دکتۆر حەیدەر عەبادی، دوێنێ یەکشەممە، لە نووسینگەکەی خۆیدا پێشوازیکرد لە باڵیۆزی یەکێتی ئەوروپا لە بەغدا بەڕێز ڤیلێیە ڤاریۆلا.
لە دیدارەکەدا تاوتوێی پتەوکردنی هەماهەنگی لەنێوان عیڕاق و وڵاتانی یەکێتی ئەوروپا کرا، و رێگەچارەکانی پەرەپێدان و بەرزکردنەوەی ئاستی پەیوەندییەکان لەگەڵ ئەو وڵاتانەدا.
هەروەها تاوتوێی دۆخەکە و ئەو ئاڵنگارییانە کرا کە عیڕاق پێیدا تێدەپەڕێت، هاوکات دۆسێیەی هەڵبژاردنەکان و لێکەوتەکانی، و راپۆرتەکانی یەکێتی ئەوروپا لەبارەیانەوە.
و دکتۆر عەبادی جەختیکردەوە لەسەر گرنگی بەردەوامبوونی دیالۆگ و چاوپێکەوتنەکان لەنێوان لایەنە سیاسییەکاندا بۆ دۆزینەوەی چارەسەر بۆ ئەو دۆخەی کە وڵاتەکە و پرۆسە سیاسییەکە رووبەڕووی بوونەتەوە، و هەوڵدانی چڕ بۆ ئەوەی دۆخەکە کاریگەریی جێنەهێڵێت لەسەر هاوڵاتیانەدا.