چارەکی چوارەمی ساڵی ۲۰۲۱
هەڵوێستەکانمان

چارەکی چوارەمی ساڵی ۲۰۲۱

لە بەرواری ۷ـی تشرینی یەکەمەوە تا بەرواری ۲۷ـی کانوونی یەکەم

۷ـی تشرینی یەکەمی ۲۰۲۱

بەناوی خودای بەخشندە و میهرەبان

قارەمانەکان، کارمەندانی هێزە سەربازیی و ئەمنییەکان، بەهەموو رشتە و بەشەکانییەوە.

سڵاوتان لێ بێت، ئەی سیمبوڵەکانی سەرکەوتن و هێماکانی کەرامەت و ناونیشانەکانی گیانبەختکردن.

سبەی، پرۆسەی هەڵبژاردنەکان دەستپێدەکات، بەدەسپێکردنی دەنگدانی تایبەت.

بەندە، لە سۆنگەی باوەڕمەوە بە ویژدانە نیشتمانیی و ئیرادە عیڕاقییەکەتانەوە، ئەوەی کە ئەزموونم کرد لەگەڵتاندا لە گۆڕەپانەکانی جەنگ و ئاشتیدا، ئەمڕۆ پەیامێکم پێیە بۆتان:

۱. دەوڵەت، ئەمانەتی خودا و گەل بە ئێوە راسپێردراوە، بۆیە ئەو ئەمانەتە بپارێزن لە ئاشتیدا هەر وەک چۆن لە جەنگیشدا پاراستان.

۲. هەڵبژاردنەکان، گوزارشتە لە ئیرادەی گەل، پاک و دادپەروەرییەکەی بپارێزن، چونکە ئێوە پارێزەری گەلن.

۳. لاگیری هیچ حیزبێک یان کیانێکی سیاسی مەکەن، ئێوە هی گەلن هەموو گەل.

٤. دەنگبدەن بەوەی باوەڕی بە دەوڵەت و یەکپارچەیی و دادپەروەریی و سەروەرییەکەیەتی، چونکە هێزی ئێوە و هێزی گەل لەچێوەی دەوڵەتدا دەپشکوێ نەک بە شتێکی تر.

٥. ئەوە بزانن، دەوڵت ماوە، و هەر لۆژیکەکەیەتیشی کە سەردەکەوێت. دەوڵەت رەنگە شەڕەکان بدۆڕێنێت، بەڵام جەنگەکان دەباتەوە،.. هەروەکو چۆن جەنگی دەوڵەتمان دژ بە تیرۆر و پارچەپارچەبوون و فیتنە بردەوە، هەرواش دژ بە ئاشووب و سەرەڕۆیی و نشوست دەیبەینەوە، ئەمەش بە ئیرادەی ئێوە و گەل و هەموو چاکەخوازەکان.

خوا بتانپارێزێت ئەی پارێزەرانی وڵات و قەڵغانی گەل.

 

---

 

۱۰ تشرینی یەکەمی ۲۰۲۱

پیرۆزبایی لە گەلی مەزنی عیڕاق دەکەم، کە ئەمڕۆ بەشداربوو لە هەڵدانەوەی لاپەڕەیەکی نوێ لە مێژووە پڕ بەخشەندییەکەی خۆیدا، لەڕێگەی بەشداریکردنی لە هەڵبژاردنەکانی ئەنجوومەنی نوێنەراندا.

و سوپاسی هەموو ئەو کەسانە دەکەم کە بەشداربوون لە سەرپێخستنی ئەم دەستکەوتە نیشتمانییەدا، و سوپاسی هەموو هاوڵاتییەکیش دەکەم کە بەشداری دەنگدان بوو، و جەختیشدەکەینەوە بۆ بەرەی بایکۆت، بایکۆتکردن زیاتر هانمان دەدات بۆ بەردەومبوون لە رێپوانەکەمان لەسەر رێچکەی فریاکەوتن و چاکسازیی و بنیادنان، و سفرکردنی مەودای نێوان هاوڵاتی و بەرپرش بەرەو گەیشتن بە زیاترین رێژەی بەشداریکردن لە داهاتوودا.

و بەهیوان کۆمسیۆنی باڵای سەربەخۆی هەڵبژاردنەکان بەردەوامبێت لە کارەکانیدا لەپێناو راگەیاندنی دەرەنجامەکان لە کاتی دیاریکراوی خۆیدا، و هەموو هەوڵە پیشەییە سەربەخۆکانی خۆی بخاتەگەڕ بەمەبەستی سەرخستنی ئەزموونی هەڵبژاردنەکان لە قۆناغە کۆتاییەکاندا.

لە کۆتاییشدا، بەڵێین دەدەین بە گەلی عیڕاق لەڕێگەی (هاوپەیمانێتی هێزە نیشتیمانییەکانی دەوڵەتەوە) کە لە ئاستی متمانەی ئەواندا دەبین بە ئێمە، و ترۆپکی هەوڵی خۆمان دەدەین لەپێناو بەجێهێنانی ئەو بەڵێنانەی پێمانداون، بە یارمەتی خودای مەزن.

 

---

 

۱٤ـی تشرینی یەکەمی ۲۰۲۱

عەبادی: داواکارین لە کۆمسیۆن ئەو گرفتانەی کە دۆخی گشتی شپرزە کرد چارەسەر بکات و پشتیوانی لە هەموو داواکارییەکانی هێوربوونەوە و سۆڵیدارێتیین

جەختدەکەینەوە لەوەی ئاشتیی و یەکڕیزیی نیشتیمانیی و سەلامەتی و باشی ئەو سیستەمە سیاسییەی کە نوێنەرایەتی گەل دەکات، لە بەردنەوە یاخود دۆڕاندنی هەڵبژاردن گرنگتر. بۆیە ئەو ریزبوونە سیاسییانەی کە یەکڕیزیی گەل و سەلامەتی دۆخی گشتی دەخاتە ژێر مەترسییەوە، جێی رەتکردنەوەن، ئێمە کار دەکەین لەگەڵ هەموواندا لەپێناو تێپەڕاندنی قەیرانەکە، و پێمان وایە کە دەوڵەت جێگهی هەمووانی تێدا دەبێتەوە، و پرسی بونیادنان و داڕوخانی دەوڵەت بەرپرسیارێتییەکی هاوبەشە.

و هەڵوێستی ئێمە لەمەڕ هەڵبژاردنەکان ئێستا و پێشووتر روون و ئاشکرا بوو، و دوورە لە بەرژەوەندیی تایبەت و لاینخواز و دوورە لە حیساباتی بەرەیی. ئێمە هەر لە سەرەتای دەستپێکردنی خۆپیشاندنەکانی ئۆکتۆبەری ۲۰۱۹ ـەوە داواکاری ئەنجامدانی هەڵبژاردنێکی پێشوەختەی پاک بووین لەپێناو دەستەبەرکردنی دادپەروەریی و دووبارە گێڕانەوەی متمانەی گەل بە سیستەمە سیاسییەکەی، و ئەنجامدانی هەڵبژاردنی پێشوەختە لە ۱۰/۱۰ پیرۆز کرد، بەڵام هاوکات رەخنەمان گرت لە شپرزەیی رێکارەکانی کۆمسیۆن، بوو بەهۆی درووستبوونی ئاژاوەیەک کە وڵاتەکە لە ئێستادا پێویستی نەبوو، و هەڵکاشنی سیاسیی جێی داخی هێنایە کایەوە.

ئێمە پشتگیریی لە هەموو بانگەوازەکانی هێورکردنەوە و سۆڵیدارێتی دەکەین، و کار دەکەین بۆ دۆزینەوەی زەمینەیەک کە بتوانێت هەموو لایەنەکان دڵنەوا بکاتەوە. و داواکارییەکانمان لە کۆمسۆنی باڵای سەربەخۆی هەڵبژاردنەکان دووپات دەکەینەوە بەوەی ئەو گرفتانەی کە لە پرۆسەی هەڵبژاردنەکاندا دەرکەوتن و بوون بە هۆکاری شپرزەیی دۆخی گشتی، یەکلایی بکەنەوە.

بەدەستهێنانی متمانەی گەل بە سیستەمەی هەڵبژاردنەکەی گرنگترە، لەپێناو بەدەستهێنانی متمانەیان بەو سیستەمە سیاسیەی کە بەڕێوەبردنی وڵاتەکەی لێ چاوەڕێ دەکرێت.

 

---

 

16ـی تشرینی یەکەمی ۲۰۲۱

لە رۆژێکی وەکو ئەمڕۆ، لە ۱٦ـی ئۆکتۆبەری ۲۰۱۷، دکتۆر حەیدەر عەبادی فەرمانی دەرکرد بۆ هێزە عیڕاقییەکان کە داخڵی پارێزگای کەرکوک و ناوچە کێشە لەسەرەکان بن بەمەبەستی سەپاندنی یاسا تێیاندا بەبێ رشتنی یەک تنۆک خوێن، پاش ئەوەی ببوو بە سەفەقەیەکی سیاسییە و گەندەڵکاران بازرگانیان پێوە دەکرد، تێیدا دەست بەسەر کێڵگە نەوتییەکانی پارێزگاکەدا گیرابوو و چەندین ساڵ بوو هەڵسوکەوتیان پێوە دەکرا.

دکتۆر عەبادی هەستا بە دەستنیشانکردنی پارێزگایەکی نوێ بۆ شارەکە پاش هەڵهاتنی پارێزگاکەی پێشووتری.

دکتۆر عەبادی بەمەوەیشەوە نەوەستا بەڵکو زنجیرەیەک بڕیاری تری گرتەبەر، لەوانەش کەمکردنەوەی پشکی هەرێم لە بودجە بەڕێژی ۱۲٪ و هاوتای پارێزگا عیڕاقییەکانی تری کردن لەسەر بنەمای رێژەی دانشتووان، هەروەها دکتۆر عەبادی قەدەغەی فڕینی راگەیاند لە و بۆ هەردوو فڕۆکەخانەی سلێمانی و هەولێر، بەمەبەستی چۆکدادانی هەرێمی و تەسلیمکردنی دەسەڵاتەکەی بە حکومەتی فیدڕاڵ بەهەمان شێوە تەسلیمکردنی هەموو دەروازە سنوورییەکانی هەرێم بەپێی دەستووری عیڕاقی.

هەروەها دکتۆر عەبادی هەستا بە ناردنی لیژەنەی جیاواز لە دیوانی چاودێری دارایی فیدڕاڵ و دەستەی دەستپاکی بەمەبەستی پێداچوونەوە بە فەرمانبەرانی هەرێم و پێدانی مووچەکانیان، بەمەش هەزارەها فەرمانبەری وەهمیی ئاشکرا کران و ئەوەش یەکەم جار بوو کە لیژنەی حکومەتی فیدڕاڵ پاش ساڵی ۱۹۹۱ توانی دەستێوەردان بکات بەمەبەستی پێداچوونەوە، و بەفیعلیش مووچەی راستەقینە و درووست درا بە هاوڵاتیانمان لە هەرێم.

 

---

 

۲٤ـی تشرینی یەکەمی ۲۰۲۱

هاوپەیمانیی نەسڕ: داواکراو ئەوەیە کە ناڕەزایەتییەکان لەسەر هەڵبژاردنەکان لە فەزای تایفەگەرییەوە بەرەو فەزای نیشتیمانیی دەربکرێت

بۆ رای گشتی رونیدەکەینەوە، ئامانجی کۆبوونەوەی نیشتیمانی ئەمڕۆ، بریتییە لە دەرکردنی ناڕەزایەتییەکان لەسەر پرۆسەی هەڵبژاردن لە پانتایی تایفەگەرییەوە بەرەو فەزای نیشتیمانیی، بەئامانجی پێدانی دیدگا و چارەسەر بەمەبەستی فریاکەوتنی قەیرانە هەنوکەییەکە، و بۆ مسۆگەرکردنی بەردەوامبوونی پرۆسە دیموکراسییەکە لە چوارچێوەیەکدا کە بتوانێت سەلامەتی سیستەمەکە و نۆێنەرایەتیکردنی گەل دەستەبەر بکات.

و جەختیشدەکەینەوە لەوەی ئامانج لە چوارچێوە هەماهەنگییەکە و کۆبوونەوەی نیشتیمانییەکە پێکهێنانی هاوپەیمانییەکی سیاسی یان بۆ پێکهێنانی گەورەترین فراکسیۆن یان بۆ دوورخستنەوەی هیچ لایەنێکی سیاسیی نییە، بەڵکو ئامانج لێی دۆزینەوەی دیالۆگێکی نیشتیمانییە لەپێناو دۆزینەوەی رێگەچارەکانی کۆتایی هێنان بە قەیرانەکە.

 

---

 

۲۷ـی تشرینی یەکەمی ۲۰۲۱

هاوپەیمانیی نەسڕ: ئاسایش دۆسیەی لە پێشینەیە و دەبێت هەمووان هاوئاهەنگ بن لەپێناو بەزاندنی تیرۆر

"هاوپەیمانیی نەسڕ" سەرکۆنەی ئەو هێرشە دەکات کە بۆ سەر شارۆچکەی میقدادییە ئەنجامدرا و بوو بەهۆی شەهید و برینداربوونی دەیەها خەڵکی سڤیل، و هاوپەیمانییەکە رەحمەت دەخوازێت بۆ شەهیدان، و داواکاری سۆڵیدارێتی حکومیی و جەماوەرییە لەگەڵیان لەسەر هەموو ئاستێکدا.

تیرۆری داعشی لە چەند ناوچەیەکی جیاوازدا چالاکە، و ئەمەش دۆخێکی مەترسیدارە و هۆشداریمان لەبارەیەوە دا، و داواکار بووین دۆسیەی ئاسایش ببێت بە کاری لەپێشینە لە بەڕێوەبردنی دەوڵەتدا، لەپێناو پاراستنی ئەو ئاسایش و سەقامگیرییەی پاش لەناوبردنی داعش بەدەستهات.

دووبارە جەختدەکەینەوە لەسەر پێویستی کردنی دۆسیەی ئەمنیی بە پێشەنگی کارەکانی حکومەت، و وەگەڕخستنی هەموو هەوڵەکان لەپێناویدا، و سۆڵیداربوونی گەل و دامودەزگاکان و هێزە سیاسییەکان پێکەوە بۆ ریشەکێشکردنی پاشماوەی تیرۆر، و رێگەنەدان بە دووبارەبنەوەی دۆخی ۲۰۱٤ بەهیچ شێوەیەک لە شێوەکان.

 

---

 

۲٨ـی تشرینی یەکەمی ۲۰۲۱

هاوپەیمانیی نەسڕ: پێنەدانی روونکردنەوەی پەسەند متمانەی هەڵبژاردن دەخاتە ژێر مەترسییەوە

ئەحمەد ئەڵوەندی "ئەندامی هاوپەیمانیی نەسڕ" جەختیکردەوە لەوەی بردنەوە و دۆڕاندن لە هەڵبژاردندا بابەتێکی ئاساییە، بەمەرجێک هەڵبژاردنەکە دادپەروەر و پاک و خاوەن متمانە بێت. و ئاماژەشی کرد بەوەی کە هەڵبژاردنەکانی تشرینی یەکەم ئەم هەموو شپرزەییەی درووستکرد بەهۆی دەرکەوتنی گرفتگەلێک کە تا ئێستا چارەسەر نەکراون، و پێنەدانی روونکردنەوەی پەسەند ئەمەش وا دەکات کە متمانە بە هەڵبژاردنەکان و دەسەڵاتەکانی بکەوێتە ژێر مەترسییەوە.

و ئەڵوەندی وتیشی: "کۆمسیۆن چۆن ئەوە رووندەکاتەوە کە ژمارەیەکی زۆر لە وێستگەکانی دەنگدان کە رێژەیان لەسرووی ۱۰٪ کاتژمێر شەشی ئێوارە بەشێوەیەکی خۆڕسک دانەخران، و هەندێکیان دانەخران تا دوای چەندین رۆژ؟ و چۆن روونکردنەوە دەدات لەبارەی رێژەی دەنگی سووتاو کە گەیشتە زیاد لە ۹۰۰ هەزار دەنگ، لەکاتێکدا و پاش کردنەوەی سندوقەکان هەندێکیان دەنگی درووست و تەواوبوون؟ چۆن وەستانی ئامێرەکان و بێبەشبوونی زۆرێک لە دەنگدان رووندەکاتەوە، ئەی سەبارەت بە نەناردنی دەرەنجامەکان لەرێگەی سیستەمە گوێزەرەوەکەوە و ناچاربوونی کۆمسیۆن بۆ گواستنەوەی سندووقەکان بۆ بەغدا؟.

و "ئەندامەکەی هاوپەیمانیی نەسڕ" ئاماژەیدا کرد بەوەی هاوپەیمانێتی هێزە نیشتیمانییەکانی دەوڵەت یاداشتێکی فەرمی پێشکەش بە کۆمسیۆنی باڵای سەربەخۆی هەڵبژاردنەکان و لایەنە پەیوەندیدارەکان کردووە، کە کۆمەڵێک پرسیاری لە خۆگرتووە و پێویستییان بە روونکردنەوەی هونەریی و پیشەیی دوور لە سیاسەت هەیە، بەمەبەستی گەیشتن بە تێگەیشتن و قەناعەتێک بە دەرهاویشتەکانی پرۆسەی هەڵبژاردنەکان، و جەختیشیکردەوە لەوەی بەسیاسی کردنی ئەم دۆسیەیه گۆمانەکان بەهێزتر دەکات.

 

---

 

۲۳ـی تشرینی دووەمی ۲۰۲۱

سەنید: مافی هەموو تانەکەرێکە لە رێگا یاساییەکانەوە تانەی خۆی لێبدات

عەلی سەنید ئەندامی "هاوپەیمانیی نەسڕ" جەختیکردەوە لەوەی سیستەمی دیموکراسی تەندرووست تەنیا لایەنگیریی یاسا و عەدالەت دەکات، و یاسا مافی تانە لێدان لە ئەنجامی هەڵبژاردنەکانی دەستەبەر کردووە، و مافی هەموو لایەنێکە کە مومارەسەی تانە لێدانی خۆی بکات کاتێک خاوەنی تانەی یاسایی خۆی بێت، لەپێناو پاراستنی پاکی و دادپەروەیی پرۆسەی هەڵبژاردنەکە کە گوزارشت لە کرۆکی سیستەمە دیموکراسییەکە دەکات.

و سەنید ئاماژەیکرد بەوەی چارەسەرکردنی دۆخە هەنووکەییەکە لە بەرژەوەندی هەموواندایە، لەڕێگەی پەنابردن بۆ دیالۆگ و کارکردنی پێکەوەیی بۆ خزمەتکردنی بەرژەوەندییەکانی گەل و دەوڵەت.

 

---

 

۲۳ـی تشرینی دووەمی ۲۰۲۱

نەسڕ: داواکاری عیڕاقییەکان یەک شتە و پوختدەبێتەوە لە حوکمڕانییەکی دادپەروەرانەدا

سەعەد لامی ئەندامی "هاوپەیمانیی نەسڕ" جەختیکردەوە لەوەی ئازار و هیوای عیڕاقییەکان یەک شتە، و ئەوان دەوڵەتیان فرامۆش نەکردووە لەڕووی وەفاداربوون بۆی و بەرگریی کردن لێی، و ئەوان هیچیان ناوێت بێجگە لە مافە رەواکانی خۆیان.

و ئاماژەشی بۆ ئەوە کرد کە داواکاری سەرەکی جەماوەرە عیڕاقییەکە حوکمڕانییەکی دادپەروەرانەیە کە لە توانایدابێت بەرپرسیارێتییەکانی خۆی بە باشی و پاکی بەجێبهێنت.

و لامی وتی: "ئێمە لەگەڵ داواکارییە ڕەوا و هێمنەکانی لاوانی سلێمانیداین، و لەگەڵ هەموو داواکارییەکانی گەلەکەمانداین لە بەدەستهێنانی هیواکانی خۆی لەڕێگەی فەراهەمکردنی ژیانێکی ئازاد و شایستە دوور لە سەرکوتکاریی و توندوتیژیی و ئاشووب، بونیادنانی دەوڵەت و بەجێهێنانی بەرژەوەندییەکانی گەل ئەرکێکی سۆلیدارانەیە".

 

---

 

۲۷ـی تشرینی یەکەمی ۲۰۲۱

نەسڕ: ئەو هەواڵانەی دەرەوەی پێگەی راگەیاندنی فەرمی کە باس لە جموجۆڵەکانی عەبادی دەکەن دوورن لە راستییەوە

"هاوپەیمانیی نەسڕ" ئاگەداری رای گشتی دەکاتەوە، ئەو هەواڵانەی کە باس لە جموجۆڵەکانی دکتۆر حەیدەر عەبادی دەکەن چی ئەوەی پەیوەستە بە داواکاریی چاوپێکەوتن لەگەڵ سەماحەتی مەرجەعی باڵا یان سەبارەت بە سەرۆکایەتیکردنی شاندێک بۆ سەردانیکردنی نەتەوەیەکگرتووەکان، هەواڵی تەواو ناڕاستن. و ئاماژە بۆ ئەوە دەکەین کە هەموو جموجۆڵ و هەوڵ و هەڵوێستەکانی دکتۆر عەبادی لەڕێگەی پێگەکانی راگەیاندنی فەرمیی خۆیەوە بڵاودەکرێنەوە.

"هاوپەیمانیی نەسڕ" جەختیشدەکاتەوە کە هەوڵەکانی دکتۆر عەبادی لە پێشوو و ئێستادا لەسەر یەکڕیزیی نیشتیمانیی و چارەسەرکردنی ئەو قەیرانانەی کە مەترسیین بۆ سەقامگیریی نیشتیمانیی چەسپیوە.

 

---

 

٤ـی کانوونی یەکەمی ۲۰۲۱

هاوپەیمانیی نەسڕ: تیرۆری داعشی دەبێت رابگیرێت

"هاوپەیمانیی نەسڕ" پرسە و سەرەخۆشی خۆی ئاڕاستەی کەسوکاری قوربانیانی دەستی داعشی تیرۆریست دەکات لە قەزای مەخموور، و کارەساتێکی زۆر قورس و دڵتەزێنە و دەبێت بەبێ وەڵامدانەوەیەکی بنبڕکەر تێنەپەڕێت.

هەمیشە دووپاتمانکردۆتەوە، کە دەبێت دۆسێیەی ئەمنیی پێشەنگی دۆسێیەکانی تر بێت لەڕووی گرنگی پێدان و بەڕێوەبەرییەوە، و جەختیشدەکەینەوە لەوەی کە دەبێت هەموو هەوڵە نیشتیمانیی و حکومیی و جەماوەرییەکان چڕ بکرێنەوە لەپێناو لەناوبردنی پاشماوەکانی تیرۆر.

تیرۆری داعشی دەبێت رابگیرێت، و ئەمەش ئەرکێکی نیشتیمانیی سۆڵیدارەنەیە و دەبێت ئامادەباشی و هەماهەنگی و بەدواداچوونی بەردەوامی بۆ بکرێت.

 

---

 

۷ـی کانوونی یەکەمی ۲۰۲۱

عەبادی: رەحمەت دەنێرین بۆ شەهیدانی بەسڕا و داواکاریین سنور دابنرێت بۆ تیرۆری رەش

بەتوندترین شێوە کردەوە تیرۆریستییەکەی بەسڕەی فەیحا سەرکۆنە دەکەم، و نزای رەحمەت بۆ شەهیدان دەکەم، و داواکارم لە خودا بریندارەکان چاکبکاتەوە، و جەختدەکەمەوە لەوەی دەبێت سنوورێک بۆ تیرۆری رەش دابنرێت کە لە ئێستادا چالاکە لەپێناو قڕکردنی گەل و ئاسایشەکەمان.

پاراستنی ئاسایش و سەقامگیریی بەرپرسیارێتییەکی سۆڵیدارانەیە، و دەبێت حکومەت و لایەنە خۆجێیە پەیوەندیدارەکان پلانەکان و بەڕێوەبردنی دۆسێیەی ئەمنی هەڵبسەنگێننەوە لەسەر بنەمای پێشەنگاییەتی لایەنی ئەمنیی، و بەرپاکردنی هەوڵە هەواڵگەرییەکان، و کاری دەستپێشخەریی، و ریشەکێشکردنی پەناگەکان.

 

---

 

۱۰ـی کانوونی یەکەمی ۲۰۲۱

عەبادی لەساڵیادی سەرکەوتندا: ئەمڕۆ بردنەوەی ئاڵنگارییەکە لەڕێگەی تێپەڕاندنی دابەشبوونی سیاسی و کارکردن بە رۆحییەتی یەک تیمەوە دەکرێت بەمەبەستی خزمەتکردنی عیڕاق

ئەمڕۆ ساڵیادی سەرکەوتنە مەزنەکەیە، کە تێیدا عیڕاق بەسەر تاریکیی و وەحشیگەرایی و فیتنەی داعشیدا سەرکەوت، و گەورەترین پڕۆژەی بۆ لەناوبردنی عیڕاق وەکو دەوڵەتێک داڕماند، لە دەی کانوونی یەکەمی ۲۰۱۷ـدا عیڕاق لە چنگی پڕۆژە پشتیوانلێکراو و خزمەتکراوەکەی داعش ئازادکرا.

بەندە ئەمڕۆ پیرۆزبایی لە عیڕاقییەکان دەکەم بەبۆنەی ساڵیادی ئەو سەرکەوتنەی کە بەخوێنی خۆیان نەخشاندیان، و سڵاو دەنێرم بۆ ئیرادە و قوربانیدانی جەنگاوەرە قارەمانەکانیان، و جەختدەکەمەوە لەوەی ئەم گەلە لەتوانایدایە ئاڵنگارییەکان تێپەڕێنێت هەرچەندە سەختبن.

ئەمڕۆ یادی سەرکەوتنەکەمان دەکەینەوە، لە کاتێکدا وڵاتەکە لەنێو دابەشبوونێکی سیاسیدا دەژێت، هەروەها لەنێو هەڵاوسانێکی تۆقێنەر کە توانا بژێوییەکانی هاوڵاتیان پەکدەخات. ئەمانەش ئاڵنگاریی نوێن و هەموومان ئەخاتە بەرامبەر بەرپرسیارێتیئەرکی بەدمەوە چوونی و چارەسەرکردنیان، لەپێناو دووبارە بردنەوەی گرەوی دەوڵەت.

ئەمڕۆ بردنەوەی ئاڵنگارییەکە لەڕێگەی تێپەڕاندنی دابەشبوونی سیاسی و کارکردن بە رۆحییەتی یەک تیمەوە دەکرێت بەمەبەستی پاراستنی دەوڵەت و یەکڕیزیی و سەروەرییەکەی و خۆشگوزەرانی هاوڵاتییەکاندا. ئەمەش لەڕێگەی یەکڕیزیی نیشتیمانییەوە و حوکمڕانی چالاک و بەڕێوەبەری بەتوانا و پاکی دەوڵەتەوە لەپێناو خزمەتکردنی عیڕاقییەکاندا.

 

---

 

۲۷ـی کانوونی یەکەمی ۲۰۲۱

هاوپەیمانیی نەسڕ: بڕیاری دادگای فیدڕاڵی پەسەند دەکەین وەک پابەندبوونێک بە سیاقە دەستوورییەکانەوە

"هاوپەیمانیی نەسڕ" پەسەندکردنی خۆی بۆ بڕیاری دادگای فیدڕاڵی تایبەت بە هەڵبژاردنەکانی ۲۰۲۱ ز رادەگەیەنێت.

و جەختیشدەکاتەوە لەوەی بنەمای پرۆسەی هەڵبژاردن و پرۆسە سیاسییەکە ئەوەیە کە لەسەر سیاقی دەستووریی و یاسایی بونیادە، بۆیە سەرەڕای هەڵوێستەکانمان لەسەر زۆرێک لەو رێوشوێنانەی کە هاوشانی پرۆسەی هەڵبژاردنەکان و کارکردنی کۆمسیۆن بوو، بەڵام ئێمە جەختدەکەینەوە لەوەی پابەندیمان بە سیاقە یاسایی و دەستوورییەکانی دەوڵەتەوە ملکەچمان دەکات بە قبووڵکردنی ئەو سیاقانە، سەرەڕای ئەو زوڵمە گەورەیەی لە "نەسڕ" کرا چی لە هەڵبژاردنەکانی ئەم دواییە و چی لەوەی پێشووتریشی.

هەڵوێستەکانی "نەسڕ" هەمیشە لە بەرژەوەندیی دەوڵەتی هاوڵاتیدایە هەروەها لەگەڵ بە بنچینەیی کردنی مومارەساتەکانی و سەروەریی دامودەزگا و یەکپارچەیی و سەرفرازی گەلەکەی ئەم دەوڵەتەدایە.

داواکارین لە هەموو هێزە سیاسییەکان یەکڕیزبن و بەرژەوەندییە گشتییەکان بەرزڕابگیرێت، و رێککەوتن لەسەر هاوکێشەیەکی حکومڕانی سەرکەوتوو و بەهێز و ژیر بکرێت کە لە توانایدابێت ئەرکەکانی خۆی بەجێبهێنت لەپێناو فریاکەوتنی دەوڵەتدا.