سەرکردەی ئیئتلافی نەسڕ دکتۆر حەیدەر عەبادی، ئەمڕۆ یەکشەممە، چاویکەوت بە سەرۆک کۆمار دکتۆر بەرهەم ساڵح.
لەدیدارەکەدا، تاوتوێی دوا پێشهاتەکانی دۆخی سیاسی و ئەمنی و ئابووریی وڵاتەکە کرا، وگرنگترین ئاستەنگەکان و چۆنێتی هەماهەنگی کردن لەپێناو چارەسەرکردنیان.
وجەختیشکرایەوە لەسەر گرنگی پاراستنی ئاسایش و سەلامەتی هاوڵاتیان، وپاراستنی مافی خۆپیشاندانی هێمنانە و پاراستنی ئاسایشی گشتی، وپشتگیریی کردنی دامودەزگا ئەمنییەکان بەمەبەستی پاراستنی ئاشتی و ئاسایشی کۆمەڵایەتی.
هەروەها تاوتوێی دۆسێیەی هەڵبژاردنی داهاتوو کرا و گرنگییەکەی، وئەو ئامادەکارییانەی کە لە ئێستادا ئەنجامدەدرێن بۆ رێکسختنی، وپێداگرییش کرا لەسەر زەروورەتی بەجێهێنانی پێوەرەکانی پاکی و روونی و رێگریکردن لە دەستکاری و ساختەکاری، وگێڕانەوەی متمانەی دەنگدەر بە پرۆسەی هەڵبژاردنەکان، ومسۆگەرکردنی بەشداری فراوان تێیدا.
دیدارەکه تاوتوێکردنی دۆخی ئابووریی وڵاتی بەخۆیەوە بینی، وئەو هەوڵ و ڕێوشوێنانەی کە پێویستن بۆ پشتیوانی کردنی ئابووریی نیشتیمانی و نەهێشتنی گەندەڵی و فراوانکردنی سەرچاوەکانی داهاتی دەوڵەت، وپرسی پەسەندکردنی بودجەی داراییش بەو شێوەیەی کە مافی هەموو عیڕاقییەکان بپارێزێت.
