دکتۆر حەیدەر عەبادی سەرکردەی سەرکرداییەتی هێزە نیشتیمانییەکانی دەوڵەت ئەمڕۆ یەکشەممە، جەختیکردەوە لەوەی جەنگی عیڕاقی ئەمڕۆ جەنگی دەوڵەتە بەرامبەر بە نادەوڵەت.
و لە ئاهەنگێکی هەڵبژاردندا کە کۆمەڵێک کاندیدکراوی هاوپەیمانێتییەکەی لە خۆگرتبوو لە بەغدا، عەبادی وتی: "ئێمە نزیکین لە هەڵبژاردنێکی چارەنووسساز، ئەمڕۆ ئێمە و ئێوە لە بەرامبەر گەلەکەماندا وەستاوین لەپێناو بەدەستهێنانی متمانەیان بە ئێمە وەکو هاوپەیمانێتییەکی سیاسی نیشتیمانی نێوەندگیر، بۆیە دەبێت لە ئاستی متمانەی گەلدا بین بە ئێمە بۆ هەڵگرتنی ئەمانەتەکە بەشێوەیەکی وەفادار و پاک و بەورە، بەمەبەستی گێڕانەوەی هێز و سەروەریی و گەشەکردن بۆ دەوڵەت، بۆ دووبارە نوێکردنەوەی متمانە بە ئێمە لەپێناو بەردەوامبوونمان لەسەر رێپێوانی گۆڕانکاریی و نۆژەنکردنەوە و پێشکەوتن".
ئاهەنگەکە بەخوێندنەوەی ئایەتێکی قورئانی پیرۆز، و خوێندنەوەی سوورەتی فاتیحە بەسەر رۆحی شەهیدانی عیڕاقدا دەستیپێکرد، پاشان کاندیدکراوان بانگێشتی ستەیجەکە کران، و دکتۆر عەبادی پێشیان کەوت و وتارێکی پێشکەشکرد بۆ کاندیدکراوان و تێیدا وتی: "ئێوە نزیکی هەڵبژاردنەکانن، دەبێت ئەوە بزانن کە ئێمە بۆ خۆشی یان بۆ خۆسەپێنییەک نەهاتووینەتە هەڵبژاردنەکانەوە، و دوورین لە حەزکردن لە دەسەڵاتدارێتی و بەرژەوەندیی ئاڕاستەمان ناکات و لەم پێناوانەش نەچووینەتە هەڵبژاردنەکانەوە، خوانەخواستە. ئێمە هەڵگری ئامانەتێکین، دەێت بەوردیی و شەرەفمەندانە بەجێی بێنین، بۆیە خودا و گەل و ویژدان بکەن بە رەقیبی نییەت و کردارەکانتان".
لە بەرامبەردا عەبادی بۆ گەلی عیڕاقی دوا و وتی:" ئەی گەلی عیڕاقیمان: جەنگی عیڕاقی ئەمڕۆ، جەنگی دەوڵەتە، بەرامبەر بە نادەوڵەت، و ئەمەش جەنگەکەی ئێمەیە، و ئێمە بۆی ئامادەین، و لەو جەنگەدا لەگەڵ ئێوە و بە بوونی ئێوەوە، سەردەکەوین، ئێوە دەرەنجامی سوودفەیەک نین، و حیکمەت و ئەزموونمان لێ کەم نییە، و ئیرادەیشمان دۆشدامێنمان ناکات، ئێمە بووین کە دەوڵەتمان بەڕێوە برد لەساڵی ۲۰۱٤ کە تەنیا وێرانەی دەوڵەتێک بوو نەک دەوڵەت، و زۆرێک گرەویان کرد لەسەر داڕمانمان، بەهۆی تیرۆری داعشەوە، و دۆخە داراییە خنکێرەکە، و شەپۆلی ئاوارەکان، و هەڵوەشانەوەی دەوڵەت و هەڕەشە کردن لە یەکپارچەییەکەی، بەڵام گرەوەکەمان بردەوە بەهۆی ئێوەوە، و توانیمان خاک و مرۆڤ ئازاد بکەین، و وڵاتمان یەکخستەوە، و ئابووریمان پاراست لە داڕمان، و پێگەی عیڕاقمان گێڕایەوە، و دەوڵەتمان لەساڵی ۲۰۱٨دا رادەستکرد بەشێوەیەکی باش و لەسەر رێچکەی کامڵبووندا بوو، و ئەوەشی دوێنی توانی وڵات سەربخات، دەتوانێت ئەمڕۆش بەڕێوەی بەرێت".
هەروەها دکتۆر عەبادی داواکار بوو لە دەنگدەران متمانە ببەخشن بە هاوپەیمانێتی هێزە نیشتیمانییەکانی دەوڵەت لەپێناو تەواوکردنی رێپێوانی سەرکەوتن و بونیادنانی دەوڵەت، و جەختیشیکردەوە: "ئێمە دوێنی شکستمان بە ئێوە نەهێنا، و لە داهاتووشدا نایکەین، وپێکەوە عیڕاقمان پاراست، وەکو بوونێکی مێژوویی سەروەر، رۆژی بژاردنی گەورە، بژاردنە لەنێوان دەوڵەت و نادەوڵەتدا، و با دەنگی ئێوە بۆ دەوڵەت بێت" و کۆتا بەیاننامەی مەرجەعییەتی هێنایەوە یاد دەربارەی بەشداریکردنێکی فراوان لە هەڵبژاردندا و دەنگدان بەوەی خاوەنی ئەزموونێکی سەرکەوتوو و پڕۆژەی دەوڵەتە.
و کۆتایی بە ئاهەنگەکە هێنرا بە جەختکردنەوە لەسەر گرنگی هاوئاهەنگبوون لەپێناو خزمەتکردنی بەرژەوەندی گشتیدا، و گوێگیرا بۆ سروودی هاوپەیمانێتی هێزە نیشتیمانییەکانی دەوڵەت.
