لە بەروارى ٣ نیسانەوە بۆ بەروارى ١٧ حوزەیران
٣ـى نیسانى ٢٠٢٠
ئیئتلافی نەسڕ: هەڵکشانی گرژییەکان ئەمریکا-ئێران ترسناکە، وعیڕاق بەتەنیا خۆی باجی ئەو جەنگی بەرژەوەندخوازییە نادات.
"ئایات ئەلموزەفەر" ئەندامی ئیئتلافی نەسڕ جەختیکردەوە: هەڵکشانی گرژییەکانی ئەمریکا و ئێران زۆر ترسناکە، و بەردەوامیش لە هەڵکشانی زیاتردایە، ولێکەوتەکانیشی کارەساتاوی دەبن بۆ عیڕاق.
هەروەها ئەلموزەفەر وتی: جێی قبووڵکردن نییە کە عیڕاق ببێت بە گۆڕەپانێک بۆ تەسفیەی حیساباتە ئیقلیمیی و نێودەوڵەتییەکان، ودەبێت حکومەت بەرپرسیارێتییەکانی خۆی بەجێ بێنیت، تەنیا هۆشداریدان کیفایەت نییە، چونکە حکومەت راسپێردراوە بە بەڕێوەبردنی وڵات، وئەگەر حکومەت ئەو لایەنە بێت کە تەنیا(هۆشداریی و ئیدانە و ناڕازایەتیی) دەببڕێت، ئەی کێ رێوشوێنەکانی زامنکردنی پاراستنی عیڕاق دەگرێتەبەر؟!
وئەو ئەندامەی ئیئتلافی نەسڕ دووپاتیکردەوە: مانەوەی عیڕاق وەکو گۆڕەپانێکی شپرزە و ناجێگیر خزمەت ناگەیەنێت بە سەقامگیریی ناوچەکە و جیهان، و عیڕاق بەتەنیا خۆی باجی ئەو جەنگی بەرژەوەندخوازییە نادات، و وا باشترا بۆ ئەو لایەنانەی کە لە ململانێدان عیڕاق بێلایەن رابگرن، و یارمەتیشی بدەن کە بێلایەن بێت، چونکە ناوچەکە ناتوانێت گەمەیەکی ئاگرینی نوێی لێ باربکرێت، کە خۆی ئێستا لە نێو قەیرانێکی دارایی و تەندرووستیی کۆنترۆڵنەکراودا دەژێت.
ئەلموزەفەر ئاماژەشی کرد، کە ئیئتلافی نەسڕ جەختدەکاتەوە لەسەر سیاسەتی بێلایەنیی و دوورخستنەوەی عیڕاق لە لێکەوتەکانی جەنکی جەمسەرەکان، و وتی: حکومەتەکەی عەبادی سەرکەوتوو بوو لە پاراستنی سەروەریی و پاراستنی بەرژەوەندییە نیشتیمانییەکان و بەدەستهێنانی بێلایەنی و بونیادنانی پەیوەندیی هاوسەنگ و پۆزەتیڤ لەگەڵ ئەو وڵاتەنەدا کە بەرژەوەندییەکانیان دژ بە یەکترن، وئەمەش شتێکە ئەمڕۆ ئەنجامدانی مومکینە ئەگەر ئیرادەی سیاسیی بوونی هەبێت.
---
٥ـی نیسانی ۲۰۲۰
ئیئتلافی نەسڕ: گرنگە کە پابەندبوون هەبێت بە سیاق و کاتە دستنیشانکراوە دەستوورییەکان
ئیئتلافی نەسڕ جەختدەکاتەوە لەسەر گرنگی پابەندبوون بە سیاق و کاتە دەستنیشکراوە دەستوورییەکانی پەیوەست بە راسپاردن بە پێکهێنانی حکومەتێکی نوێ، وئیئتلافی نەسڕ بەتەنگ و حەریسە لەسەر گەیشتن بە لەیەکتێگەیشتن و پێکهاتنی نیشتیمانی بۆ ئاسنکردنی رێکارەکانی پێکهێنانی حکومەتێکی نوێ کە بەدوور بێت لەهەر سایە و وەسایەتێکی دەرەکی ئەمەش بەمەبەستی بەجێهێنانی ویست و ئامانجی هاوڵاتیانی عیڕاق بەتایبەتی لەم دۆخە قورسەدا پاش بڵاوبوونەوەی پەتای کۆرۆنا و ئەو قەیرانە ئابوورییە خنکێنەرە. لەگەڵ جەختکردنەوە لەسەر پێدانی چانسی دەستووری بە "راسپێردراوی ئێستا"، وەکو پابەندبوونێک بە سیاقە یاسایی و سیاسییەکان.
---
۹ـی نیسانی ۲۰۲۰
ئیئتلافی نەسڕ: پابەندین بە گەیشتن بە رێککەوتنی نیشتمانیی بۆ پێکهێنانی حکومەتێکی نوێ بەدوور لەهەر جۆرە سایە ویسایەتێکی دەرەکیی بەمەبەستی بەجێهێنانی ویستی هاوڵاتیی
ئیئتلافی نەسڕ دووبارە جەختدەکاتەوە لەسەر پابەندبوونی بە گەیشتن بە لەیەکتێگەیشتن و رێککەوتنی نیشتیمانیی بەمەبەستی ساناکردنی رێچکەکانی پێکهێنانی حکومەتێکی نوێ کە بەدوور بێت لەهەر جۆره سایە و ویسایەتێکی دەرەکی بەمبەستی بجێهێنانی ویستی هاوڵاتیی عیڕاقی، بۆیە هەموو بەشدرایی و ئامادەییەکانی ئیتلافەکەمان لە گفتوگۆکاندا بەمەبەستی جەختکردنەوە بووە لەسەر رێچکە راست و درووستەکان بۆ چارەسەرکردنی قەیرانەکە و دۆزینەوەی رێکارەکانی پێکهێنانی حکومەتێکی سەرکەوتوو کە بتوانێت پشتیوانی گەلی عیڕاق بەدەستبهێنێت لە نێو ئەم دۆخە قورسە ناوخۆیی و نێودەڵەوتییەی ئێستادا.
ئیئتلافی نەسڕ پابەندبوو بە سیاقە یاسایی و دەستوورییەکانەوە و بەشدار بوو لە ئالیەتەکانی پێگەیاندنی دیالۆگ و لەیەکتێگەیشتن هەروەها ڕا و ئامۆژگاریشی پێشکەش بە راسپێردراوەکان کردووە بە پێکهێنانی حکومەت ئەمەش بەپێی بنەما دەستووریی و رێسا نیشتیمانییەکان.
لە کاتێکدا ئیئتلافی نەسڕ هەڵوێستی نیشتیمانیانەی بەڕێز عەدنان ئەلزەرفی بەرز دەنرخێنێت کاتێک کە بەرژەوەندی وڵات و یەک هەڵوێستی دەخاتە سەروو هەموو بەرژەوەندییەکانی ترەوە هەروەها درپێکردنی بەو ئاستەنگانەی کە وڵاتەکەمان پێیدا تێدەپەڕێت کە داخاوازی یەک دنگی زیاترە، هاوکات ئێمە خوازیاری سەرکەوتنین بۆ راسپێردراوی نوێ بەڕێز "موستەفا ئەلکازمی" و بەهیواین بەردەوام بێت لە تەواوکردنی پەیڕەوە حکومییەکەی و وەزارەتەکانی پێکبێنێت بۆ ئەوەی لە پەرلەمانی عیڕاقیدا دەنگی لەسەر بدرێت، هاوکات ئیئتلافەکە لەو باوەڕەدایە کە بەڕێز ئەلکازمی هەنگاو دەنێت بەرەو کاڵکردنەوەی واقیعی قەیرانە دارایی و تەندرووستی و جەماوەرییەکان و ئەنجامدانی هەڵبژاردنێکی پاک و بێگەرد.
---
۷ـی ئایاری ۲۰۲۰
ئیئتلافی نەسڕ: پشتیوانی پێکهێنانی کابینەکەی کازمی بووین و دەستمانهەڵگرت لە پشکپشکێنە
ئیئتلافی نەسڕ پیرۆزبایی پێکهێنانی کابینە حکومییەکەی بەڕێز موستەفا کازمی دەکات، وپشتیوانی خۆی بۆ کابینەکە رادەگەیەنێت بەمەبەستی رووبەڕووبوونەوەی ئەو مەترسییە وجوودیانەی کە هەڕەشەن بۆ سەر دەوڵەت.
ئیئتلافی نەسڕ کاریگەری خۆی هەبوو لەسەر پشتوانیکردنی حکومەتەکەی کازمی سەرەڕای ئەوەی کە خودی ئیئتلافەکە بەشداریی نەکردووە لە کابینەکەدا، ئەمەش لە سۆنگەی باوەڕی ئیئتلافەکەوە سەرچاوەدەگرێت بە زەروورەتی دەرهێنانی وڵاتەکە لەو قەیرانانەی کە دەرگیری بووە، وداواکارە لە حکومەت پەیڕەوی سیاسەتێکی نیشتیمانیی کاریگەر وپتەو وبێلایەن بکات، وتەواوی بەرنامە حکومییەکەی خۆی جێبەجێ بکات بەشێوەیەکی پاک وڕوون.
وئیئتلافی نەسڕ تەواوی شکستەکان لە بەڕێوەبردنی وڵاتدا دەخاتە ئەستۆی حکومەتی پێشوو، کە پێشێلکاری ئەنجامدا بەرامبەر بە حورمەت وئازادییەکان ومافی هاوڵاتیان، ووڵاتی خستە نێو تونێلی قەیرانگەلێکی کارەساتاوی کە دواتر دەناڵێنین بەدەستی لێکەوتە سیاسیی وکۆمەڵایەتیی وئابوورییەکانییەوە.
ئیئتلافی نەسڕ بانگەواز دەکات بۆ سۆلیدارێتییەکی نیشتیمانی سەرتاپایی بۆ زامنکردنی بەڕێوەبردنێکی رێکوپێکی دەوڵەت.
---
٩ـی حوزەیرانی ۲۰۲۰
ئیئتلافی نەسڕ: پشتیوانی لە حکومەتەکەی کازمی دەکەین و داخوازین ئەرکەکانی قۆناغە ئینتیقالییەکه جێبەجێ بکەن
ئیئتلافی نەسڕ پشتیوانی خۆی بۆ حکومەتەکەی کازمی رادەگەیەنێت سەرەڕای تەحەفوزی تووندی لەسەر بەشبەشێنە وبەرژەوەندیخوازیی ورێککەوتنە پێشوەختەکان کە لەلایەن هەندێک هێزی سیاسییەوە سەپێندران. پشتیوانی نەسڕ بۆ حکومەتەکەی کازمی لە تێگەیشتنی ئیئتلافەکەوە سەرچاوە دەگرێت بە ترسناکی دۆخی دەوڵەت وقەیرانەکانی ئێستاوەی
کە پێویست دەکات یەکگرتووبین لە بەرامبەریاندا بۆ تێپەڕاندنیان. هاوکات نەسڕ جەختدەکاتەوە لەوەی حکومەتەکەی کازمی حکومەتێکی کاتییە بۆ قۆناغێکی راگوزەر وئینتیقالی، وسەرکەوتنی بەندە بە بەجێهێنانی ئەرکەکانی قۆناغە ئینتیقالییەکەوە وپێشەنگی ئەم ئەرکانە ئەنجامدانی هەڵبژاردنێکی بێ غەڵوخێچە وسانسۆرکردنی چەک بۆ دەستی دەوڵەت و سەپاندنی دەسەڵاتی یاسا و بەجێهێنانی داخوازییەکانی خۆپیشاندەران و بەسزا گەیاندنی تاوەنباران.
حکومتەکەی کازمی وەکو بەدیلێک هاتەپێش بۆ هەڵە وگوناهەکانی حکومەتی پێشوو بەرامبەر بە گەڵ ودەوڵەت، وئەرکە سەرەکییەکەی رابەرایەتیکردنی سیستەمە سیاسییەکەیە بەرەو گۆڕانکاری راستەقینە لەڕێی گرتنەبەری رێوشوێنەکانی قۆناغە راگوزەرەکەوە، بۆیە پاڵپشتیکردن وموعارەزەکردنی حکومەتەکەی کازمی بەند وپەیوەستە بە جددیبوون وتواناییەوە بۆ بەجێهێنانی ئەرکەکانی گۆڕانکارییە ئینتیقالییەکە، وبەو مەرجەیش کە نەبێت بە درێژکراوەی ئەوانەی پێش خۆی و بچێتە ژێر رکێفی هاوکێشەی بەرژەوەندییە تایفەگەریی و حیزبییەکانەوە لەسەر حیسابی بەرژەوەندی گەل و وڵات.
ئیئتلافی نەسڕ جارێکیتریش داوا لە هێزە سیاسییەکان دەکات ئەوانەی کە بەشداربوون لە حکومەتدا کە بە بەرپرسیارێتییەکی بەرزەوە مامەڵە بکەن لەگەڵ ئەرکەکانی حکومەتەکەی کازمیدا، وخۆیان پاکبکەنەوە لە بەشبەشێنە وقووتدانی دەوڵەت، ئەولەویاتی خۆیشیان رێکبخەنەوە لەسەر بنەمای پێویستییەکانی چاکسازیکردنی بوونیادی سیستەمەکە و دەرچوون بە کەمترین زیان لەم قەیرانە هەنووکەییەوە، وهەستی بەرپرسیارێتی بەرزبکەنەوە بەرامبەر بە پشتیوانیکردنی حکومەت و ئەو رێوشوێنانەی کە دەیانگرێتەبەر بۆ جێبەجێکردنی ئەرکەکانی قۆناغە ئینتیقالییەکە، هەروەها دەبێت خۆیان بەدووربگرن لە پشتگوێخستنی داخوازییە رەواکانی جەماوەر بۆ بونیادنانی سیستەمێکی سیاسی یەکسان کە ئیرادەی هەڵبژاردنێکی جەماوەری ئازاد خوڵقێنەری بێت. وئیئتلافی نەسڕ داوا دەکات لە بەڕێز کازمی تەواوی دەسەڵاتەکانی خۆی و بە هەموو هێز و توانایەوە مومارەسە بکات بەمەبەستی زامنکردنی بەجێهێنانی ئەرکی وەزارەتە کاتییەکەی.
---
۹ـی حوزەیرانی ۲۰۲۰
ئیئتلافی نەسڕ: دەبێت گفتوگۆکانی عیڕاق-ئەمریکا دەرەنجام، ببێت بە مفاوەزاتی جیددی وخزمەت بە بەرژەوەندییەکانی عیڕاق بکات
لەگەڵ نزیکبوونەوەی دەستپێکردنی (گفتوگۆ ستراتیژییەکەی) ئەمریکا وعیڕاق، ئیئتلافی نەسڕ جەختدەکاتەوە لەسەر دیدگای خۆی بەم شێوەیەی لای خوارەوە:
۱. دەبێت گفتوگۆکان دەرەنجام، ببێت بە مفاوەزاتی جیددی فرەکەیس و فرەئاست کە خزمەت بە بەرژەوەندییە باڵاکانی عیڕاق بکات و دەبێت بەهیچ شێوەیەک وابەستەی هیچ میزاج و ئەژیندایەکی تایفی و مەزهەبی و حیزبی نەبێت، چونکە بەرژەوەندییە باڵاکان لەسەر بنەمای بەرژەوەندییە لاوەکییەکان بونیادنارنرێت. وعیڕاقیش وەکو دەوڵەتێک زۆر پێویستی بە پەیوەندیی ئەرێنی هەیە لەگەڵ وڵاتانی جیهاندا چونکە ئەم پەیوەندییانە کاریگەری بونیادی خۆیان هەیە لەسەر سەروەریی و ئابووریی و سەرتاپای کەیانەکەی.
۲. دەبێت لایەنی عیڕاق ئامادە بێت بۆ گفتوگۆ، لەڕێگەی ئامادەکردنی فایلی گفتوگۆکان لەسەر بنەمای (نەخشەڕێگایەکی مەنهەجیی وبەرژەوەندییانە) و بە دید وهەڵوێستێکی روون و سەرتاپاگیرەوە، ودەبێت گفتوگۆکە بونیادبێت لەسەر بنچینەیەکی سێکوچکەیی: بەرژەوەندییە باڵاکانی عیڕاق، واقیعیەتی سیاسیی، وتێکەڵبوونی بەرژەوەندییەکان.
۳. لەبەرژەوەندیی عیڕاقدا نییە دژایەتی هیچ لایەنێک بکات، هەروەها لە بەرژەوەندیی عیڕاق وناوچەکە وجیهاندا نییە عیڕاق لایەنگری هیچ میحوەرێکی هەرێمی یان دەوڵەتی بکات، لایەنگیریکاری بۆ عیڕاق هۆکارە بۆ درووستکردنی ململانێی جیۆسیاسی گەورە کە یەکپارچەیی عیڕاق و سەقامگیریی ناوچەکە دەخاتە ژێر هەڕەشەوە. وئەو تیۆرە سەنتڕاڵەی کە دەبێت دەوڵەتی عیڕاق لەسەر بنەماکەی پەیوەندییە دەرەکییەکانی و رۆڵە هەرێمییە دوڵەتییەکەی خۆی بونیاد بنێت بریتییە لە: تیۆری (عیڕاقی سەنتڕاڵ) نەک عیڕاقی پەراوێز و عیڕاقی لایەنگر.
٤. پێکهاتنی پرسەکانی سەروەریی عیڕاق وبەرژەوەندییە سیاسی وئابووری وکولتووری وزانستی ..وهتدەکانی لەگەڵ هەموو وڵاتە بیانییەکاندا لەسەر ئەم بنەمایانەی لای خوارەوە بونیاد دەنرێت: یەکدەنگی هەڵوێستی عیڕاقی، بەرپاکردنی تیۆری عیڕاقی سەنتراڵ، پەیوەندیی ئەرێنی لەگەڵ هەموو لایەنەکاندا، بێلایەنی، دوورخستنەوە وبێلایەنکردنی عیڕاق لە ململانێی دەوڵەتەکاندا، هەڵوەشاندنی پەیوەندیی عیڕاق بە فایلە هەرێمییە تەقیوەکان، سیاسەتێک کە خزمەت بە بەرژەوەندییەکان بکات، هەروەها کردنی ئابووری وبەرژەوەندییەکانی هاوڵاتیان بە بنەمای یەکەمی هەماهەنگی.
٥. کەیسی بوونی سەربازیی بیانی، و بەدیاریکراویش ئەمریکیی، بەهۆی دۆخی شەڕی دژ بە داعشەوە بووە و بە داوای فەرمی لەلایەن حکومەتەکەی بەڕێز مالیکی هاتوون، لەگەڵ کۆتایی هاتنی جەنگەکە حکومەتەکەی دکتۆر عەبادی خشتەیەکی کاتی دانا بۆ کەمکردنەوەی ژمارەی ئەو هێزە سەربازیانە، بەڵام حکومەتەکەی عادل عەبدولمەهدی پرۆسەکەی راگرت.
ئەمڕۆ عیڕاق پێویستی بەم هەموو هێزانە نییە، پێویستی بە رێژەیەکی دیاریکراوی کەم هەیە بۆ مەبەستەکانی راهێنان و پاڵپشتی لۆجستی وهەواڵگری بۆ رووبەڕووبوونەوەی تیرۆر کە فراوان دەبێتەوە و تێکهەڵدێت بە شێوەیەکی هەرێمی و نێودەوڵەتی، وعیڕاقیش پێویستی بە پشتیوانییەکی نێودەوڵەتی هەیە لەم رووەوە. ودیاریکردنی ژمارە و ئەرکەکانی ئەم هێزانە لەڕێی رێککەوتنێکی دووقۆڵییەوە دەکرێت لەنێوان عیڕاق و وڵاتانی تردا، ئەمەش حکومەتی عیڕاقی پێی هەڵدەستێت بەپێی پێویستییەکانی ئاسایش و پێویستییەکانی سەروەریی عیڕاق.
٦.دەبێت عیڕاق پشت ببەستێت بە میحوەرە فراوانەکان لە رێککەوتنی چێوە ستراتیژییەکەدا لەگەڵ ئەمریکا کە پەرلەمانی عیڕاق لەساڵی ۲۰۰٨ دەنگی لەسەردا، وبەرتەسکنەکردنەوەی پەیوەندییەکان لەگەڵ ئەمریکا بۆ تەنیا پرسێکی عەسکەری وسیاسیی رووت، ئەمەش لەڕێگەی ئەوەوەی کە وا بکرێت رێککەوتنە سیاسییەکە خزمەت بە عیڕاق بکات و خزمەت بە هەستانەوەی بکات لەڕووی ئابووری وزانستی و پەرەسەندنەوە، و زەروورەتی موزایەدەنەکردن بە بەرژەوەندییەکانی دەوڵەتەوە کە ناکەوێتە خانەی پێشکەوتنی وڵاتەوە.
۷. دەبێت عیڕاق بۆ بەهێزکردنی میحوەریەتی وبێلایەنی خۆی گفتوگۆی ستراتیژی بکاتەوە لەگەڵ وڵاتانی ناوچەکە و وڵاتانی سەنتڕاڵی جیهاندا بەپێی هەمان ئەو مەنهەجەی کە لەگەڵ ویلایەتە یەکگرتووەکان و لایەنی تردا پەیڕەوی دەکات، بۆ دۆزینەوەی شەراکەتی رەسەن کە بەهێزی وپێشکەوتن وبێلایەنی عیڕاق پتەو بکات، بەپێی پێویستیی بەرژەوەندییەکانی وسەروەرییە نیشتیمانییەکەی.
---
۱۷ـی حوزەیرانی ۲۰۲۰
ئیئتلافی نەسڕ: ئیدانەی پێشێلکردنی سەروەریی عیڕاق دەکەین و هۆشداری دەدەین لە بەردەوامبوونی
ئیئتلافی نەسڕ ئیدانەی پێشێلکردنی بەردەوامی سەروەریی عیڕاق دەکات، و هەموو بەرپرسیارێتی لێکەوتەکانی پێشێلکردنی حورمەتی عیڕاق وەک خاک و گەل دەخاتە ئەستۆی وڵاتە پێشێلکارەکان، وداخوازە لە حکومەت مومارەسەی توانا و بەرپرسیارێتییەکانی خۆی بکات بۆ پاراستنی سەروەریی و کەرامەتی عیڕاق.
وئیئتلافی نەسڕ جەختدەکاتەوە لەسەر ئەوەی ئەم پێشێلکارییانە پەشێوی و ناسەقامگیریی لە ناوچەکەدا زیاتر دەکات، ولە داهاتووشدا هیچ وڵاتێک دەرباز نابێت لە کاریگەرییە نەرێنییەکانی لەسەر ئاسایش و سەوەرییەکەی.
