لە بەرواری ٦ـی کانوونی دووەمەوە تاوەکو ۲۹ـی ئادار
٦ـی کانوونی دووەمی ۲۰۲۱
بەیاننامەی دکتۆر حەیدەر عەبادی بەبۆنەی یادی سەدساڵەی دامەزراندنی سوپای عیڕاقەوە
بەناوی خودای گەورەو میهرەبان
بەهەموو شانازی وسەربەرزییەکەوە، ئەمڕۆ یادی سەدساڵەی دامەزرداندنی سوپا عیڕاقییە قارەمانەکەمان دەکەینەوە، کە جوانترین داستانی بۆ گەل و وڵاتەکەی تۆمارکردووە.
لەم یادەدا، سڵاو لەم سوپایە دەکەم، کە هاوشانی جەنگام، وئاگەداری قارەمانێتی و قوربانییەکانی بووم لە جەنگەکانی شەرەف و کەرامەتدا دژ بەتیرۆری داعشی لەگەڵ هەموو جەنگاوەرە قارەمانەکانیدا، وپێکەوە خاک و مرۆڤمان ئازاد کرد، ونیشتیمانمان یەکخست و سەروەریمان بەدەستهێنایەوە.
سڵاو بۆ نیشتیمانپەروەری و قارەمانێتی ئەم سوپایە دەنێرم، وماچی ناوچەوانی برینەکانی دەکەم.
ئەی سوپا قارەمانەکە: ئەمڕۆ عیڕاق بە ترسناکترین ئاڵەنگارییەکانی خۆیدا تێدەپەڕێت، بۆیە یەکپارچەیی و ئاسایش و سەروەرییەکەی لە ترسناکترین دۆخی مانونەماندایە، وسوپا داواکاروە بە پاراستنی دەوڵەت و بەرگریکردن لە مانەوەی و کەرامەت و هێزەکەی.
داواکارم لێت ئەی سوپا -هەر وەک چۆن هەر وابوویت- کە وەکو قەڵغانێکی وڵات بمێنیتەوە نەک قەڵغانێک بۆ تایفەیەک یان حیزب و حوکمڕانێکی دیاریکراو، تۆ پارێزەری شەرعیەتی دەوڵەتیت، وپارێزەری سنوورەکانی وڵات و سەروەرییەکەیت، هێزی دەوڵەت لە یەکپارچەیی و نیشتیمانپەروەری تۆدایە، ودەبێت هاوشوناسی هیوای گەل و ئامانجەکانی دەوڵەت بیت بۆ ئەوەی لەم ئاڵەنگارییەدا سەرکەوین هەروەکو چۆن لە رابردوودا سەرکەوتین.
---
٦ـی کانوونی دووەمی ۲۰۲۱
ئیئتلافی نەسڕ: دەبێت دەسەڵاتەکانی هەرێم پابەندی ڕێساکانی دەوڵەت و سەوەریی بن
"ئیئتلافی نەسڕ" بەتووندی هەنگاوی دەسەڵاتەکانی هەرێم رەتدەکاتەوە سەبارەت بە دانپێنەنان بە بەرواری ٦ـی کانوونی دووەم وەکو جەژنی دامەزراندنی سوپای قارەمانی عیڕاقی، وئیئتلافەکە ئەم هەنگاوی دانپێنەنانە بەم رۆژە بەخراپەکردن بەرامبەر بە سوپای عیڕاق هەژمار دەکات چونکە ئەم سوپایە سوپایەکی نیشتیمانی ئیتیحادییە، وسەرتاپای هەموو هەرێم بەشێکە لە دەوڵەتی عیڕاقی و دەسەڵات و دەزگا و سەوەرییەکەی. وداواکارە بە کۆتایی هێنان بەم رەفتارە کە پێچەوانەی دەستوور و ڕێسای سیستەمی فیدڕاڵییە.
و"ئیئتلافی نەسڕ" داواکارە لە دەسەڵاتەکانی هەرێمی کوردستان چاوبخشێنێتەوە بەرەفتارە سیاسی و بەڕێوەبەرییەکەی لەگەڵ ناوەندی ئیتیحادیدا، لەپێناو بنیادنانی یەکڕیزی و پێکەوەژیان و سەروەریی نیشتیمانی کە لە بەرژەوەندی هەموو رۆڵەکانی عیڕاقدایە بەکۆی پێکهاتە جۆراوجۆرە ئاینی و نەتەوەیی و مەزهەبییەکانی.
---
۹ـی كانوونی دووەمی ۲۰۲۱
ئایات ئلموزەفەر: رێوشوێنەکانی ئەمریکا دژ بە فەیاز جێی داخی ئێمەیە و داواکارین بە دوورخستنەوەی دامودەزگا ئەمنییەکان لە ململانێی میحوەرەکاندا
ئایات ئەلموزەفەر وتەبێژی ئیئتلافی نەسڕ جەختیکردەوە لەوەی دانانی بەڕێز فالح فەیاز لە لیستی سزاکاندا لەلایەن خەزێنەی ئەمریکدا بۆ ئیئتلافی نەسڕ جێیداخە، وپێیوایە ئەم هەنگاوە بەشێکە لە ململانێی ئەمریکا و ئێران لەسەر زەوی، وبەشێکە لە هەوڵەکانی تێوەگلاندنی عیڕاق و راکێشانی بەرەو ئەو ململانێیە لەپێناو بەرژەوەندییەکانی خۆیاندا نەک بەرژەوەندییەکانی عیڕاق.
وئەلموزەفەر وتیشی: "دەبێت هەر جۆرە بەریکردن و ئیدانەیەک بۆ هەر کەسایەتییەکی عیڕاقی هاوئاهەنگ و گونجاو بێت لەگەڵ پێویستییەکانی سەروەرییدا. هەروەها دەبێت رێوشوێنی بەرپەرچدانەوەی تووند بگیرێتە بەر لەلایەن عیڕاقەوە لەپێناو پاراستنی هاوڵاتیان و لێپرسینەوە لە پێشێلکەرەکانی مافی مرۆڤ بۆ ئەوەی پاساو نەهێڵرێتەوە بۆ دەستێوەردانی دەرەکی.
هاوکات داواکار بوو بە دوورخستنەوەی دەزگا عیڕاقییەکان و سەرکردەکانی (بەدیاریکراویش سەرکردە ئەمنییەکانی) لە ململانێی میحوەرەکان و گەمە سیاسییەکان و قۆستنەوەی سیاسیدا، لەپێناو مانەوەی سەربخۆیانەی دامودەزگا ئەمنییەکان لە پاراستنی هاوڵاتیاندا نەک کاریان پاراستنی لایەنەکان بێت، هەروەها پەیوەستی بێت بەدەوڵەتەوە و پابەندی سیاسەتەکانی بێت.
---
۱۰ـی کانوونی دووەمی ۲۰۲۱
ئیئتلافی نەسڕ: ئەو دۆخەی لە زیقاردا دەگوزەرێت رەتیدەکەینەوە و دەبێت رێچکەکە راستبکرێتەوە
"ئیئتلافی نەسڕ" رەتکردنەوە و سەرکۆنەکردنی بۆ بەردەوامبوونی رشتنی خوێن لە زیقاردا رادەگەیەنێت، وبە پێشێلکاریی هەژماری دەکات بۆ سەر کەرامەتی گەلی عیڕاق و هیواکانی، هەروەها پێشێلکردنی بەهاکانی دەوڵەت و ئاسایشی کۆمەڵگایە، وداواکارە بە هەڵوەستەیەکی جیددی بەمەبەستی دووبارە هەڵسەنگاندنەوەی دۆخەکە و رێکخستنەوەی. وراستکردنەوەی رێچکەکە بەشێوەیەک کە داخوازییەکانی گەنجان و ئامانجەکانی دەوڵەت بەجێبهێنێت.
و"ئیئتلافی نەسڕ" جەختدەکاتەوە لەوەی شەرعیەتی سیستەمەکە لەسەر لێواری خەرەنددایە، وداواکارە لە حکومەت و هێزە سیاسییەکان کە بەرپرسیارێتییەکانی خۆیان لە ئەستۆ بگرن لەپێناو تێپەڕاندنی قۆناغە راگوزەرەکە بەکەمترین زیان لەرێگەی پابەندبوونی روون و جیددییەوە بەمەبەستی گەیشتن بە قۆناغێکی هەمیشەیی کە داخوازییەکانی گەل بەجێبهێنێت.
---
۲۱ـی کانوونی دووەم ۲۰۲۱
ئیتئیلافی نەسڕ: ئەو خەرقە ئەمنییەی کە روویدا مەترسیدارە و دەبێت حکومەت دۆخەکە دووبارە هەڵبسەگێنێتەوە
"ئیئتلافی نەسڕ" شۆکبوون خەموپەژارەی خۆی دەردەبڕێت بەهۆی ئەو تەقینەوە خۆکوژییەی ئەمڕۆی گۆڕەپانی تەیەڕانی بەغدا، کە بووە هۆی شەهەیدبوون و برینداربوونی کۆمەڵێک هاوڵاتی.
پاش جەنگەکانی ئازادکردن، دۆسێیەی هێرشە خۆکوژییەکان کۆتاییان پێهێنرا، بەهەوڵی هەواڵگری و ئەمنی قورس و فراوان لاپەڕەیەی خەرقکردنی ئاسایشی شارەکانمان داخست، وجێی مەترسییە گەڕانەوەی بەم شێوازەی ئێستا. لەم بارەیەوە دەبێت حکومەت ئەرکەکانی خۆی لە ئەستۆ بگرێت لەپێناو کۆتایی هێنانی ئەم داڕمانە ئەمنییە، وداواکاریین لێی دۆخەکە دووبارە هەڵبسەنگێنێتەوە و ئەلەوییەتەکانی خۆی رێکبخاتەوە بەمەبەستی مسۆگەرکردنی ئاسایش و سەقامگیریی.
دامودەزگا ئەمنییەکانی دەوڵەت و هێزە سیاسییەکان و چالاکییە کۆمەڵایەتییەکان داواکراون بە سۆلیدارێتی و خۆسازدان بەو مەبەستەی کە ئاسایش و سەقامگیریی گرنگی پێویستی خۆی پێبدرێت، ئەمەش لەپێناو پاراستنی وڵاتەک، ووەستانەوە لە بەرامبەر ئەژیندا تێکدەرەکان و فیتنە و نامۆبوون.
---
۲ـی شوباتی ۲۰۲۱
ئیئتلافی نەسڕ: بەخوێنی ئێوە یەکپارچەیی و شکۆی وڵات دەپارێزین
"ئیئتلافی نەسڕ" پرسە و سەرەخۆشی خۆی رادەگەیەنێت بەبۆنەی شەهیدبوونی پۆلێک موجاهیدینی حەشدی شەعبی لە رووبەڕووبوونەوەی تیرۆردا لە ناوچەی نەفتخانە، وئیئتلافی نەسڕ جەختدەکاتەوە لەوەی تیرۆر ناتوانێت یەکپارچەیی و شکۆی ئەم گەلە ببەزێنێت ئەمەش بەهێزی موجاهیدینەکانی حەشدی شەعبی و هەموو کارمەندانی تری هێزە ئەمنییەکان.
و"نەسڕ" جەختدەکاتەوە لەسەر وریایی و ئامادەیی تەواو و هاوئاهەنگی نیشتیمانیی لەپێناو مسۆگەرکردنی بەزاندنی تیرۆر بەیەکجاریی.
---
٤ـی شووباتی ۲۰۲۱
وتەبێژی ئیئتلافی نەسڕ: نەسڕ بەشێک نییە لە پشکپشکێنە (المحاصصة)
ئایات ئەلموزەفەر وتەبێژی ئیئتلافی نەسڕ جەختیکردەوە لە تەواوی رەتکردنەوەی "نەسڕ" بۆ سیستەمی پشکپشکێنەی بێزێنراو لەسەر حیسابی سیستەمێکی پیشەیی و بەتوانا و خزمەتکردنی گشتیی.
ولەم بارەیەشەوە، "نەسڕ" رەتیدەکاتەوە کە هیچ جۆرە پەیوەندییەکی هەبێت بەو لیستانەی لە میدیاکاندا بڵاوکراونەتەوە، کە ئاماژە دەکەن بۆ ناوی پاڵێوراوان بۆ بوون بە باڵیۆز، وناوبراو جەختیکردەوە لەوەی ئەو کەسانەی کە ناویان هاتووە لە لیستەکاندا "نەسڕ" نەیپاڵیوون، تەنانەت هیچ ئینتمایەکیان بۆ نەسڕ نییە، و "نەسڕ" لەگەڵ پشکپشکێنەدا نییە، بەڵکو پشتگیریی لە توانا نیشتیمانییەکان دەکات بەپێی پێوەرە پیشەییەکانی دەوڵەت.
---
۱٦ـی شووباتی ۲۰۲۱
ئیئتلافی نەسڕ: سەرکۆنەی بەئامانجگرتنی هەولێر دەکەین و داخوازی سەروەر بوونی دەوڵەتیین
"ئیئتلافی نەسڕ" سەرکۆنەی ئەم هێرشە تیرۆریستییە مەترسیدارە دەکەین بۆ سەر شاری هەولێر، وئیئتلافەکە بە پێشلکارییەکی سەروەریی دەوڵەتی هەژمار دەکات و لێدانە لە سەقامگیریی شاران و تۆقاندنی هاوڵاتیانە، وداواکارە لێکۆڵینەوەیەکی خێرا و روون ئەنجام بدرێت بەمەبەستی ئاشکراکردنی تاوانباران.
و"ئیئتلافی نەسڕ" هۆشداریی دەدات لە تێکەڵکردنی کاغەزەکان و سەرخستنی ئەژیندای پەشێوی لە واقیع حاڵی عیڕاق، ولەسەرکردەکانی وڵات و دامودەزگا ئەمنییەکان داواکارە کە لێکەوتەکان رێکبخرێن لەسەر بنەمای بەرژەوەندییە باڵاکانی وڵات.
---
۲۰ـی شووباتی ۲۰۲۱
وتەبێژی ئیئتلافی نەسڕ: پڕوپاگەندەکانی نوجەیفی بەکرێگیراوانەیە و نرخیان دراوە
"ئایات ئەلموزەفەر" وتەبێژی ئیئتلافی نەسڕ: پڕوپاگەندەکانی نوجەیفی سەبارەت بەوەی کە گوایە دکتۆر عەبادی هێزەکانی تورکیای هێناوەتە عیڕاق پڕوپاگەندەی بەکرێگیراوانەیە و دوورە لە راستییەوە.
وئایات ئەلموزەفەر وتیشی: هەمووان دەزانن کە هێزەکانی تورکیا لەسەردەمی رێژێمی پێشووەوە هاتوونەتە خاکی عیڕاقەوە، وبوونیشیان لەعیڕاقدا بەردەوام بوو بەدەستنیشانکراویش لە بەعشیقەدا، وعیڕاق بەسەرکردایەتی دکتۆر عەبادی لە رێککەوتی ۱۲ـی دیسەمپەری ۲۰۱٥ـدا ناڕەزایەتییەکی فەرمی پێشکەش بە ئەنجووەنی ئاسایشی نێودەوڵەتی کرد، وەکو دەربڕینی ناڕەزایەتی خۆی لەسەر بوونی هێزەکانی تورکیا لە نزیک شاری مووسڵ لە باکووری عیڕاقدا. وسەرۆک وەزیرانی پێشووی عیڕاق حەیدەر عەبادی ئەوکات وتی:"بوونی ئەم هێزانە لەسەر خاکی عیڕاقدا پێشێلکاریکردنی سەروەریی عیڕاقە لەسەر خاکی خۆیدا لەلایەن تورکیاوە". وسەرۆک ئەردۆگان ئەوکات لە وڵامدا وتی:"ئەو هێزانە لە مێژە لەوێدا بوونیان هەیە بەهۆی رێککەوتنێکی پێشووەوە".
وئایات ئەلموزەفەر ئاماژەشی بەوە کرد، عەبادی سەرکردایەتی جووڵانەوەیەکی هەرێمی و نێودەوڵەتی کرد، لەوانەش رووکردنی لە کۆمکاری وڵاتانی عەرەبی ئەوکات، وتوانی بەکۆی دەنگ بڕیارێکی سەرکۆنەکردن دژ بەبوونی هێزەکانی تورکیا لەعیڕاقدا دەربکات، لەکاتێکدا بەکرێگیراوەکان بەرگریان لەبوونی ئەو هێزانە دەکرد.
وئەلموزەفەر جەختیشیکردەوە: عەبادی تا ئێستا باجی نیشتیمانپەروەریی و بەرگریکردنی لە یەکپارچەیی و سەروەریی عیڕاق دەداتەوە لەبەرامبەر خیانەتکاران و کەسانی پلانگێڕدا ئەوانەی کە هەمیشە عیڕاقیان فڕۆشتووە بە بێگانە.
---
۲٥ـی شوباتی ۲۰۲۱
ئیئتلافی نەسڕ: سەردانییەکەی پاپا جەتخکردنەوەیە لە گرنگی عیڕاق و چڕکردنەوەی بەهاکانی ئاشتییە دژ بە تیرۆر و ڕق وکینە
"ئیئتلافی نەسڕ" پێشوازی دەکات لە سەردانییە مێژووییە چاوەڕوانکراوەکەی قەداسەتی پاپا فڕانسیس، وبەسەردانییەکی مێژوویی هەژماری دەکات وجەختکردنەوەیە لەوەی عیڕاق بناغەی ئاین و شارستانییەکانە.
و"نەسڕ" پێیوایە چاوپێکەوتنی قەداسەتی پاپا فڕانسیس لەگەڵ سەماحەتی ئیمام سیستانیدا (سایەی پارێزراو بێت) پتەوکردنی ئەو رۆڵە ڕابەرانەیەیە کە نەجەفی شەریف ئەیگێڕێت و ڕۆڵی لە بەرجەستەکردنی پێکەوەژیان و دیالۆگی نێوان ئاین و شارستانییەکان، وچڕکردنەوەی بەهاکانی ئاشتییە لەنێوان مرۆڤەکاندا دژ بە خراپە و تیرۆر و کینە.
و"ئیئتلافی نەسڕ" بەهیوایە کە دامودەزگا فەرمییەکان و لایەنه کۆمەڵایەتییەکان بەشداربن لەوەی ئەم سەردانییە مێژووییەی ئەم میوانە گەورەیە ببێت بە هۆکاری پتەوکردنی پێگەی عیڕاق و سەنتەڕاڵییەکەی لەنێوان ناوچەکە و جیهاندا.
---
۲۷ـی شوباتی ۲۰۲۱
ئیئتلافی نەسڕ: داخوازی هەوڵێکی نیشتیمانیی بەرپرسیارانەین لەپێناو وەستاندنی رشتنی خوێن و نەمانی ئاسایش و سەقامگیرییدا
ئایات ئەلمۆزەفەر وتەبێژی ئیئتلافی نەسڕ جەختیکردەوە لە سەرکۆنەکردنی "نەسڕ" بۆ بەردەوامیی رشتنی خوێن و نەمانی سەقامگیریی لە پارێزگای زیقاردا، و"نەسڕ" داخوازی هەوڵێکی نیشتیمانیی بەرپرسیارانەیە تێیدا لەلایەنە فەرمیی و جەماوەرییەکان بەشدار بن بەمەبەستی سنووردانان بۆ ئەم داڕمانە لەپێناو پاراستنی پیرۆزیی خوێن و ژیان و ئاسایش لە زیقاری ئازیزدا.
وموزەفەر داواکاری هەڵگرتنی بەرپرسیارێتییە، وهۆشداریدا لە بەکەم سەیرکردنی گیانی خەڵکی و پێشلکردنی ماڵوموڵک و مانەوەی شارەکە وەکو دیلێک بەدەستی پێشلکاریی و هەڕەشەوە.
---
۷ـی ئاداری ۲۰۲۱
عەبادی: ئاشتی بەندە بەهێزە ئاشتیخوازەکان و پەیڕەوی دەوڵەتەوە
دەستخۆشی دەکەم لە لووتکەی ئاشتی و پێکەوەژیان لەنێوان سەماحەتی ئیمام سیستانی و قەداسەتی پاپا فڕەنسیس، ئەمە شەپۆلێکی مێژووییە بە ئاڕاستەی بەهاکانی چاکە و خۆشەویستی و ئاشتیدا.
وپیرۆزبایی لە حکومەت دەکەم بە هەژمارکردنی شەشی ئادار بە رۆژێکی نیشتیمانی عیڕاقی بۆ لێبووردەیی و پێکەوەژیان، ئەمەش لەپێناو تەوزیفکردنی ئەم شەپۆلەدا بۆ پتەوکردنی یەکگرتووییمان و چارەنووسە هاوبەشەکەمان.
باشبوونی گەلان و ئاسایشی وڵاتان و خۆشگوزەرانی کۆمەڵگاکان وئاشتەواویی مرۆڤایەتی پێویستی بە بەهای ئاسمانی پیرۆز هەیە و بە چەقبوونی رۆح و ئیتیک و بەها باڵاکان لە ژیانی ئێمەدا وەکو مرۆڤ، وپێویستی بە سەرخستنی پەیڕەوی میانڕەوی و دیالۆگ و قبووڵکردنی ئەوەی تر و بەجێهێنانی بەرژەوەندییەکان بەشێوەیەکی شەرعییە.
مرۆڤایەتی بە ئێستایشییەوە باجێکی گەورە دەداتەوە لەڕێگەی ئاسایش و سەلامەتی و خۆشگوزەرانییەوە بەهۆی جەنگ و داگیرکارییەکان و ناهەوسەنگبوونی تەرازووی عەدالەت و باوبوونی ڕق و جیاکاریی و قۆرخکردنی مافەکان.
تاوانباران و زۆرداران و بێ ڕەوشتەکان ناوی خودای گەورەیان پیسکرد و یەکگرتوویی مرۆڤایەتیان تێکشکاند بەهۆی ئارەزووەکانیانەوە و هەوڵدانیان بۆ هەژموون درووستکردن.
سەروەربوونی دەوڵەت و سەرخستنی پەیڕەو و ئامانجەکانی پڕۆژەیەکە کە بەدەستهێنانی عەدالەت و یەکسانی و ئاسایش بۆ هەموو هاوڵاتیان دەستەبەر و مسۆگەر دەکات بەبێ جیاوازی و قۆرخکردنی ماف و ئازادی و داخوازییە ڕەواکانی هیچ نەتەوە و ئاین و تایفەیەکی عیڕاق، وهەموو پڕۆژەکانی تیرۆر و توندوتیژیی و سەپاندنی ئیرادە و کەڵەگابوون بەسەر کۆمەڵگا و دەوڵەتەوە ناتوانن ئاشتی و پێکەوە ژیان و خۆشگوزەرانی بەرهەمبێنن. هاوڵاتیبوون و دیموکراسی و پێکەوەژیان پێویستی بە دەوڵەتە، لەدەرەوەی دەوڵەتدا هیچ شتێک نییە بێجگە لە فەوزا و زۆرداریی و نامۆبوون.
دەبێت سەرکردە سیاسییەکان تێبگەن لە وانەکەی لووتکەی ئاشتی لەنێوان هەردوو جەمسەری ئاشتی و خۆشەویستیدا لە نەجەفی شەریف. دەبێت سەرکردە و نوخبە پارێزبەندییەکانی تایفەگەریی و گەندەڵیی و ناعەدالەت بشکێنن، ودەوڵەت و پڕۆژەی یەکپارچەیی و سەقامگیریی و سەروەرییەکەی سەرخەن وەکو چوارچێوەیەکی نیشتیمانی بۆ مسۆگەرکردنی بەدەستهێنانی بەرژەوەندییەکانی هەمووان، ودەبێت هێزەکانی ناوچەکە و جیهان لەوە تێبگەن ئەوەی کە ناتوانرێت بە ئاشتی و هەماهەنگی بەدەستبهێنرێت، جەنگ و پلانگێڕیی و گەمەکردن بە گەلانیش دەستەبەری ناکات.
---
۱۳ـی ئاداری ۲۰۲۱
ئیئتلافی نەسڕ: سەرکۆنەی کوشتارگەی ئەلبو دۆڕ دەکەین وداواکاری هاوئاهەنگیین بۆ ریشەکێشکردنی تیرۆر
"ئیئتلافی نەسڕ" سەرکۆنەی کوشتارگە تیرۆریستییەکەی ئەلبو دۆڕ دەکات لە پارێزگای سەڵاحەدیندا، ورەحمەت دەنێرێت بۆ رۆحی شەهیدان، وداواکاری یەکگرتنەوەی هەوڵەکانە بەمەبەستی ریشەکێشکردنی تیرۆر بەهەموو سووربوون و پێداگرییەکەوە.
و"نەسڕ" جەختدەکاتەوە لەوەی کە ئەم کوشتارە تۆقێنەرە وا ئەخوازێت کە حکومەت و چالاکییە کۆمەڵایەتییەکان و تێکڕای هێزە سیاسییەکان هاوئاهەنگ بن بۆ رووبەڕووبوونەوەی تیرۆر، چونکە پێشووتر بە یەکگرتنمان توانیمان تیرۆر ببەزێنین و ئەمڕۆیش دەتوانین ریشەکێشی بکەین.
چاکبوونەوە و بوژاندنەوەی دەوڵەت و هێزەکەی بەندە بە هاوئاهەنگبوون و بەئاگاهاتنەوە و چالاکییەکانمانەوە دژ بەو ئاستەنگە سیاسیی و ئەمنیی و ئابوورییانەی کە رووبەڕووی وڵاتەکە بوونەتەوە.
---
۱٦ـی ئاداری ۲۰۲۱
هاوپەیمانێتی نەسڕ: هەڵەبجە پەڵەیەکی شەرمەزارییە بەنێوچەوانی بەعسی رەشەوە
ئەمڕۆ بەخەم و پەژارەوە یادی جینۆسایدی هەڵەبجە دەکەینەوە کە تێیدا سەدان هەزار هاوڵاتی کورد بوونە قوربانی بەهۆی بۆمبارانکردنیان بە چەکی کیماوی لەلایەن ڕژێمی زۆرداریی بەعسەوە لەساڵی ۱۹٨٨ـدا.
گەلەکەمان ناتوانێت ئەو باجە گەورانە لەبیربکات کە بەهۆی سیاسەت و کوشتار و زۆرداریی و جەنگ و سەرکوتکارییەکانی بەعسەوە داویانە، دەبێت لە مێژوو تێبگەین و وێستگەکانی تەوزیف بکەین لەپێناو ئەوەی ستەم و زۆرداریی کردارەکانی خۆی دووبارە نەکاتەوە دژ بە گەلەکەمان و داخوازییەکانیان.
لەم یادەدا داواکاری یەکڕیزیی نیشتیمانین و مسۆگەکردنی بونیادنانێکی درووستی سیستەمێکی سیاسیی عەدالەتخوازین بەشێوەیەک کە داخوازییەکانی گەل بەجێبهێنێت بەهەموو تایفە و نەتەوەکانییەوە.
هەڵەبجە هەمیشە وەکو پەڵەیەکی شەرمەزاریی بەنێوچەوانی بەعسی رەشدا دەمێنێتەوە، هەروەها وەکو وێستگەیەکی بوژاندنەوە و بەئاگاهاتنەوە لەپێناو بەجێهێنانی عەدالەت و یەکسانی و پێکەوەژیان.
---
۱۹ ئاداری ۲۰۲۱
هاوپەیمانێتی نەسڕ: دەستەواژەی هاوسەنگی دەستووریی رەتدەکەینەوە وداواکاری لابردنیین
"هاوپەیمانێتی نەسڕ" دەستەواژەی (هاوسەنگیی دەستووری) رەتدەکەینەوە کە لە بڕگەی (٦)ـی یاسای دادگای باڵای فیدڕاڵیدا هاتووە، وبە پێشهاتێکی ترسناکی هەژمار دەکات بەهۆی خوڵقاندنی دەستەواژەگەلێکەوە کە هیچ بنەمایەکی دەستووریی و یاسیی نییە، وشەرعیەت دەدات بە پشکپشکێنەی ئیتیکی و تایفیی لە بونیادی دەوڵەتدا بەگشتی و لە دادگادا بەتایبەتی.
و"هاوپەیمانێتی نەسڕ" جەختدەکاتەوە لەوەی دەستەواژەی (هاوسەنگی) یەک جارێک لەڕووی دەستوورییەوە ئاماژەی بۆك کراوە سەبارەت بە هێزە چەکدارەکان، وهیچ لایەنێک بۆی نییە بە ئەنجوومەنی وەزیرانیشەوە کە دەستکاریی دەستوور بکەن.
(نەسڕ) داواکاری چاوخشاندنەوەیە بە بڕگەی (٦)ـی یاسای دادگای فیدڕاڵی هەموارکراو بەشێوەیەک کە بگونجێت لەگەڵ دەستووری عیڕاقی کارپێکراودا.
---
۲۱ـی ئاداری ۲۰۲۱
وتەبێژی نەسڕ: پشتیوانی لە قوربانیانی رووداوی (عەبارە/بەلەمەکە) دەکەین
ئایات ئەلموزەفەر وتەبێژی فەرمی نەسڕ جەختیکردەوە لە پشتیوانیکردنی "نەسڕ" بۆ مافە رەواکانی کەسوکاری قوربانیانی (بەلەمەکە) لە موسڵی خۆشەویستدا.
وموزەفەر وتیشی: لەرۆژێکی وەکو ئەمڕۆدا یادی رووداوە دڵتەزێنەکەی (بەلەمەکە) دەکەینەوە، وجەختدەکەینەوە لە پشتیوانیکردمان بۆیان و هەموو کەسانی خاوەن مافێکی رەوا لە وڵاتەکەدا.
---
۲٤ـی ئاداری ۲۰۲۱
وتەبێژی فەرمی نەسڕ: پێشوازی دەکەین لە هەماهەنگی کردنی عیڕاق لەگەڵ وڵاتانی هەرێمیدا و داواکارین لێیان دەستێوەردان رابگرن
ئایات ئەلموزەفەر "وتەبێژی فەرمی هاوپەیمانی نەسڕ" جەختیکردەوە لە پێشوازیکردنی نەسڕ لە هەماهەنگی و تەواوکاریبوونی عیڕاق لەگەڵ وڵاتانی هەرێمدا، لەپێناو مسۆگەکردنی سەقامگیریی و گەشەکردن بۆ هەمووان، لەجیاتی ئەژینداکانی ململانێی و رق و جەنگ.
وموزەفەر ئاماژەشی کرد بەوەی عیڕاق گەورەترین قوربانی ململانێی میحوەرەکان بوو لەناوچەکەدا و تا ئێستاش بە دەستی ئەو دۆخەوە دەناڵێنێت، وباجێکی گەورەی دایەوە لەسەر حیسابی ئاسایش و سەقامگیریی و گەشەکردنی خۆی بەهۆی دەستێوەردانی وڵاتان لە کارووبارە ناوخۆییەکانی، ودەبێت ئەم وڵاتانە پەی بەرن بە ترسناکی بەردەوامبوونیان لە سیاسەتە نابەرپرسانەکانیان بەرامبەر بە عیڕاق.
وهێماشیکرد بەوەی عیڕاق داواکاری هەماهەنگیکردن و سۆلێداربوونه، بەڵام ناپاڕێتەوە بۆی و وڵاتێکی لاواز نییە، وکارتی ئەرێنی وکارتی فشاری باشی هەیە و دەبێت بەکاریانبێنێت بۆ بەجێهێنانی بەرژەوەندییەکانی عیڕاق و سنووردانان بۆ ئەو وڵاتانەی کە بەردەوامن لەدەستێوەردان لەرێگەی سیاسەتە پێشێلکارییەکانیانەوە بەرامبەر بە سەروەریی عیڕاق.
وموزەفەر کۆتاییشی هێنا بە قسەکانی بەجەختکردنەوەی لەسەر ئەوەی یادەوەریی نیشتیمانی هەموو هەڵوێستە ئەرێنی و نەرێنییەکانی وڵاتان بەرامبەر بە عیڕاق لەخۆیدا هەڵدەگرێت و ئیحتیفازی پێوە دەکات.
---
۲٥ـی ئاداری ۲۰۲۱
هاوپەیمانی نەسڕ: پێشوازیی لە دەستپێشخەرییەکی نیشتیمانی جیددی دەکەین لەبارەی قەیرانەکانی دەوڵەت
"هاوپەیمانی نەسڕ" پێیوایە هەر کارێک لەدەرەوەی چوارچێوەی دەوڵەت و دامودەزگاکانی قبووڵنەکراوە، دەرەنجام دەمانگەیەنێتە پەرتبوونێکی نیشتیمانی زیاتر و دابەشبوونی دەوڵەت و لەدەستدانی شکۆکەی و زیانگەیاندن بە بەرژەوەندیی هاوڵاتیان.
و"نەسڕ" جەختدەکاتەوە لەوەی رەخنەگرتن لە ئەدای حکومەیی، وتەنانەت گۆڕانکاریی حکومیش، شتێکی ڕێگەپێدراو و ئاساییە لە نەریتی سیستەمە دیموکراتییەکاندا، بەڵام لەچوارچێوەی یاسا و دامودەزگا و بەرژەوەندیی گشتییدا.
و"نەسڕ" ئاماژە بۆ ئەوە دەکات کە بەردەوامبوونی ململانێی سیاسی و لێکدژبوونی دیدگاکان و سیاسەتەکان بەرامبەر بە قەیرانەکانی دەوڵەت لە بەرژەوەندی دەوڵەت و گەلدا نییە، ئەوەی لەم قۆناغەدا داواکراوە سۆڵیدارێتییە لەپێناو چارەسەرکردنی کێشەکانی دەوڵەت و رووبەڕووبوونەوەی ئاستەنگەکان.
و"نەسڕ" داواکاری دەستپێشخەرییەکی نیشتیمانیی جیددییە بۆ دەرچوون بە چوارچێوەی ڕێککەوتنی سیاسی، بەمەبەستی یەکخستنی دیدگا و هەڵوێستەکان و دۆزینەوەی چارەسەر بۆ قەیرانە سەرەکییەکانی دەوڵەت لەڕووی سیاسی و ئابووری و سەروەرییەوە، لەسەر بنەمای دەستووری و بەرژەوەندی گشتی، بەهەژمارکردنی بونیادنانی دەوڵەت وەکو ئەرکێکی سۆڵیداریی کە تێیدا هەموو دامودەزگا و هێزەکانی گەل بەشداربن.
---
۲۹ـی ئاداری ۲۰۲۱
دەستپێشخەریەکی "نەسڕ" بۆ پاراستنی ئازادی رادەربڕین و گوزارشت
هاوپەیمانی نەسڕ پێشنیارێکی یاسایی پێشکەش بە ئەنجوومەنی نوێنەران دەکات سەبارەت بە هەڵوەشاندنەوەی دەقی هەردوو بڕگەی ۲۲٥ و ۲۲٦ لە یاسای سزادانی ژمارە ۱۱۱ بۆ ساڵی ۱۹٦۹، ئەمەش لەپێناو هەڵوەشاندنەوەی ئەو دەقە یاساییانەی کە لێکدژه لەگەڵ ئازادی رادەربڕیندا کە بنەمایەکی ئاماژە بۆ کراوە لە دەستووری کۆماری عیڕاقدا.
پێشنیارە یاسای هەموارکردنەوەی یاسای سزادانی ژمارە ۱۱۱ بۆ ساڵی ۱۹٦۹:
بڕگەی ۱
هەڵوەشاندنەوەی دەقی هەردوو بڕگەی ۲۲٥ و ۲۲٦ لە یاسای سزادانی ژمارە ۱۱۱ بۆ ساڵی ۱۹٦۹.
بڕگەی ۲
ئەم یاسایە جێبەجێدەکرێت لە بەرواری بڵاوکردنەوەی لە رۆژنامەی فەرمیدا.
هۆکارەکانی پێشنیارەکە
لەپێناو هەڵوەشاندنەوەی ئەو دەقانەی لێکدژن لەگەڵ ئازادی رادەربڕین و گوزارشت کە دەستووری کۆماری عیڕاق بۆ ساڵی ۲۰۰٥ فەراهەمی کردووە وەکو یاسا.
ئەمەی خوارەوە دەقی بڕگەی ۲۲٥ و ۲۲٦ ـە لە یاسای سزادانی ژمارە ۱۱۱ بۆ ساڵی ۱۹٦۹:
بڕگەی ۲۲٥
سزا دەدرێت بۆ ماوەیەک کە لە حەوت ساڵ زیاتر نەبێت هەر کەسێک هەڵبسێت بە شێوازێک لە شێوازە ئاشکراکان سوکایەتی بە سەرۆکی کۆمار یان هاوئاستێکی بکات.
بڕگەی ۲٦
سزا دەدرێت بۆ ماوەیەک کە لە حەوت ساڵ زیاتر نەبێت هەر کەسێک هەڵبسێت بەشێوازێک لەشێوازە ئاشکراکان سوکایەتی بکات بە ئەنجوومەنی گەل یان حکومەت یان دادگا یان هێزە چەکدارەکان یان هەر جۆرە دەستە و فەمانگەیەکی فەرمی یان دەسەڵاتێکی گشتی یان بەرژەوەندی و فەرمانگەیەکی فەرمیی و شێوە فەرمیی.
