وەستانێکی ئیعتیبارییە چونکە عەدالەتی خودا و یاسا وا دەخوازن کە لێپێچینەوە لەگەڵ تاوانبار و تێوەگلاو و کەمتەرخەم و کەسی فاشیل بکرێت ئەوانەی کە هۆکار بوون و ئێستاش هۆکارن لە درووستکردنی مەرگ و ماڵوێرانی و کارەساتەکانی گەل.

گەلان لاپەڕەی وێستگەکانی نوشست و کارەساتەکانی دادەخات، بەڵام گەلە زیندووەکان بەباشی پەند و عیبرەتی تەواوی لێیەوە وەردەگرن لەپێناو دووبارە نەبوونەوەی چەرمەسەرییەکاندا. بۆیە دەبێت گەلەکەمان هۆشیار بێت بەوەی هیچ چارەسەرێکی تر نییە بۆ وەستاندنی زینجیرەی کارەساتەکان بێجگە لە سۆلیداربوون و پابەندبوون بە یاسا و پێکەوەژیان و ئاشتی، و بونیدنانی دەوڵەتێکی دادپەروەر.

 

---

 

۲۰ـی حوزەیرانی ۲۰۲۱

لێدوان

لینکێک لە سۆشیال میدیادا بڵاوبووەتەوە تێیدا چەند کەسێک کێشە تایبەتەکەی خۆیان دەخەنەڕوو کە گوایە لەلایەن خاوەنی موڵکەکەوە لە شوێنێکی بەکرێگیراو دەردەکرێن، ئەو کاسانە وەکو لە گرتەکەدا دیارن ناوی دکتۆر عەبادی دەزڕێنن و تۆمەتی بێبنەمای دەخەنە پاڵ، بە درۆ و دەلەسە ناوی دەخزێننە ئەو بابەتەوە لە کاتێکدا دکتۆر عەبادی دوور و نزیک پەیوەندی بەو خانووبەرەیەوە نییە کە ئەوان ناوی دەبەن.

دەمانەوێت رای گشتی و هەموو کەسانی پەیوەندیدار لەمانەی خوارەوە ئاگەدار بکەینەوە:

۱. داواکارین لە دامودەزگا دادوەریی و حکومییەکان لێکۆڵینەوەیەکی خێرا و گشتگیر دەستپێبکەن لەمەڕ قسەکانی ئەو کەسانەی کە خاوەنی کێشەکەن، لەپێناو جێبەجێکردنی حەق و دادپەروەری چی ئەگەر دژ بەوان یان بۆ ئەوان کەیسەکە یەکلایی ببێتەوە.

۲. نووسینگەی دکتۆر حەیدەر عەبادی هەڵدەستێت بە دادگاییکردنی ئەوانەی لە گرتە ڤیدیۆییەکەدا دەرکەوتوون، بەتۆمەتێ جنێودان و تەشهیرپێکردن و درووستکردنی تۆمەتی بێ بنەما، بۆ ئەوەی ئەو کەسانە بەرپرسیارێتی دەرەنجامەکانی کردەوەکەیان لە ئەستۆبگرن، یان ئەوەتا بەشێوەیەکی ئاشکرا داوای لێبوردن بکەن، چونکە نابێت ئازادی رادەربڕین بەهەڵە بەکابهێنرێت و جنێو و تۆمەتی بێبنەما بخرێتە پاڵی خەڵکی.

ئێمە ئامانجمان هیچ نییە بێجگە لە بەدەستهێنانی دادپەروەری بۆ خۆمان و بۆ ئەوانی تریش، قبووڵمان نییە درۆ و دەلەسە و جنێو ببێتە زمانی مامەڵە پێکردن لەگەڵ بەرامبەردا.

 

---

 

۲۰ـی حوزەیرانی 2021

بۆ هەموو ئەوانەی باسی دەستپێوەگرتن(تقشف) دەکەن لە کاتی کابینەکەی عەبادیدا بەڵام نازانن دەستپێوەگرتن چییە و رێکارەکانی چیین..

ئایا دەزانیت تەقەشوف دزییەکانی هەندێک حیزب و سیاسەتمەداری سنووردار کرد؟

ئایا دەزانیت پارەیەکی زۆری پاشەکەوتکرد و بەکارهێنرا بەمەبەستی پڕکردنەوەی کورتهێنان لە بودجە و دابینکردنی مووچەی فەرمانبەران و پڕکردنەوەی پێویستییەکانی جەنگی دژ بە تیرۆر؟

ئایا دەزانیت ئەو تەقەشوفەی کە باسی دەکەیت بریتییە لە دابەزاندنی مووچەی پەرلەمانتار و وەزیرەکان و کەمکردنەوەی ژمارەی پاسەوانەکانیانە؟

ئایا دەزانیت تەقەشوف بریتییە لە هەڵوەشاندنەوەی هەندێک وەزارەت کە بودجەکانیان خەیاڵی بوو و هیچ خزمەتێکیشیان بە هاوڵاتیان نەدەگەیاند؟

وەستاندنی دامەزراندن بەهۆی نەبوونی پارەوە بوو لە بودجەدا و هەمووان دەزانن ئێمە لە جەنگدا بووین دژ بەتیرۆر و دەبوایە پێویستییەکانی ئەو جەنگەمان دابینبکردایە.

سەبارەت بە لێبڕینەکان لە فەرمانبەران بە بڕیارێکی پەرلەمان ئەو کارە کرا نەک دکتۆر عەبادی، و بەڕێژەی ۳% بوو، وئەویش لەلایەن پەرلەمانەوە دابینکرا بۆ پێویستییە جەنگییەکان نەک بۆ حکومەت.

 

---

 

۲۱ـی حوزەیرانی ۲۰۲۱

بەناوی خودای گەورە و میهرەبان

خاوەنی بەخشندەیی و فەخامەت بەڕێز ئیبراهیم رەئیسی بەڕێز..

سڵاوی خودای مەزنتان لێ بێت

پیرۆزباییتان لێ دەکەم بەبۆنەی هەڵبژاردنتان وەکو سەرۆکی کۆماری ئیسلامی ئێران، وهیوای پێشکەوتن و گەشەسەندن بۆ بەڕێزتان و تەواوی گەلی ئێرانی دەخوازیین.

تەواو بەهیوام کە پەیوەندییەکانی عیڕاق و ئێران لە سایەی حوکمڕانییەکەتاندا پێشکەوتنی زیاتر بەخۆیەوە ببینێت لەپێناو خزمەتکردنی بەرژەوەندی هەردوو وڵات لەسەر بنەماکانی هەماهەنگی و بەرژەوەندی هاوبەش و رێزگرتنی سەروەریی، و بەرپاکردنی ئەو رۆڵە هەرێمییانەی کە ئاسایش و ئاشتی و پەرەسەندن پتەو دەکات.

ئەمڕۆ گەلانی ناوچەکە پێویستی تەواویان بە کردنەوەی ئاسۆی نوێیە لە بەرامبەر چانسەکانی هیواخواستن بەرۆژێکی باشتر.

ئەمڕۆ رابەرانی ناوچەکە بەرپرسیارێتییەکەیان لە لێواری خەرەنددایە، بۆیە دەبێت رابەرایەتی گۆڕانکارییە سیاسی و ئابووری و کۆمەڵایەتییەکان بکەن بە سیاسەتێکی ئەرێنی بونیادنەرەوە.

 

تەواوی رێزمان قبووڵ بکەن.

 

---

 

۲٨ـی حوزەیرانی ۲۰۲۱

هاوپەیمانی نەسڕ: سەرکۆنەی بۆردومانە ئەمریکییەکە دەکەین، و داواکاری پاراستنی سەروەریی عیڕاقین

"هاوپەیمانی نەسڕ" سەرکۆنەی بۆردومانە ئەمریکییەکە دەکات بۆ سەر بارەگاکانی حەشدی شەعبی لەناو خاکی عیڕاقدا، وپێیوایە کە ئاشووب و پێشێلکارییەکی قبووڵ نەکراوە. هاوکات هاوپەیمانییەتییەکە تێوەگلاندنی عیڕاق و دامودەزگاکانی لە ململانێی ئەژیندا هەرێمی و نێودەوڵەتییەکاندا رەتدەکاتەوە چونکە ئاسایشی عیڕاق و بەرژەوەندییەکانی و گیانی رۆڵەکانی دەخاتە مەترسییەوە.

"هاوپەیمانێتی نەسڕ" داواکارە سەروەریی عیڕاق بپارێزرێت و وڵاتەکە نەخزێنرێتە ململانێی ئەژینداکانەوە، لەپێناو پاراستنی ئاسایش و سەلامەتی عیڕاق و ناوچەکە، وداواکارە لە هەمووان بەرپرسیارێتییەکانی خۆیان لەئەستۆ بگرن لەپێناو تێکنەچوونی دۆخە و لەدەستدەرچوونی.

داواکارین لە خودای مەزن رەحم بە شەهیدەکان بکات و چاکبوونەوەی زووبەزووی بریندارەکانیش.

 

---

 

۲٨ـی حوزەیرانی ۲۰۲۱

هاوپەیمانی نەسڕ: پێشوازی لە بڕیارەکانی لووتکەی بەغدا دەکەین و داخوازی هاوسەنگیین

 

"هاوپەیمانی نەسڕ" پێشوازی دەکات لە بڕیارەکانی لووتکەی بغدای عیڕاقی لەگەڵ میسڕ و ئەردەندا، و داخوازی کارکردنی جیدییە بۆ ئەکتیڤکردنی ئەو بڕیارانە، لەگەڵ جەختکردنەوە لەسەر پێوێستی نەخزانی عیڕاق بۆ نێو سیاسەتی میحوەرە هەرێمی و نێودەوڵەتییەکان، و ببێت بە چەقی هاوسەنگییەکی هەرێمی، و بەرژەوەندییە نیشتیمانییەکانی بکات بە بنەمای هەر پەیوەندییەکی هەرێمی و نێودەوڵەتی.

 

---

 

۲۹ـی حوزەیرانی ۲۰۲۱

هاوپەیمانی نەسڕ: بە ژان و عیبرەتەوە یادی دامەزراندنی دەوڵەتی "خورافە" دەکەینەوە

لە رۆژێکی وەکو ئەمڕۆدا رێککەوتی "۲۹ـی حوزەیرانی ۲۰۱٤" رێکخراوی داعش دامەزراندنی دەوڵەتە شوومەکەی خۆی راگەیاند لەسەر ئەو خاکەی داگیریکردبوو لە عیڕاق و سووریا، و "خەلیفەیەکی" بۆ دەستنیشانکرد.

ئەمە یادی گەورەترین کارەساتە کە وەکو گەل و دەوڵەت دەرگیری بووین، و دەبێت بە ژان و عیبرەتەوە یادی بکەین بۆ ئەوەی مێژوو ئەم کردارە رەشەی خۆی دووبارە نەکاتەوە. چونکە تیرۆر خاک و شەرفی لەکەدار کردین، و بووە هۆی ئاوارەبوونی ملیۆنەها کەس، و زامێکی بەسوێی لە نیشتیماندا درووستکرد.

دەوڵەتەکان دانامەزرێن و بەڕێوەنابرێن بەشێوەیەکی هەڕەمەکی، و ئەگەر بێت و لە حوکمڕانییەکی ژیر و بەرپرسیار و سۆڵیدارێتی نیشتیمانی بترازێت هیچی بۆ نامێنێتەوە بێجگە لە بەزێندراوی و کارەسات، و درووستبوونی "دەوڵەتی خورافە" لە رۆژێکی وەکو ئەمڕۆدا هیچ نییە بێجگە لە هەرەسهێنان لە ئیدارەدانی دەوڵەت و بەجێهێنانی ئەرکەکانی حوکمڕانیدا و لاوازی توانا لە وەڵامدانەوەی ئەو ئاڵنگارییە سیاسی و ئەمنی و ئابوورییانەی کە رووبەڕووی دەوڵەت دەبنەوە. و ئەگەر خراپی بەڕێوەبردن و گەندەڵی و پەرتبوونی بڕیار و ململانێی ئەژیندای هێزەکانی دەوڵەت نەبوایه پلانگێڕییە ناوخۆیی و دەرەکییەکانیش سەریان نەدەگرت و سەرنەدەکەوتن.

عیڕاق بەرامبەر بە گۆڕینی هەرەس بۆ سەرکەوتن، و لەپێناوی مەحفکردنی لەدایکبووە رەشەکە "دەوڵەتی خورافە"، بەنرخترین و ئازیزترین رۆح و شکۆ و داهاتی خۆی بەخشی، و دەبێت نەهێڵین رەگەزەکانی هەرەس جارێکیتر دووبارە ببنەوە.

بۆ ئەوەی دەوڵەت بمێنێتەوە و پێش بکەوێت، پێویستیمان بە حوکمڕانییەکی نیشتیمانی پاک و بەهێز و چالاک هەیە، هەروەها پێویستیمان بە هێزی دەوڵەتدارێتی بەرپرسیار و نیشتیمانپەروەرانە هەیە کە خزمەت بە هاوڵاتیان بکەن نەک بە خۆیان، وهاوکات بوونی سۆڵیدارێتییەکی کۆمەڵایەتی کە لەسەرووی بانگەوازەکانەوە بێت، دواجاریش مێژوو خۆی دووبارە نەکاتەوە.