چارەکی سێیەمی ساڵی ۲۰۲۱
هەڵوێستەکانمان

چارەکی سێیەمی ساڵی ۲۰۲۱

لە بەرواری ۱۰ـی تەمووز تا بەرواری ۲۹ـی ئەیلوول

 

۱۰ـی تەمووزی ۲۰۲۱

هاوپەیمانی نەسڕ: ئازادکردنی موسڵ، سەرکەوتنی نیشتیمانێک و پوچەڵ کردنەوەی پلانگێڕییەک بوو

لە رۆژێکی وەکو ئەمڕۆدا (۱۰ـی تەمووزی ۲۰۱۷) و لە ناوەندی شاری موسڵی حەدباوە، فەرماندەی گشتی هێزە چەکدارەکان دکتۆر حەیدەر عەبادی سەرکەوتنێکی مەزنی راگەیاند بەسەر داعشی تیرۆردا، بەمەش داڕوخانی (دەوڵەتی خورافەی) راگەیاند، و ئاڵای وەحشیگەراییەکەیان خرایە ژێرپێ.

لەڕۆژێکی وەکو ئەمڕۆدا، ئیرادە و بەڕێوەبردن و قوربانیدانی قارەمانانەی عیڕاق گەورەترین پڕۆژەی پلانگێڕیی پاڵپشتکراو و خزمەتکراویان هەڵوەشاندەوە کە ئامانجی پارچەپارچەکردنی عیڕاق و بە کۆیلەکردنی گەلەکەی بوو، و عیڕاقییەکان بە خۆڕاگرییان هێزەکانی تەکفیر و ڕقوکینە و ملپەڕاندنی بەزاند بە پاڵپشتی  ٦۰ دەوڵەت.

ئازادکردنی موسڵ تەنیا ئازادکردنی مرۆڤ و خاک نەبوو، بەڵکو ئازادکردنی وڵاتێک و گێڕانەوەی شکۆ و داڕوخاندنی پلانگێڕییەک بوو هەروەها راگەیاندنی سەرکەوتنی گەلێکی دژە شکاندنەوە و نیشتیمانێکی نەبەزێنراو بوو.

لەڕێگەی گیانبەختکردنی قارەمانەکان و بە سەرکردایەتییەکی نیشتیمانیی بەرپرسیار و حوکمڕانییەکی چالاک و سۆڵیدارێتییەکی نیشتیمانیی، شەڕەکانی ئازادیکردن و یەکپارچەیی و مانەوەمان بردەوە، و دەوڵەتمان رزگار کرد، و ئەمڕۆ وسبەی، دەتوانین، هەرچەندە ئاڵنگارییەکان درێژ و قورس بن ئێمە هەمیشە دەتوانین گرەوی یەکپارچەیی و سەقامگیریی و پێشکەوتن بەرینەوە، خراپەکاریی نۆرەیەکی هەیە، و حەقیش دەوڵەت.

 

---

 

12 ـی تەمووزی ۲۰۲۱

ئەلسنید: ئاسایشی ئاوی عیڕاق لە مەترسیدایە

عەلی ئەلسنید، ئەندامی هاوپەیمانی نەسڕ، هۆشداریدا لە لێکەوتەکانی دۆسێیەی ئاو لەسەر واقیعی عیڕاقی و ئیقلیمی، و جەختیکردەوە لەوەی کە ئاسایشی ئاو لە عیڕاق لە مەترسیدایە.

ئەلسنید بانگێشتی حکومەتی عیڕاقی کرد بۆ دیالۆگی جیددی لەگەڵ ئێران و تورکیای دراوسێدا لەپێناو دابینکردنی پشکی ئاو بۆ عیڕاق، بەپێی یاسا نێودەوڵەتییەکان و پەیوەندییە دۆستایەتییەکانی دراوسێتی.

و"ئەندامەکەی هاوپەیمانی نەسڕ" ئاماژەشیکرد بۆ پێویستی بێلایەنکردنی دۆسێیەی ئاو، و نەکردنی ئاو بە کاڵایەکی بۆ گێچەڵپێکردن و ئامرازێک بۆ دەستکەوت لە پەیوەندییە نێودەوڵەتییەکاندا.

 

---

 

۱۲ ـی تەمووزی ۲۰۲۱

نەسڕ: عەبادی لەگەڵ یەکڕیزی کوردە

ئەحمەد وەندی ئەندامی "هاوپەیمانی نەسڕ" جەختیکردەوە لە کەشی ئەرێنی سەردانییەکەی حەیدەر عەبادی بۆ هەولێر و سلێمانی و دیدارەکانی لەگەڵ سەرکردەکانی هەرێمی کوردستاندا، و ئاماژەشی کرد کە پوختەی ئامانجەکانی سەردانییەکە بریتین لە پتەوکردنی لێکتێگەیشتنی نیشتیمانی لەمەڕ مامەڵەکردن لەگەڵ ئەو ئاڵنگاریانەدا کە رووبەڕووی وڵاتەکە بوونەتەوە، و بەدیاریکراویش ئاڵنگارییە ئابووریی و ئەمنیی و سەروەرییەکانی دەوڵەت.

و وەندی وتیشی: "دکتۆر عەبادی لەگەڵ یەکڕیزیی کورددایە، و هەروەها سەروەربوونی کەشی دیالۆگ و هێوریی لەپێناو بەدەستهێنانی بەرژەوەندییەکانی گەل، بەتایبەتی لە ئێستادا کە وڵاتەکە بەرەو ئەنجامدانی هەڵبژاردنە گشتییەکاندا هەنگاو دەنێت"، هاوکات جەختیشیکردەوە لەوەی کە قۆناغەکە پێویستی بە پتەوکردنی سۆڵیدارێتی نیشتیمانیی هەیە لەپێناو پاراستنی کەیانی دەوڵەت و بەرژەوەندییەکانی گەلەکەی، بەپێی پێویستییەکانی سەروەریی و دادگەریی و چاکسازیی لە حکومڕانیدا.

 

---

 

۱۳ـی تەمووزی ۲۰۲۱

هاوپەیمانی نەسڕ: پرسە و سەرەخۆشیمان بەهۆی کارەساتەکەی ناسڕییەوە، و داواکاری پێکهێنانی شانەیەکی قەیرانین

"هاوپەیمانی نەسڕ" سەرەخۆشی خۆی ئاڕاستەی کەسوکاری قوربانی و بریندارەکانی کارەساتی ئاگرکەوتنەوەکەی نەخۆشخانەی ئیمام حسێن (س.خ) دەکات لە شاری ناسڕییە، ئەمەیش کارەساتێکی ترە کە دڵی گەلی تەزان.

دووبارەبوونەوەی ئەم کارەساتانە پێویستی بە گرتنەبەری رێوشوێنی توند هەیە و بەدواداچوون بۆ مەرجەکانی خۆپارێزیی، و دڵنیابوونەوە لە کواڵێتی پێویست لە دامودەزگا تەندرووستییەکاندا و لە کۆی دەزگاکانی تری دەوڵەتدا، و هەروەها پێویستە دەستبکرێت بە چاکسازیی سەرتاسەری بۆ کۆی سیستەمی بەڕێوەبەری دامودەزگاکان.

"هاوپەیمانی نەسڕ" جەختدەکاتەوە لەوەی کە مامەڵەکردن لەگەڵ ئەم کارەساتەدا پێویستی بە پێکهێنانی "شانەیەکی قەیران" هەیە لەپێناو چارەسەرکردنی هۆکار و لێکەوتەکانی رووداوەکە، و هەروەها شانەکە دەستبکات بە پێداچوونەوە بەکۆی دامودەزگا تەندرووستییەکانی تردا بەمەبەستی مسۆگەرکردنی کواڵێتییەکانیان و توندکردنەوەی ڕێوشوێنەکانی خۆپارێزی، و رێکخستنی پابەندبوونی پیشەیی لە دامودەزگاکاندا، و چالاکردنی چاودێری و بەدواداچوون و لێپرسینەوە لە کەسانی کەمتەرخەم.

رەحمەت بۆ قوربانییەکان، و زوو چاکبوونەوەیش بۆ بریندارەکان.

 

---

 

15 ـی تەمووزی 2021

نەسڕ: لەگەڵ بایکۆتکردنی هەڵبژاردنەکاندا نین، و دەمانەوێت هێزە سیاسییەکان بەشداربن لە هەڵبژاردنێکی پاکدا

عەقیل ردەینی ئەندامی "هاوپەیمانی نەسڕ" جەختیکردەوە لەوەی "نەسڕ" باوەڕی وایە کە دەبێت هەموو ئەو هێزە سیاسییانەی جێگیرکراون و متمانەیان پێدراوە بۆ هەڵبژاردنەکانی داهاتوو، بەشدار بن لە پرۆسەکەدا.

و "نەسڕ" لەگەڵ کێبڕکێی پاکدایە بۆ هەڵبژاردن لەنێوان دژبەرە سیاسییەکاندا.

و ردەینی ئاماژەشیدا بەوەی "نەسڕ" لەگەڵ بایکۆتکردنی هەڵبژاردنێکی ئازاد و دادپەروەردا نییە، و پێیوایە کە شەرعیەتی سیستەمە سیاسییەکە بەندە به شەرعییەتی هەڵبژاردنەوە، و چاکسازیکردنی سیستەمەکە پێویستییە، و بەهیواین هەوڵەکان چڕبکرێنەوە لەپێناو چاکسازیکردنی سیستەمەکەدا و پێشخستنی بەشێوەیەک کە داخوازییەکانی گەل بەجێبهێنێت.

 

---

 

15 ـی تەمووزی 2021

نەسڕ: ئاسایشی هەڵبژاردن بۆ ئێمە جێگەی پرسیارە، و هەندێک بڕیار پێویستی بە چاوپێخشاندنەوە هەیە

حەسەن بەهادلی ئەندامی "هاوپەیمانی نەسڕ" جەختیکردەوە لەوەی ئاسایشی هەڵبژاردن هێشتا لەژێر پرسیاردایە، و هەندێک لە بڕیار و رێکارەکانی کۆمسیۆنی باڵای هەڵبژاردنەکان پێویستییان بە چاوپێخشاندنەوە هەیە لەپێناو مسۆگەکردنی دادپەوەریی لە هەڵبژاردنەکاندا، وەکو پرسەکانی دارایی سیاسی و خستنەگەڕی تواناکانی دەوڵەت لەپناو خزمەتکردنی کاندیدکراوانی هێزە حوکمڕانەکان، و قەرەبوونەکردنەوەی ئەو کاندیدانەی کە دووردەخرێنەوە یان هەڕەشەیان لێدەکرێت ..و هتد، ئەمەش وا دەکات کە هەڵبژاردنێکی خاوەن شەرعیەت و متمانەیەکی پەسەندکراو مسۆگەر نەکرێت.

لەلایەکی ترەوە، بەهادلی ئاماژەشی بەوەدا "نەسڕ" تەوزیفکردنی کارەسات و لێقەومانە نیشتیمانییەکان هاوشێوەی لێقەومانەکەی ناسڕییە بۆ مەرامی سیاسی و هەڵبژاردن رەتدەکاتەوە، و پێیوایە کە نەتەوەکان لەکاتی کارەساتەکاندا هاوئاهەنگ دەبن لەپێناو رووبەڕووبوونەوەی ئاستەنگ و ئاڵنگارییەکاندا، و بنیادنان و داڕمانی دەوڵەتەکان پرسێکی سۆڵیدارانەیە لەنێوان حکومەت و گەل و هێزەکاندا.

 

---

 

 

15 ـی تەمووزی 2021

نەسڕ: لەگەڵ روخاندنی حکومەتدا نین، و داخوازی چاکسازیین

حەمزە حەردان ئەندامی "هاوپەیمانی نەسڕ" جەختی لەوەکردەوە کە "نەسڕ" لەگەڵ ئەو جۆڵاندنەوەیەی ئێستادا نییە کە ئامانجی روخاندنی حکومەتە، بەڵکو تەبەنای چاکسازیی و چاککردنی ئەدا و کارەکان دەکات، و فشار درووست دەکات بەمەبەستی ئەنجامدانی حکومەت بۆ ئەرکە راگوزەرەکانی بەشێوەیەکی لێهاتوو و پاک و دادپەروەرانە.

حەردان ئاماژەشیدا بەوەی جوڵانەوە بۆ روخاندنی حکومەت وڵاتەکە بەرەو نادیاری و هەڵدێر دەبات، چونکە حکومەتی ئێستا حکومەتێکی کاربەڕێکەری راگوزەر و ئینتیقالییە، و کاتەکە یارمەتیدەر نییە بۆ گۆڕانکاریی، و گۆڕانکارییش لە ئێستادا واتا دەستبەسرداگرتنی ئەرکە راگوزەرەکانە و پێشەنگی ئەو ئەرکانەش ئەنجامدانی هەڵبژاردنەکانە، کە پێشەنگی هەموو کارە پێشەنگەکانی ترە.

و ئەندامەکەی "هاوپەیمانی نەسڕ" ئاماژەشی بەوەکرد کە لەدایکبوونی حکومەتەکەی ئێستا لەدایکبوونێکی نەشتەرگەرییانە بوو، بۆیە ئاڵۆسکاندنی گۆڕەپانە سیاسییەکە لە ئێستادا ڕێگا خۆشناکات بۆ پێکهێنانی حکومەتێکی نوێ، بۆیە بانگێشتکردن بۆ روخاندنی حکومەت یان پڕوپاگەندەی هەڵبژاردنە، یان ئەوەتا هەوڵدانە بۆ راکێشانی وڵاتەکە بەرەو بۆشایی و نادیاریی، یان مەبەست لێیەوەی هەوڵدانە بۆ دواخستنی هەڵبژاردنەکان، ئەمەش جێی قبووڵکردن نییە و رەتکراوەتەوە.

 

---

 

۱۹ـی تەمووزی ۲۰۲۱

دەستپێشخەری"سەروەریی عیڕاق"

لەپێناو پاراستنی بەرژەوەندیی و سەروەریی نیشتمانیدا، و بەمەبەستی بەبنەماکردنی یەکپارچەیی دەوڵەت و شکۆی دامودەزگاکانی، و دوورخستنەوەی عیڕاق لە کردنی بە گۆڕەپانێک بۆ ململانێیە هەرێمی و نێودەوڵەتییەکان، دەستپێشخەریی "سەروەریی عیڕاق" بۆ حکومەت و هێزە پەیوەندیدارەکان دەخەمەڕوو، و داواکاری بەستنی مێزگردێکی دیالۆگم سەبارەت بە بەندەکانی، و دەرچوون بە رێککەوتنێکی ئیلزامی و ملکەچکەر کە بەرژەوەندییەکانی دەوڵەت و ئاسایش و سەقامگیریی گەلەکەی بپارێزێت.

۱. حکومەت رێککەوتنی فەرمیی ئەنجامدەدات بۆ کشانەوەی هێزە بیانییە شەڕکەرەکان لە عیڕاقدا ئەمەش لەڕێگەی دیاریکردنی کاتێکی ئیلزامی و ملکەچکەر بۆ پرۆسەی کشانەوەکە.

۲. هەر جۆرە بوونێکی سەربازی بیانیی ئەرکەکانی کورتدەبێتەوە بۆ تەنیا مەبەستەکانی مەشقکردن و راوێژ و گەشەپێکردنی توانا جەنگییە سەربازییەکان و رووبەڕووبوونەوەی تیرۆر، و دەبێت ئەمەش بەشێوەیەکی فەرمی جێگیر (توثیق) بکرێت.

۳. دوورکەوتنەوە بەشێوەیەکی فەرمیی، لە دەستدرێژیکردن بۆ سەر نێردە دیپلۆماتییەکان و بنکەی مەشقپێکردن و راوێژکارییە بیانییەکان.

٤. دەستپێکردنی تاوتوێی جیددی لەپێناو کۆتایی پێهێنان بەبوونی سەربازی تورکی لەسەر خاکی عیڕاقدا.

٥.پابەندبوونی هەمووان بە کۆنتێکست و سیاقەکانی دەوڵەتەوە لەمەڕ هەر پرسێکی سەربازیی و ئەمنی چی ناوخۆیی بێت یان دەرەکی.

٦. پابەندبوونی هەمووان بە سیاقەکانی دەوڵەتەوە سەبارەت بە مامەڵەکردن لەگەڵ پرسە سیاسییەکانی دەرەوەی وڵاتەکەدا.

۷. پابەندبوونی هەمووان بە سیاقەکانی دەوڵەتەوە سەبارەت بەهەر جۆرە پێشێلکارییەک کە بەرامەبەر بە سەروەریی عیڕاق ئەنجام بدرێت.

٨. رێگەنەدان بە هیچ جۆرە دەستێوەردانێکی بیانیی لە هەر جۆرە کاروبارێکی ئەمنی یان سەربازیی یان سیاسی عیڕاقی و هەروەها رێگەنەدان به پێشێلکردنی ئاسمانی عیڕاق، لەپێناو پاراستنی بەرژەوەندی و سەروەرییە نیشتیمانییەکاندا.

۹. پتەوکردنی ئاسایش و سەقامگیریی وڵات لەڕێگەی هەڵوەشاندنەوەی پەیوەستیی عیڕاق بەهەر دۆسێیەک لە دۆسێیەکانی ململانێیە هەرێمی و نێودەڵەتییەکانی ناوچەکەوە.

۱۰. تاوانبارکردنی هەر لایەنێک، ئەگەر هەڵسێت بەپێشێلکردنی یەکێک لە بنەماکانی بەندەکانی دەستپێشخەریی "سەروەریی عیڕاق" پاش رێککەوتن لەسەریان.

 

---

 

۱۹ـی تەمووزی ۲۰۲۱

هاوپەیمانی نەسڕ: سەرکۆنەی کردەوە تیرۆریستییەکەی مەدینەی سەدڕ دەکەین و داواکاری هوشیاربوونەوە و سۆلیداریەتیین

"هاوپەیمانی نەسڕ" سەرکۆنەی کردەوە تیرۆریستییەکەی مەدینەی سەدڕ دەکات، و پرسە و سەرەخۆشی خۆی ئاڕاستەی  کەسوکاری قوربانییە بێتاوانەکان دەکات و داواکارە لە خودای مەزن بریندارەکان شیفا بدات، و داواکاریین لە دامودەزگا ئەمنییەکان لێکۆڵینەوەیەکی خێرا دەستپێبکەن بەمەبەستی دۆزینەوەی شانە نوستووەکان و راوەدونانی ئەو تیرۆریستە تاوانبارانە، و گەیاندنی تووندترین سزا پێیان و بەو کەسانەشی کە کەمتەرخەم بوون لە بەجێهێنانی ئەرکە ئەمنییەکانیاندا.

و "هاوپەیمانی نەسڕ" داواکارە هەمووان هوشیار و سۆڵیدار بن لەپێناو شکستپێهێنانی پلانەکانی تیرۆر و خاوەن ئەژینداکان، بەمەبەستی پاراستنی ئاسایش و سەقامگیریی گەل و دەوڵەت.

 

---

 

۲۲ـی تەمووزی ۲۰۲۱

هاوپەیمانی نەسڕ: داواکاریین لە شاندی عیڕاقی دانوستکار هەڵوێستی ستراتیژیی ژیر و چاونەترسانە بەرپا بکەن کە بەرژەوەندییەکانی عیڕاق بەجێبهێنێت

لەگەڵ نزیکبوونەوەی گەڕی "گفتوگۆی ستراتیژیی" چوارەم و کۆتایی لەنێوان عیڕاق و ویلایەتە یەکگرتووەکانی ئەمریکادا، "هاوپەیمانی نەسڕ" داواکارە لە شاندی عیڕاقی دانوستکار خۆیان ئازادبکەن لە فشار و گرفتە هەنووکەییە ئاڵۆسکاوەکان، و هەڵوێستێکی ستراتیژیی ژیر و چاونەترسانە تەبەنا و بەرپا بکەن کە بەرژەوەندییەکانی عیڕاق بەجێبێنێت دوور لە هەر جۆرە بەرژەوەندییەکی تر.

و "هاوپەیمانی نەسڕ" جەختدەکاتەوە لەوەی دەسپێشخەرییە دە بەندییەکەی "سەروەریی عیڕاق" کە لەلایەن دکتۆر حەیدەر عەبادییەوە لە بەرواری ۱۹ـی تەمووزی ۲۰۲۱ـدا رگەیەندرا، نەخشەڕێگایەکی سەرتاپاگیرە بەرژەوەندیی و سەروەریی نیشتیمانی دەپارێزێت، و یەکپارچەیی دەوڵەت و شکۆی دامودەزگاکانی دەکات بەبنەما، و عیڕاق دوور دەخاتەوە لە مەترسییەکانی ململانێیە هەرێمی و نێودەوڵەتییەکان.

و "نەسڕ" دووبارە جەختدەکاتەوە لەسەر هەڵوێستەکانی خۆی لەڕێگەی پێویستی بەرپاکردنی خشتەیەکی کات بە سەقفی زەمەنی ملکەچکەر و ئیلزامییەوە بۆ کشانەوەی هێزە بیانییە شەڕکەرەکان، و رێککەوتن بەشێوەیەکی روون و یاسایی لەسەر ئەرکەکانی مەشقپێکردن و راوێژکاریی و گەشەپێدانی توانا جەنگییەکان و هەماهەنگی هەواڵگریی بۆ رووبەڕووبوونەوەی تیرۆر، و دەستپێکردن بە ئەکتیڤکردنی هەموو بەندەکانی "رێککەوتنی ستراتیژیی" لەگەڵ ویلایەتە یەکگرتووەکانی ئەمریکادا و بەتایبەتی لەڕووی رێککەوتنە ئابووریی و گەشەپێدانەکانی رێککەوتنەکە، و بەرپاکردنی قۆناغێکی نوێی هەماهەنگی لەنێوان هەردوو وڵاتەدا و لەکۆی سێکتەرەکان.

و "هاوپەیمانی نەسڕ" جەختدەکاتەوە لەسەر پێویستی رێزگرتنی عیڕاق لە پابەندییە نێودەوڵەتییەکانی خۆی، و پابەندبوونی هەمووانیش بە سیاقە سەربازیی و ئەمنیی و ناوخۆیی و دەرەکییەکانی دەوڵەتەوە، و رێگەنەدان بەهیچ جۆرە دەستێوەردانێکی بیانیی لە هەر جۆرە کاروبارێکی ئەمنیی و سەربازیی و سیاسیی عیڕاقی، و دورکەوتنەوەی تەواو لە هەر جۆرە دەستدرێژیکردنێک بۆ سەر نێردە نێودەوڵەتییەکان و بنکەکانی مەشق و گەشەپێدان و راوێژکاریی بیانییەکان، و رووکردنە سیاقەکانی دەوڵەت لەمەڕ مامەڵەکردن لەگەڵ هەر جۆرە دەستدرێژییەک بۆ سەر سەروەریی دەوڵەت، و پچڕاندنی پەیوەستی عیڕاق بەهەر دۆسێیەک لە دۆسێیەکانی ململانێیە هەرێمی و نێودەوڵەتییەکانی ناوچەکە، لەپێناو دوورخستنەوەی لە کارەساتەکانی لایەنگیریی، و لەپێناو نەکردنی بە گۆڕەپانێک بۆ ململانێ کە دەبێتە هۆی بەجێهێنانی بەرژەوەندییەکانی ئەوانی تر لەسەر حیسابی یەکپارچەیی و ئاسایش و سەلامەتی عیڕاق و گەلەکەی.

 

---

 

۲٥ـی تەمووزی ۲۰۲۱

هاوپەیمانی نەسڕ: دەسخۆشی لە هەڵوەشاندنەوەی تۆڕە تیرۆریستییەکان دەکەین و داواکارین بە بێلایەنکردنی دۆسێیەی ئەمنی

"هاوپەیمانی نەسڕ" دەسخۆشی لە راگەیاندنەکەی دەزگای هەواڵگری و لێکۆڵینەوەی ئیتیحادی لە وەزارەتی ناوخۆ دەکات کە توانیویانە دوو تۆڕی تیرۆریستی لە پارێزگای کەرکوک و ئەنباردا هەڵبوەشێننەوە کە بەرپرسبوون لە تەقینەوەکەی "بازاڕی وحێلات"ـی مەدینەی سەدڕ. و "هاوپەیمانییەکە" داواخوازە کە ئۆپراسیۆنی پێشوەخەتەی سەرتاپاگیر ئەنجامبدرێت لەپێناو لەباربردنی پلانە گڵاوەکانی تیرۆر.

و "نەسڕ" جەختدەکاتەوە لەوەی کە ئاسایش بەرپرسیارێتییەکی نیشتیمانی سۆڵیدارانەیە، و پێویستی بە هاوئاهەنگبوونی هەوڵە حکومیی و جەماوەرییەکانە پێکەوە، و سەقامگیریی پێویستی بەوەیە کە ئاسایش بکرێتە بەهایەکی باڵا و دوور لە موزایەدە، وهەروەها بێلایەنکردنی دۆسێیەی ئەمنی و دوورخستنەوەی لە ململانێی سیاسیی و هەڵبژاردنەکان، لەپێناو سەلامەتی گەل و ئاسایشی دەوڵەتدا.

 

---

 

۲٥ـی تەمووزی ۲۰۲۱

هاوپەیمانی نەسڕ: بەردەوامیی تیرۆرکردنی چالاکوانان ئاسایش و یەکڕیزی نیشتیمانی دەخاتە مەترسییەوە

"هاوپەیمانی نەسڕ" سەرکۆنەی بەردەوامبوونی سیاسەتی تیرۆرکردنی چالاکوانان دەکات، و پێیوایە ئەمە سووربوونە لەسەر لێدانی ئاسایش و سەقامگیریی و یەکڕیزیی نیشتیمانیی، و داواکارە لە دەسەڵاتەکانی دەوڵەت گرووپەکانی تاوان و ئاشووب و ئەژیندا گومانلێکراوەکان ریشەکێش و بنبڕ بکات.

ئەمە لە کاتێکدایە کە "هاوپەیمانی نەسڕ" پشتیوانی خۆی رادەگەیەنێت بۆ گەل و نوخبە و چالاکوانەکان ئەوانەی داکۆکیکارن لە داخوازییەکانی گەل، و چەختیشدەکاتەوە لەوەی لۆژیکی دەوڵەت سەردەکەوێت بەسەر لۆژیکی نادەوڵەتدا، چونکە دەوڵەت بەڵێ شەڕ دەدۆڕێنێت بەڵام جەنگەکە دەباتەوە.

 

---

 

۲٦ـی تەمووزی ۲۰۲۱

هاوپەیمانیی نەسڕ: پێشوازیی لە دەرەنجامەکانی دیالۆگی عیڕاقیی ئەمریکیی دەکەین و داخوازی سۆڵیدارێتی نیشتیمانیین

"هاوپەیمانیی نەسڕ" پێشوازیی دەکات لە دەرەنجامەکانی گەڕی چوارەمی دیالۆگی ستراتیژیی عیڕاق و ئەمریکا، کە سەرئەنجامی هەوڵەکانی حکومەتەکەی بەڕێز کازمی و پشتیوانی هێزە نیشتیمانییەکان بوو، و "هاوپەیمانییەکە" بە سەرکەوتنی عیڕاق و سەروەریی و بەرژەوەندییەکانی هەژماری دەکات.

و "نەسڕ" جەختدەکاتەوە لە سۆڵیدارێتی نیشتیمانیی لەمەڕ دۆسێیە بنەڕەتییەکانی دەوڵەت، و یەکڕیزبوونی -حکومەت و گەل و هێزە نیشتیمانییەکان- لەپێناو بەرگریکردن لە بوون و سەروەریی و بەرژەوەندییەکانی عیڕاق، و پەنابردن بۆ دەوڵەت و دامودەزگاکانی بۆ مەمەڵەکردن لەگەڵ ئەو ئاڵنگارییانەی کە وەکو ئومەتێک رووبەڕوومان دەبێتەوە.

 

---

 

۲۷ـی تەمووزی ۲۰۲۱

هاوپەیمانی نەسڕ: داواکارین ئیدامەی گوڕەکە بکرێت لەپێناو پتەوکردنی پێویستییەکانی سەروەریی

"هاوپەیمانی نەسڕ" پێشوتر و ئێستاش پێشوازیی لە دەرەنجامەکانی دوا گەڕی  دیالۆگی ستراتیژیی عیڕاق و ئەمریکا دەکات، و بە سەرکەوتنی عیڕاق و سەروەریی و بەرژەوەندییەکانی هەژماری دەکات.

و "نەسڕ" پاڵپشت بە بەندەکانی دەستپێشخەریی "سەروەریی عیڕاق" کە لەلایەن دکتۆر عەبادییەوە خرایەڕوو، داواکارە بە ئیدامەدان بە گوڕە نیشتیمانییەکە-لەسەر ئاستی حکومیی و جەماوەرییدا- لەپێناو پتەوکردنی سەروەریی و پێویستییەکانی سەروەریی بەرامبەر بەهەموو گرفتەکانی پێشێلکردن، و پێشەنگیشیان داگیرکارییە سەربازییەکانی تورکیایە، و شێوازەکانی تری دەستتێوەردان لە کاروبارەکانی عیڕاق لەڕووی سیاسی و ئەمنی و ئابوورییەوە. و چڕکردنەوەی هەوڵە نیشتیمانییەکان لەپێناو کردنی سەروەریی و بەرژەوەندییەکانی عیڕاق بە بەهایەکی باڵا لە ویژدان و کارکردنی نیشتیمانیدا.

عیڕاقێکی سەروەر و بەهێز هاوسەنگییە هەرێمییەکە لە ناوچەکە و کۆی جیهاندا دەستەبەر دەکات، و هەر جۆرە لاوازبوونێکی عیڕاق، یان کردنی بە گۆڕەپانێکی ململانێ، جیهان و ناوچەکە بەرەو داڕمانی گەورە دەبات، ئەو کاتیش عیڕاق تەنیا دۆڕاو نابێت بەڵکو کۆی ناوچەکە و جیهانیشی لەگەڵدا دەبێت. بۆیە دەبێت ستراتیژیی هێزەکانی ناوچەکە و جیهان پەی بەوەبەرن کە عیڕاق چەقی سەنگ و هاوسەنگی ناوچەکەیە.

 

---

 

28ـی تەمووزی ۲۰۲۱

سەنید: سەروەریی لەڕێگەی سەرکێشییەوە بەدەست نایەت و داواکاری ئیدامەدان بووین بە گوڕی سەروەرییەکە

عەلی سەنید ئەندامی "هاوپەیمانی نەسڕ" جەختیکردەوە لەوەی کە سەروەریی نیشتیمانیی بە گوندایەتیی و سەرکێشیی و نەزانینی یاساکانی ململانێ و بەرژەوەندییەکان بەدەسنایەت: " بەچاوی خۆمان بینیمان کە گوندایەتیی و سەرکێشییەکانی سەدام گەل و دەوڵەتی بەکوێ گەیاند، لۆژیکبوون و بەرپرسیارێتی و نیشتمانپەروەریی ئاستبەرز بناغەی بەدەستهێنان و بردنەوەی جەنگەکانی سەروەریین".

و سەنید وتیشی: "سەروەریی یەکەیەکی یەکانگیرە و دابەشکردن قبوڵ ناکات، و ئەو دەوڵەتی کە سەروەریی ناوخۆیی خۆی لەدەستداوە و ناتوانێت یاسا و فەرمانەکانی خۆی جێبەجێ بکات و هەژموونی خۆی بسەپێنت، هاوکات ناتوانێت سەروەریی دەرەکی خۆیشی بەدەستبێنێت. هەرکەسێکیش ئاواتەخوازی وڵاتێکی سەروەرە دەبێت پەیڕەوی دەوڵەت بەرپا بکات و دووربکەوێتەوە لە پەیڕەوی نادەوڵەت".

و ئەندامەکەی هاوپەیمانی نەسڕ ئاماژەشی بەوەدا: " دەستپێشخەریی "سەروەریی عیڕاق"ـەکەی دکتۆر حەیدەر عەبادی چارەسەری هەموو گرفتەکانی پێشێلکردنی سەروەریی نیشتیمانیی کردووە، لەوانەش پرسی داگیرکاریی تورکیا و شێوازەکانی تری دەستێوەردان لە کاروباری ناوخۆیی عیڕاقدا". و جەختیشیکردەوە کە: "دەسپێشخەرییەکە پێشوازیی لێکرا لەلایەن بەڕێز سەرۆکی وەزیران و کۆی سەرکردایەتیی هێزە سیاسییەکانەوە، و کارکردن بەردەوامە بۆ جێبەجێکردنی بەندەکانی تری".

وسەنید جەختیکردەوە: "هاوپەیمانی نەسڕ" داواکاری ئیدامەدانی گوڕەکەی ئیستا بوو بۆ بەدەستهێنانی هەموو پێویستییەکانی سەروەریی، و کەشی سیاسی ئێستا کەشێکی پۆزەتیڤە، و دەبێت تەوزیفی بکەین بۆ تەواوکردنی فەرزەکانی سەروەریی نیشتیمانیی بە ژیریی و سووربوونەوە هاوکات لەڕێگەی تەوزیفکردنێکی ویریایانەوە بۆ سەرچاوەکانی هێزی عیڕاقی".

 

---

 

28ـی تەمووزی ۲۰۲۱

ئەندامێکی هاوپەیمانی نەسڕ: هەڵبژاردنەکان لەکاتی خۆیدا ئەنجامدەدرێت، هەرکەسێکیش پرۆسەی بەڕێوەچوونەکەی پەکبخات لەڕووی سیاسییەوە دەیدۆڕێنیت

ئەحمەد وەندی ئەندامی "هاوپەیمانی نەسڕ" جەختیکردەوە لەوەی کە هەڵبژاردنەکان لە ۱۰/۱۰ـدا ئەنجام دەدرێت، و شەمەندەفەرەکە بەردەوامە لەڕۆیشتن، و بێجگە لە دۆخی نەخوازراو هیچ شتێک نایوەستێنێت، و هەر لایەنێک کار بکات بۆ پەکخستنی ئەنجامدانی پرۆسەکە داهاتووی سیاسی خۆی دەدۆڕێنت".

وەندی جەختیشیکردەوە: "چاوەکانمان کراوەن بەسەر رێکارەکانی کۆمسیۆنی هەڵبژاردنەکاندا لەپێناو مسۆگەکردنی پاکی هەڵبژاردنەکە، و پشتئەستوورین بە چاودێرییە نێودەوڵەتییەکە بۆ مسۆگەرکردنی پاکی پرۆسەکە، و هەڵوێستی شۆکێنەرمان دەبێت ئەگەر هاتوو ئاماژەکانی ناپاکی و نادادپەورەیی لە پرۆسەی هەڵبژاردنەکاندا بەرزبوونەوە".

لەلایەکی ترەوە، ئەندامەکەی "هاوپەیمانی نەسڕ" جەختیکردەوە " ئێمە داواکارین هەموو هێزە سیاسییەکان بەشداری هەڵبژاردنەکان بن، و پشتئەستوورین بە هوشیاریی و پابەندبوون و کێبڕکێی شەریفانەی ئەوان، بۆ مسۆگەرکردنی بەدەستهێنانی متمانەی شەقام بە هێز و سیستەمە سیاسییەکەی خۆی"

و گەل هان دەدەین بۆ بەشداریکردنی فراوان لەپێناو بەجێهێنانی گۆڕان و چاکسازیدا، ئەوەشی هیچ ناگۆڕێت دواتر نەیخاتە ئەستۆی شانس یاخود پلانگێڕیی.

 

---

 

29ـی تەمووزی ۲۰۲۱

هاپەیمانی نەسڕ: هەر لایەنێک شەرعیەتی حوکمڕانی دەوێت دەبێت شەرعیەتی نوێنەرایەتیکردن بەدەست بێنێت

حەسەن بەهادلی ئەندامی "هاوپەیمانی نەسڕ" جەختیکردەوە لەوەی: هەڵبژاردنەکان بنەمای شەرعیەتی سیستەمە سیاسییەکەیە، و سندوقی دەنگدان "منداڵانی" هاتنەکای دەسەڵاتەکانە، و هەر کەسێک شەرعیەتی حوکمڕانی بوێت دەبێت شەرعیەتی نوێنەرایەتیکردن بەدەستبێنیت.

و بەهادلی ئاماژەی بەوەدا: کە "هاوپەیمانی نەسڕ" پێشوتر و ئێستاش بانگەوازی بەشداریکردنی فراوان کردووە و دەکات لە هەڵبژاردنەکاندا، چونکە دەروازی چاکسازی و گۆڕانکارییە چاوەڕوانکراوەکانە، و داخوازە لە کۆمسیۆنی باڵای هەڵبژاردنەکان و حکومەت و هێزە سیاسییەکان بۆ هەماهەنگ بن بۆ ئەنجامدانی هەڵبژاردنێکی پاک و دادپەروەر کە گوزراشت لە رای خەڵک و بژاردەکانی بکات.

 

---

 

31ـی تەمووزی ۲۰۲۱

هاوپەیمانیی نەسڕ: بەردەوامبوونی کردەوە تیرۆریستییەکان چەندین هێمای پرسیار دوورستدەکات

حەمزە حەردان ئەندامی "هاوپەیمانیی نەسڕ" جەختیکردەوە لە رەتکردنەوەی "نەسڕ" بۆ بەردەوامبوونی کردەوە تیرۆریستییەکان، و بە بابەتێکی قبووڵنەکراو هەژماری کرد، و ئاماژەیە بۆ مەترسیی گەورە بۆ سەر ئاسایش و سەقامگیریی، و هەروەها ئەو دەستکەوتە ئەمنییانەی کە لە جەنگی مەزنی دژ بەداعشدا بەدەستهاتن لەناویان دەبات.

و حەردان ئاماژەیشیکرد بۆ ترسناکیی پەرەسەندنی کردەوە تیرۆریستییەکان، کە دواهەمینیان کردەوە تیرۆریستییەکەی دوێنێکە بوو لە ئەلبو جیلی لە ناحیەی یەسرب لە باشووری سەڵاحەدیندا کە قووربانییەکی زۆری لێکەوتەوە، کە ئەمەش هاوکات بوو لەگەڵ هێرشێکی تیرۆریستیی تردا بۆ سەر هێزە سەربازییەکانمان لە سنووری خانەقیندا، ئەمەش کۆمەڵێک هێمای پرسیار درووستدەکات و دەبێت هێزە ئەمنییە پەیوەندیدارەکان وەڵامی بدەنەوە.

هەروەها ئەندامەکەی "نەسڕ" داخوازبوو کە پرسی ئاسایش بکرێتە پێشەنگی هەوڵە حکومیی و نیشتیمانییەکان، و دەستپێکردنی پرۆسەی ریشەکێشکردنی سەرتاپاگیری پاشماوەی تیرۆر، و دابینکردنی پێداویستی پێویست بۆ ئۆپراسیۆن و هەوڵە ئەمنییەکان، و جەختکردنەوە لەسەر دوورخستنەوەی دۆسێیەی ئەمنیی لە ململانێیە هەنوکەییەکان.

 

---

 

۲ـی ئابی ۲۰۲۱

هاوپەیمانیی نەسڕ: داگیرکردنی کوەیت "دایکی کارەساتەکانە"و دەبێت سەرکردەکانی ناوچەکە سوود وەربگرن لە مێژوو

دکتۆر سەلام زبەیدی ئەندامی "هاپەیمانیی نەسڕ" جەختیکردەوە لەوەی داگیرکردنی کوەیت لە ساڵی ۱۹۹۰ـدا "دایکی کارەساتەکان"بوو کە لەلایەن رژێمی سەرکوتکەر و راسیزمی سەدامییەوە ئەنجامدرا، و بەهۆیەوە عیڕاق رۆحی هەزارەها کەسی لەدەستدا، و ئابووری و ژێرخانەکەی داڕوخا و سەروەرییەکەی پێشێلکرا، و تا ئێستا باجی ئەم سەرکێشییە دەداتەوە کە هۆکاری گێڕانەوەی عیڕاق بوو بۆ چەندین دەیە بۆ دواوە.

و زبەیدی ئاماژەی بەوەدا کە "هاوپەیمانیی نەسڕ" هیوادارە کە یادی داگیرکردنی کوەیت ببێت بە وانەیەکی مێژوویی بۆ گەلان و دەوڵەتەکانمان بەوەی کە؛ سەرکێشیی و جەنگ و سەرکردایەتییەکی سادیزم ناوچەکە بە هیچ کوێ ناگەیەنێت بێجگە لە کارەسات و ململانێی بەردەوام. بۆیە دەبێت سەرکردایەتییەکانی وڵاتانی ناوچەکە کەڵک لە وانەکانی مێژوو وەربگرن، ئەگینا ناوچەکەمان وەکو گۆڕەپانێکی سەرکێشیی و ململانێی وێرانکەر دەمێنێتەوە و ئاسایش و سەقامگیریی و خۆشگوزەرانی گەلەکانمان لەناو دەبات.

 

---

 

۲ـی ئابی ۲۰۲۱

هاوپەیمانیی نەسڕ: بە خەم و پەژارەیەکی زۆرەوە یادی جینۆسایدی ئەنفال و کۆی کوشتارەکانی تری بەعس دژ بە گەل دەکەینەوە

ئەحمەد وەندی ئەندامی "هاوپەیمانیی نەسڕ" جەختیکردەوە لەوەی کە گەل بە خەم و پەژارەوە یادی ۳۳ ساڵەی "شاڵاوی ئەنفال" دەکاتەوە کە تێیدا چەندین هاوڵاتی کورد بوونە قوربانی لەسەر دەستی رژێمی بەعسی خوێناوی لەساڵی 1988ـدا، و هەمیشە جینۆسایدی ئەنفال و کۆی ئەو کوشتارانەی تر کە دژ بە گەلەکەمان ئەنجامدراون وەکو شایەتحاڵێک دەمێننەوە بۆ ستەملێکراویی ئەم گەلە لەکاتی حکومڕانیدا بەعسی رەشدا.

و وەندی ئاماژەشیکرد: کە "هاوپەیمانیی نەسڕ" لە بەرەی گەلدایە دژ بە ستەم و جیاکاریی لە ژێر هەر ناونیشانێکدا بێت، و دەبێت وەکو گەلێک کەڵک لە وانەکانی مێژوو وەربگرین، و پەی بەوە بەرین کە دیکتاتۆریی و نادادپەروەری کۆمەڵایەتی بە هیچمان ناگەیەنێت بێجگە لە کوشتار و تێکشکاندنی یەکڕیزیی نیشتیمانیی. و هاوڵاتیبوونی تەواو و دیموکراسیی راستەقینە و پێکەوەژیانی راستەقینە و دادپەروەریی یەکسان بنەماکانی بونیادنانی دوڵەتەکانە و یەکگرتوویی و بەهێزی کۆمەڵگاکانە.

 

---

 

۲ـی ئابی ۲۰۲۱

نەسڕ: پشتگیریی لە دەرەنجام و دەرهاویشتەکانی کۆبوونەوەی کۆشکی حکومیی دەکەین، و هۆشداری دەدەین لە پەرشبوونی بڕیار

"هاوپەیمانی نەسڕ" پێشوازیی لە دەرهاویشتەکانی کۆبوونەوە فراوانەکەی کۆشکی حکومیی دەکات کە لە ۱ـی ئابی ۲۰۲۱ لە نێوان بەڕێز سەرۆکی ئەنجوومەنی وەزیران و سەرۆکەکانی دەسەڵاتەکانی تر و سەرکردەی فراکسیۆن و حیزبە سیاسییەکاندا بەسترا. ئەمەش لەلایەن عەلی سەنید ئەندامی "هاوپەیمانیی نەسڕ" دووپاتکرایەوە، و وتی "ئێمە کۆبوونەوەکە وەکو کۆکبوونێکی نیشتیمانیی لێی دەڕوانین کە رێگەخۆش دەکات بۆ یەکبوونی هەڵوێست و سیاسەتەکان لەمەڕ ئەو ئاڵنگارییانەی کە رووبەڕووی وڵاتەکە بوونەتەوە.

و سەنید داخوازی بەبنەماکردنی یەکبوونی گوتار و ئەدای نیشتیمانیی بوو لەمەڕ ئەو رووداوە بنەڕەتییانەی کە رووبەڕووی وڵاتەکە بوونەتەوە. چونکە ئەگەر بڕیار و هەڵوێست و ئیرادەی نیشتیمانی پەرش بێت ناتوانرێت هیچ ئاڵنگارییەکی نیشتیمانی تێپەڕێندرێت و چارەسەر بکرێت، و بونیادنان یان داڕوخانی دەوڵەتەکان پرسێکی سۆڵیدارانەیە، و بەرپرسیارێتی هەمووان ناچار دەکات پابەندی یەکبوونی هەڵوێست بن لەپێناو بەجێهێنانی بەرژەوەندییەکانی گەلدا.

 

---

 

3ـی ئابی ۲۰۲۱

نەسڕ: زمانی گشتاندن لەلایەن بەڕێز کازمییەوە رەتدەکینەوە، و پێمانوایە کە پێشێلکارییە بەرامبەر بە مێژووی وڵاتەکە

حەمزە حەردان ئەندامی "هاوپەیمانیی نەسڕ" جەختدەکاتەوە لەوەی: "نەسڕ" زمانی گشتاندن و حوکمدانی رەها و موتڵەق لەلایەن کازمییەوە رەتدەکاتەوە لە وەسفکردنیدا بۆ کابینە حکومییەکانی پێشووتری، وپێیوایە پێشێلکارییە بەرامبەر بە پێوەرەکانی هەڵسەنگاندنی سەبجێکتیڤ، و بەرپاکردنی عەدەمیەتی سیاسییە.

و حەردان ئەو پرسیارەی خستەڕوو: بەپێی چی پێوەرێک ئەو وتەیەی پەسەند دەکرێت کاتێک کە بەڕێز کازمیی دەڵێت: "حکومەتەکانی پێشوو گەلیان سڕکرد و خۆیاندزیوەتەوە لە بەرپرسیارێتی"!؟

ئەمەش یەکەم جار نییە کە یەک تەرازوو بەکار دێنێت بۆ کێشانی قورساییەکانی ئەدا و دەستکەوت، هەمیشە بەڕێز کازمیی جەختیکردۆتەوە و لە بۆنەی جیاوازیشدا لەسەر هەمان شیکردنەوە و هەڵسەنگاندنی ئێستای، لێرەشدا بە یەک چاو سەیری هەموو کابینە حکومییەکان دەکات بەهەموو جیاوازییەکانیانەوە، ئەم پەیڕەوەش ناگونجێت لەگەڵ پێوەرەکانی هەڵسەنگاندنی سەبجێکتیڤ و دادپەروەردا، و دەبێت بەڕێز کازمیی ئەوە بزانێت کە کۆمەڵێک کابینەی حکومیی هەبوون لە رابردوودا بنەماکانی سەرکەوتنیان بۆ فەراهەم بوو، بەڵام شکستیانهێنا، و هەندێک کابینەی حکومیی هەبوون کە تەنیا بنەماکانی شکست و ماڵوێرانی و مایەپووچبوونی لە پێشدا بوو، بەڵام سەرکەوتن. گشتاندنی کارەکانی ئەم کابینە حکومییەی ئێستا ناکرێت لەسەر حیسابی حەقیقەتی مێژوویی بێت، چونکە ئەمە دەبێتە سڕینەوەی سەرکەوتنەکانی وڵاتێک بەر لەوەی پێشلێکاریی بێت بەرامبەر سەرکردایەتییەکی حکومیی سیاسیی کە توانی شەڕێکی یۆنیڤێرساڵ بەڕێوەبەرێت و تێیدا سەربکەوێت لەپێناو بەرژەوەندیی گەل و دەوڵەتدا، کە خودی بەڕێز کازمی خۆی بەشێک بوو لەو قۆناغە.

 

---

 

۱۰ـی ئابی ۲۰۲۱

هاوپەیمانی نەسڕ: نابێت عیڕاق لە ئاستی هەرێمیدا رۆڵی "گارسۆن/سفرەچی" بگێڕێت

عەلی سەنید ئەندامی "هاوپەیمانیی نەسڕ" جەختیکردەوە لە پێشوازیکردنی "هاوپەمانیی نەسڕ" لە بەستنی کۆنگرەی "دراوسێیانی هەرێمیی" و پشتیوانی خۆی دووپاتدەکاتەوە بۆ هەر هەوڵێک لەپێناو بەرپاکردنی سەقامگیریی و هەماهەنگیی و ئاشتیی لە ناوچەکەدا، کە کاریگەریی پۆزەتیڤی دەبێت بەسەر هەموو گەلانی ناوچەکە.

و "سەنید" لە بڕیاربەدەستەکانی ئەمڕۆ داواکاربوو، کە پەی بەرن بە وردیی هاوکێشە هەرێمی و نێودەوڵەتییەکە لەپێناو بەجێهێنانی بەرژەوەندییەکانی عیڕاق بەپێی لەیەکدانەوەی هاوسەنگ و ژیر و بەهێز لە یەک کاتدا.

عیڕاق "مێزێکی" دیداری لاڵوکەڕ نییە، و سیاسەتکردن لەڕێگەی گێڕانی "رۆڵی گارسۆن"ـەوە هەڵەیە، عیڕاق خاوەنی کارت و بژاردەی فشاری ستراتیژییە و دەتوانێت لەڕێگەیانەوە رابەرایەتی ناوچەکە بکات بەرەو سەقامگیریی یان بەرەو ئاشووب، و دەبێت وڵاتانی ناوچەکە باش لە رۆڵی عیڕاق تێبگەن و خۆیان یەکلایی بکەنەوە لەنێوان هەڵبژاردنی عیڕاقێکی بەهێز کە ململانێیەکانی ناوچەکە هاوسەنگ دەکاتەوە، یان هەڵبژاردنی عیڕاقێکی لاواز و پاشکۆ کە بە مسۆگەری وڵاتانی ناوچەکە رادەکێشێت بەرەو پێکدادان و ناسەقامگیریی. و دەبێت سەرکردە بڕیاربەدەستەکانی عیڕاق پەی بەرن بە گرنگی رۆڵی عیڕاق، و چۆکدانەدان لە بەرامبەر رۆڵی "گارسۆن"ـی سیاسیدا.

وهەروەها "سەنید" ئاماژەشیدا، کە دکتۆر حەیدەر عەبادی یەکەم کەس بوو کە تەریکبوون و داخرانی عیڕاقی بەڕووی هەرێمی و نێودەوڵەتیدا هەڵوەشاندەوە، بەڵام لە پێگەی بەهێزییەوە نەک لە پێگە و رۆڵی "گارسۆنی سیاسییەوە"، ئەمەش لەڕێگەی بەرپاکردنی تیۆری "عیڕاقی سەنتەر"ـەوە نەک عیڕاقی پاشکۆ و لایەنگییر و دەسپانکەرەوە.

 

---

 

۱۱ـی ئابی ۲۰۲۱

هاوپەیمانیی نەسڕ: دەوڵەت لە ململانێ و زۆراندایە لەگەڵ نادەوڵەتدا لەپێناو مانەوە

"هاوپەیمانیی نەسڕ" بە توندترین وشە سەرکۆنەی هێرشکردنە سەر بەڕێوەبەری شارەوانی کەربەلا شەهید عەبیر سەلیم خەفاجی دەکات کە لەکاتی جێبەجێکردنی ئەرکەکەی خۆیدا تیرۆر کرا.

و "نەسڕ" پێیوایە رووداوەکە باشترین بەڵگەیە لەسەر باڵادەستبوونی دەستدرێژیی و بێسەروبەری و کەڵەگایەتی بەسەر دەوڵەت و دامودەزگا و فەرمانبەرەکانیدا.

دەوڵەت لە ململانێدایە لە بەرامبەر نادەوڵەتدا لەپێناو مانەوە، وەکو کولتوور و پەیڕەو و هێز، و ئەکەر دەوڵەت گرەوەکە نەباتەوە لەڕێگەی لۆژیک و ملکەچکردن و دەسەڵاتەکانی خۆیەوە، ئەوکات ئاشووب و بێسەروربەری هەمووان قووت دەدات، و کەسیش دەربازی نابێت لە لێکەوتەکانی داڕمانی سیستەمی گشتی.

سەرخستنی دەوڵەت بەرپرسیارێتی هەمووانە، و هەرەس هێنانی دەوڵەت و هەرەسهێنانی ئاسایش و سەقامگیریی و پێشکەوتنە.

 

---

 

۱٥ـی ئابی ۲۰۲۱

نەسڕ: بانگەوازەکەی قەتەرمان پێسەیرە و داواکاری خۆبەدوور گرتنین لە سیاسەتی میحوەرەکان

عەبدلعباس شەیاع پەرلەمانتار و ئەندامی "هاوپەیمانی نەسڕ" جەختیکردەوە لەوەی "نەسڕ" داواکەی قەتەری پێسەیرە سەبارەت بە بانگەوازکردنی ئەو وڵاتە بۆ بەستنی کۆنگرەیەک لەمەڕ "دراوسێتی هەرێمی" کە بڕیارە لە بەغدادا ببەسترێت، و پێیوایە بانگەوازەکە دەرچوونە لە بیرۆکەی کۆنگرەکە و ئامانجەکانی.

و "شەیاع" ئاماژەیشی کرد بەوەی وڵاتانی تری میحوەریی هەن لە ناوچەکەدا کە قەتەر گرنگترن ئەگەر حکومەت مەبەستێتی بازنەی بەشداریکردن فراوانتر بکات بۆ دەرەوەی چوارچێوەی دراوسێتی هەرێمیی، وهیوایخواست ئەم بانگەوازە بەشێک نەبێت لە سیاسەتی میحوەرەکان کە زیان بە عیڕاق دەگەیەنێت.

 

---

 

18 ـی ئابی ۲۰۲۱

نەسڕ: بۆردومانەکانی تورکیا بۆ خاکی عیڕاق بەبێ لێپرسینەوە تێناپەڕێت

عەلی سەنید ئەندامی "هاوپەیمانیی نەسڕ" جەختیکردەوە لەوەی "نەسڕ" بۆردومانەکەی تورکیا بۆ سەر قەزای شەنگال و بەردەوامیی پێشێلکردنی سەروەریی عیڕاق لەلایەن تورکیاوە سەرکۆنە دەکات. هەروەها وتیشی ئەمڕۆ یان سبەی تورکیا باجی ئەم پێشلکارییانەی دەداتەوە، و پێشێلکارییەکانی بەرامبەر بە عیڕاق بەبێ لێپرسینەوە تێناپەڕێت.

لەلایەکی ترەوە، سەنید جەختیکردەوە کە "نەسڕ" بوونی عیڕاق بە گۆڕەپانێک بۆ تەسفیە حیساب لەنێوان تورکیا و پارتی کرێکارانی تورکیی رەتدەکاتەوە، و داواکارە لە حکومەتی عیڕاقی بەرپرسیارێتییەکانی خۆی بەجێبێنێت بەمەبەستی پاراستنی حورمەتی وڵاتەکە.

 

---

 

۲۰ـی ئابی ۲۰۲۱

نەسڕ: خاتوو ئەنسام مانوئێل نموونەی مرۆڤی لێوانلێو لە خۆشەویستی و ئاشتی

بە خەم و پەژارەیەکی زۆرەوە، هەواڵی کۆچی دوایی خاتوو ئەنسام مانوئێل مرۆڤدۆست و سەرکردەی ناوازەی هاوپەیمانیی نەسڕمان پێگەیشت، بەهۆی لێکەوتەکانی پەتای کۆرۆناوە.

کۆچکردوو نموونەی مرۆڤی خۆشەویست و ئاشتی دۆست بوو، و کادرێکی نیشتیمانپەروەر و لێوانلێو لە خۆشەویستی عیڕاق و گەلەکەی و هیواکانیان بوو.

رۆحی کۆچکردوو شاد بێت، خوا سەبووریی کەسوکارەکەی بدات، و ٳنا لله و ٳنا ٳليه راجعون.

 

---

 

۲۱ ئابی ۲۰۲۱

هاوپەیمانیی نەسڕ: بەرەنگاربوونەوەی تیرۆر لەناوبردنی بژاردەی وەحشیگەرایی و ئاشووب و پارچەپارچەبوونە

بەردەوامبوونی کردەوە تیرۆریستییەکانی داعش، کە  دوا کردەوەیان دوێنێ شەو بۆ سەر بارەگای لیوای ۱۲ـی سەر بە حەشدی شەعبی لە ناوچەی تاڕمییە ئەنجامیاندا، و بووە هۆی شەهیدبوون و برینداربوونی پۆلێک جەنگاوەری قارەمان، ئاماژەیەکی مەترسیدارە و پێویستی بە خۆسازدانی نیشتیمانی هەیە بۆ ریشەکێشکردنی پاشماوەکانی تیرۆری داعشی.

و "هاوپەیمانیی نەسڕ" جەختدەکاتەوە لەوەی رووبەڕووبوونەوەی تیرۆر بەرپرسیارێتییەکی نیشتیمانیی سۆڵیدارانەیە لەنێوان دەزگا ئەمنییەکان و هێزە سیاسی و کۆمەڵایەتییەکاندا، چونکە پێشەنگی هەموو جەنگەکانە و سازشکردن و پاڵدانەوە و قۆستنەوە و تێکەڵکردنی کاغزەکان تێیدا قابیلی قبوڵکردن نییە.

و "نەسڕ" دووپاتیدەکاتەوە کە تیرۆر پڕۆژەیەکی وێرانکەرە و کەس لێی دەرباز نابێت، و رووبەڕووبوونەوەی واتا لەناوبردنی بژاردەی وەحشیگەرایی و ئاشووب و پارچەپارچەبوونە، پاراستنی ئاسایش و سەقامگیریی ئەرکێکی عیڕاقیە و پێویست دەکات لە هەموومان قارەمانانە و بە ئیرادە و سۆڵیدارێتی بەجێیبهێنین.

 

---

 

۲۷ـی ئابی ۲۰۲۱

هاوپەیمانی نەسڕ: پێشوازیی لە بەشداریکردنی رەوتی سەدریی دەکەین و داواکاری هەڵبژاردنێکی دادپەروەرانەین

"هاوپەیمانیی نەسڕ" پێشوازیی لە بەشداریکردنی رەوتی سەدریی دەکات لە هەڵبژاردنەکانی داهاتوودا، وپێیوایە گەڕانەوەیان بۆ پرۆسەکه پاڵپشتییەکی نیشتیمانیی درووست دەکات بە ئاڕاستەی بەشداریکردنێکی فراوان لە هەڵبژاردنەکاندا.

"هاوپەیمانیی نەسڕ" داواکارە لە گەل بەشداری بکەن بەشێوەیەکی فراوان بۆ بەدەستهێنانی چاکسازیی و گۆڕانکاریی، و "نەسڕ" جەختدەکاتەوە لە پێویستی پابەندبوونی کۆمسیۆن و هێزە سیاسییەکان بە رێکارەکانی ئەنجامدانی هەڵبژاردنێکی پاک و دادپەروەر بەپێی پێوەرەی دادپەروەرانە دوور لە تەوزیفکردنی تواناکانی دەوڵەت یان پارەی سیاسی بۆ فەرزکردنی ئیرادەکان.

 

---

 

۳۰ـی ئابی ۲۰۲۱

هاوپەیمانیی نەسڕ: ئەوە خوێنی عیڕاقییەکان کە بوو ئاسایشی ناوچەکە و جیهانی پاراست

"هاوپەیمانیی نەسڕ" جەختدەکاتەوە لەوەی شارەکانی عیڕاق بە خوێنی عیڕاقییەکان ئازاد کران، هەر ئەو خوێنەش بوو کە ئاسایشی وڵاتانی ناوچەکە و جیهانی پاراست. ئەو خوێن و قوربانیدانە نەبوایە وڵاتانی ناوچەکە و کۆمەڵگاکان دەرباز نەدەبوون لە تیرۆر و ئاشووب و جەنگەکانی کینە.

لە کاتێکدا ئێمە سوپاسی هەموو ئەو لایەنانە دەکەین کە پشتیوانمان بوون لە جەنگە موقەدەسەکەماندا دژ بە تیرۆری داعشی، کە مەترسییەکی هاوبەش بوو بۆ سەر هەمووان، هاوکات جەخت دەکەینەوە لەوەی: سەرکەوتنەکە عیڕاقیی بوو بە ئیمتیاز، و ئەوەی لەسەر زەوی جەنگا و قوربانی گەورەی بەخشی تەنیا عیڕاقییەکان بوون و نابێت لە شکۆ و قوربانیدان و قارەمانێتی عیڕاق و عیڕاقییەکان کەمبکرێتەوە. و وڵاتانی ناوچەکە جیهان قەرزارباری عیڕاق و گەلەکەین. و دەبێت کڵاوەکنیان بەرزبکەنەوە بۆ عیڕاق.

 

---

 

۳ـی ئەیلوولی ۲۰۲۱

نەسڕ سەرەخۆشی خۆی رادەگەیەنێت بەبۆنەی کۆچی دوایی ئایەتوڵای باڵا سەید مەحەمەد سەعید ئەلحکیم

بە خەموپەژارەیەکی زۆرەوە، هەواڵی کۆچی دوایی سەماحەتی مەرجەعی ئاینی گەورە، ئایەتوڵا سەید مەحەمەد سەعید ئەلحکیممان (س.خ) پێگەیشت، بەهۆی وەستانی دڵییەوە لە شاری نەجەفی شەریفدا.

عیڕاق و جیهانی ئیسلامی قامەتێکی ئاینی و رۆحی گەورەی لەدەستدا، کە ئەرکە شەرعی و جیهادی و رێنوێنییەکانی خۆی بەهەموو بوێری و پێداگرییەکەوە بەجێهێنا هەر لەسەردەمی رژێمی سەرکوتکەری بەعسەوە تا رۆژی ئەمڕۆمان.

داواکارین لە خودای مەزن بیخاتە بەرزترین مەنزڵەی چاکانەوە، و سەبووری ئومەت بدات بەهۆی ئەم کۆستە گەورەیەوە.

 وإنّا لله وإنّا إليه راجعون.

 

---

 

٥ـی ئەیلوولی ۲۰۲۱

هاوپەیمانیی نەسڕ: هۆشداری دەدەین لە دەستبردن بۆ سەقامگیریی و پەنابردنەبەر تێکەڵکردنی کاغزەکان

"هاوپەیمانیی نەسڕ" سەرکۆنەی هێرشە تیرۆریستییەکەی داعش دەکات بۆ سەر لیوای ۱۹ پۆلیسی ئیتیحادیی لە ناحیەی رەشادی باشووری کەرکوک ، کە بووە هۆی شەهید و بریندار بوونی پۆلێک لە هێزە ئەمنییەکانمان.

و "هاوپەیمانییەکە" پێیوایە  بەردەوامبوونی رووبەڕووبوونەوە تیرۆریستییەکان ئاماژەیەکی مەترسیدارە و دەیەوێت ئەو سەقامگیریی و ئاسایشە لەناوبەرێت کە بە قوربانیدانێکی نیشتیمانی گەورە لە ساڵی ۲۰۱۷ـدا بەدیهات.

و "هاوپەیمانیی نەسڕ" پێیوایە کە دۆسیەی ئەمنی پێشەنگێکی کەورەی هەیە بەسەر هەموو دۆسێیەکانی تردا و هۆشداریی دەدات لەوەی ئاسایش ببێت بە قوربانی بەرژەوەندیی  و ململانێیە سیاسییەکانی هەڵبژاردن لەلایەن هەموو لایەنەکانەوە، بۆیە داواکارە بە پشتیوانیکردن و پتەوکردن و بێلایەن کردنی هێزە ئەمنی و سەربازییەکان و دوورخستنەوەیان لە بەسیاسیکردن و ئەو ئەژیندایانەی کە دەیانەوێت کاغزەکان تێکەڵ بکەن و کەڵک وەربگرن لە بۆشاییە ئەمنییەکان.

بوونی شوێنی لاواز لەڕووی ئەمنییەوە لە هەندێک ناوچەی وڵاتەکە پێویستی بە چاوپێخشاندنەوە هەیە بە پلانە هەواڵگرییە و دەستپێشخەرییە ئەمنییەکان، و پێویستە پشتیوانی بکرێت لە هەوڵە حکومییەکان لە بواری ئەمنیدا، و پێویستی بە سۆڵیدارێتی سیاسی و کۆمەڵایەتی هەیە، بۆ ریشەکێشکردنی تیرۆر، لەپێناو پاراستنی گەل و وڵاتدا.

 

---

 

۲٥ـی ئەیلوولی ۲۰۲۱

هاوپەیمانیی نەسڕ: سەرکۆنەی هەر جۆرە ئاساییکردنەاەیەکی پەیوەندییەکان دەکەین و هۆشداریی دەدەین لە لەکەدارکردنی پرنسیپە نەگۆڕەکانی گەل

"هاوپەیمانیی نەسڕ" سەرکۆنەی هەموو بانگەوازەکانی ئاساییکردنەوەی پەیوەندییەکان دەکات لەگەڵ کەیانی زایۆنیزم، و پێیوایە هەموو چالاکییە سیاسیی و کۆمەڵایەتییەکانی ئەم دواییانە لەکەدارکردنی پرنسیپە نەگۆڕەکانی گەلی عیڕاق و هەڵوێستە نەگۆڕەکانێتی بەرامبەر بە دۆزی ڕەوای فەڵەستن، و کەڵەگاییبوونە بەسەر دەستوور و یاساکان و بەهاکانی عیڕاق.

"هاوپەیمانیی نەسڕ" داواکارە لە هەموو هێزە سیاسییەکان و سیمبوڵە کۆمەڵایەتییەکان هەڵوێستی خۆیان رابگەیەنن بەرامبەر بە هەڵکشانی داواکارییەکانی ئاسیی کردنەوەی پەیوەندییەکان، و رەتکردنەوەی هەر جۆرە بانگەوازێک کە عیڕاق بەرەو ئەم هەڵدێرە مەترسیدارە بەرێت.

 

---

 

۲۹ـی ئەیلوولی ۲۰۲۱

عەبادی: ئامۆژگارییەکانی مەرجهەعییەتی ئاینی باڵا ئامانجی چاکەی دەوڵەت و سەروەریی و بەرژەوەندییەکانێتی

تەواوی پشتگیریی خۆمان رادەگەیەنین بۆ ئامۆژگارییەکانی مەرجەعیەتی ئاینی باڵا، و پێمانوایە جەختکردنەوەیە لەسەر هەڵوێستە نیشتیمانییە نەگۆڕەکان و ئەوانەی بەرگری دەکەن لە دەوڵەت و شکۆ و سەروەریی و بەرژەوەندییە باڵاکانی.

و دووپاتی دەکەینەوە، کە مەرجەعییەتی باڵای ئاینی هەمیشە وەکو مەرجەعیەتێکی باوکانە و بێلایەن دەمێنێتەوە، بەڵام هەمیشە لایەنگری یەکڕیزیی و بەهێزیی و سەلامەتیی دەوڵەت و گەلەکەی و بەرژەوەندییەکانیانن.

و ئاماژە دەکەین بەوەی مەرجەعیەتی باڵا فەرموێتی: دەربارەی پێویستی بەشداریکردنی لە هەڵبژاردنەکاندا لەپێناو ئەنجامدانی گۆڕانکاریی راستەقینە لە بەڕێوەبردنی دەوڵەتدا و دوورخستنەوەی دەسەکانی گەندەڵی و بێتواناکان لە جومگە سەرەکییەکانی دەوڵەت.

وپێویستی وردبینیکردن لە سیڤی کاندیدکراوان لە بازنەی هەڵبژاردنەکانیاندا، و تەنیا زیگەبدرێت بەکاسانی چاک و پاک بۆ خۆکاندیدکردن، ئەوانەی کە لە خەمی سەوەریی عیڕاق و سەلامەتی و ئاسایش و گەشەسەندنیدان، خاوەنی متمانە بن بۆ پاراستنی بەها رەسەنەکان و بەرژەوەندییە باڵاکانی وڵات، و وریا لەوەی کە کەسانی بێتوانا و تێوەگلاو نەبن لە گەندەڵی یان لایەنێک بن کە باوەڕی بە بەها نەگۆڕەکانی گەلی عیڕاقی بەخشندە نەبێت یان لە دەرەوەی چێوەی دەستووردا کار بکات، چونکە ئەمە مەترسی گەورەی هەیە بۆ داهاتووی وڵاتەکە.