بە بانگێشتنامەیەکی کۆڕبەندی عیڕاقی بۆ یەکگرتنی ئیسلامی، شاندێک کە پێکهاتبوو لە سەرکردایەتیی هاوپەیمانی نەسڕ ئامادەی ئەو کۆنگرەیە بوو کە کۆڕبەندەکە رێکیخستبوو لەژێر ناونیشانی "یەکگرتنی ئیسلامی و کاریگەری پۆزەتیڤی بەسەر دۆزی فەڵەستینیدا".
شاندی "نەسڕ" لەلایەن عەبدلعەباس شەیاع ـەوە سەرکردایەتی کرا بۆ ئامادەبوونی کۆنگرەکە، هەروەها شاندەکە بەڕێزان: عەقیل ردێنی و تاهیر عەیاد دلێمی و ئەحمەد وەندی لەخۆ گرتبوو.
کۆنگرەکە بە وتاری بەڕێز عەلی عەلاق ئەمینداری گشتی کۆڕبەندەکە دەستیپێکرد، لە وتارەکەیدا گرنگترین رووداو و دۆخی تایبەت بە دۆزی فەڵەستینی خستەڕوو.
شایەنی باسە کۆنگرەکە بەشداریکردنی کۆمەڵێک پیاوی ئاینی و سەرکردایەتی سیاسی و دیبلوماسی وەکو باڵیۆزانی فەڵەستین و یەمەنی بە خۆیەوە بینی.
